| e-texts navigator |
| Wylie |
160b1 ཉིད་དུ་མཛད། །དེ་ནས་མགོན་པོ་བསམ་ཡས་ལས། །བུད་མེད་གཟུགས་སུ་བྱུང་བར་གྱུར། །དེ་ནི་སངས་རྒྱས་སྤྱན་འདྲ་དང་། །མཱ་མ་ཀཱི་འདྲ་སྦྱོར་བ་དང་། །གོས་དཀར་མོ་འདྲའི་གཟུགས་དང་ནི། །སྒྲོལ་མའི་གཟུགས་སུ་ཡང་དག་གནས། །སྒྲ་ཡི་ངོ་བོའི་གཟུགས་ཅན་དང་། །དྲི་ཡི
160b2 ངོ་བོའི་གཟུགས་དང་ནི། །དེ་བཞིན་རོ་ཡི་ངོ་བོའི་གཟུགས། །རེག་གི་ངོ་བོའི་གཟུགས་ཅན་དང་། །ལ་ལ་གཟུགས་ཀྱི་ངོ་བོ་ཡིས། །དེ་བཞིན་གཤེགས་པ་དེ་རྣམས་བཞུགས། །དེ་ནས་ཚུལ་གསུམ་དོན་གཅིག་དང་། །མི་བསྐྱོད་པ་ཡང་བསྟན་ཕྱིར་དང་། །འཇིག་རྟེན་རྒྱང་པ་ན་གདུལ་དོན
160b3 དུ། །འཇིག་རྟེན་འདས་པའི་ཚུལ་བྱུང་ངོ་། །གཉིས་མེད་མཉམ་པ་ཉིད་རྣལ་འབྱོར། །རྡོ་རྗེ་བུད་མེད་བྷ་ག་མཆོག་།དམ་ཚིག་ཆེན་པོའི་དཀྱིལ་འཁོར་དུ། །དེ་ནི་མི་བསྐྱོད་ཡང་དག་བྲི། །ཟུར་བཞི་པ་ལ་སྒོ་བཞི་པ། སྦྱོར་གཞི་གཅིག་ཏུ་སྦྱོར་བ་ཉིད། །དྲི་མ་མེད་པར་བྱིན་བརླབས་པ། །ཀུན
160b4 ནས་ཤིན་ཏུ་གསལ་བའི་གཟུགས། །སངས་རྒྱས་སྤྲིན་གྱིས་ཀུན་དུ་ཁྱབ། །འབར་བ་མང་པོས་རྣམ་པར་འཁྲུག་།གསལ་བ་ལ་སོགས་དཀྱིལ་འཁོར་ལྡན། །དེ་བཞིན་གཤེགས་པ་ཀུན་གྱི་གནས། །དེ་ནས་དེ་ནི་བཅོམ་ལྡན་འདས། །དེ་བཞིན་གཤེགས་ཀུན་བདག་པོ་འདི། །དཀྱིལ
160b5 འཁོར་ཆེན་པོའི་དབུས་སུ་ཡང་། །རྣམ་པར་བཞག་སྟེ་བཞུགས་པར་གྱུར། །མི་བསྐྱོད་རིན་ཆེན་དཔག་མེད་དང་། །དོན་གྲུབ་རྣམ་སྣང་དེ་བཞིན་གཤེགས། །དེ་རྣམས་བྱང་ཆུབ་སེམས་རྡོ་རྗེའི། །ཐུགས་ལ་རྣམ་པར་བཞུགས་པར་གྱུར། །དེ་རྣམས་ཟིལ་གྱིས་མནན་པའི་ཕྱིར། །དེ
160b6 བཞིན་གཤེགས་པ་བྱང་ཆུབ་སེམས། །དངོས་མེད་ངོ་བོར་གཅིག་པར་ནི། །མཁའ་འདྲ་རྡོ་རྗེ་ལས་བྱུང་གཟིགས། །ཤེས་རབ་ཏིང་འཛིན་གཞི་གཅིག་པུ། །དེ་ནི་གྲིབ་མ་ལྟར་ཐུགས་ཆུད། །རྡོ་རྗེའི་རང་བཞིན་སྐུར་མཛད་ནས། །འགྲོ་དོན་མཉམ་དང་མི་མཉམ་མཛད། །ཇི་ལྟར་མཚམས
160b7 གནས་ཉི་མ་ཡིས། །འགྲོ་བ་གཉིད་ལོག་སད་པར་བྱེད། །དེ་བཞིན་དེ་བཞིན་གཤེགས་པ་ཀུན། །བྱང་ཆུབ་སེམས་ཀྱིས་སད་པར་བྱེད། །སྐུ་གསུང་ཐུགས་ནི་རྡོ་རྗེ་གཅིག་།དེ་རྣམས་སྐྱེ་བར་བཞེད་པ་ཡི། །བྱང་ཆུབ་སེམས་ཀྱི་ངོ་བོ་ཡིས། །རྡོ་རྗེའི་སྔགས་སུ་མཛད་པར་གྱུར། །རིག
iiif viewer powered by OpenSeadragon
