| e-texts navigator |
| Wylie |
160a1 བདག་ཉིད། །དེ་ཉིད་ཡེ་ཤེས་རྒྱ་མཚོ་ལ། །ཐུགས་ཀྱི་རྡོ་རྗེ་ཡང་དག་བྱུང་། །སེམས་ཅན་ཀུན་གྱི་སེམས་གང་ཡིན། །ནམ་མཁའ་ཡོངས་སུ་བརྟགས་པ་སྟེ། །དེ་ཡང་དེ་རུ་ཀུན་གནས་པས། །བུད་མེད་ཆོས་གཅིག་པུ་ཡི་གཟུགས། །སངས་རྒྱས་ཀུན་གྱིས་གང་བརྟེན
160a2 པ། །སར་གྱུར་དེ་ནི་བཅུ་གསུམ་པ། །དེ་ནི་བུད་མེད་ཅེས་བཤད་དེ། །དེ་བས་ཆོས་དེ་བྷ་ག་ཡིན། །བྱ་བ་ལ་སོགས་ཇི་སྐད་བཤད། །དམ་ཚིག་ཆེན་པོ་གཅིག་ཏུ་གྱུར། །དངོས་མེད་ཆོས་ཉིད་གཅིག་པུ་རུ། །འདི་ནི་དེ་དག་མཉམ་པར་འགྱུར། །དམ་ཚིག་སྐུ་གསུང་ཐུགས་དང་ནི། །ཏིང
160a3 འཛིན་དེ་བཞིན་རྒྱལ་བ་དང་། །ས་དང་ཆུ་དང་དེ་བཞིན་མེ། །རླུང་དང་ནམ་མཁའ་ཉིད་དག་དང་། །གཟུགས་དང་སྒྲ་དང་དྲི་དང་རོ། །རེག་དང་དེ་བཞིན་ཆོས་ཀྱི་དབྱིངས། །འདི་རྣམས་རྡོ་རྗེའི་མཐའ་ཅན་བྱུང་། །བྱང་ཆུབ་སེམས་དཔའ་རྫུ་འཕྲུལ་ཆེ། །དེ་ལྟར་བརྗོད་མི་ལང་ཞེས་པ། །བརྗོད་མི
160a4 ལང་བ་ཉིད་གྱུར་རྣམས། །སངས་རྒྱས་ཞིང་གི་རི་རབ་ཀྱི། །རྡུལ་ཕྲན་གྱི་ནི་གྲངས་མཉམ་པའི། །བྱང་ཆུབ་སེམས་དཔའ་སེམས་ཆེན་དང་། །ནམ་མཁའ་མཉམ་པའི་དེ་བཞིན་གཤེགས། །མི་བསྐྱོད་རྣམ་སྣང་མཛད་རིན་ཆེན། །དཔག་མེད་ཚེ་དང་གདོན་མི་ཟ། །འདི་དག་ནམ་མཁའི་ཁམས་མཉམ
160a5 པའི། །རྡོ་རྗེ་སྙིང་པོ་དེ་བཞིན་གཤེགས། །དཔེར་ན་ཏིལ་འབྲུ་མཚུངས་པ་ཡི། །དེ་བཞིན་གཤེགས་པ་ཐམས་ཅད་ཀྱིས། །ནམ་མཁའི་ཁམས་ནི་ཡོངས་ཁེབས་པ། །དེ་རྣམས་དེར་ནི་ཡང་དག་སྣང་། །དེ་ནས་མགོན་པོ་རྣམ་སྣང་མཛད། །དེ་བཞིན་ཉིད་དང་གཅིག་ཏུ་གྱུར། །གང་ཡང་དམ
160a6 ཚིག་སྔོན་འགྲོ་དང་། །སྐུ་རྡོ་རྗེ་སོགས་མིང་ཅན་གྱི། །བྱང་ཆུབ་སེམས་དཔའ་སེམས་ཆེན་དང་། །དོན་ཡོད་ཐམས་ཅད་དེ་བཞིན་གཤེགས། །འདི་རྣམས་སྐུ་ཡི་ཡན་ལག་གྲགས། །ཞི་གནས་བསམ་མི་ཁྱབ་ལས་བྱུང་། །མ་སྐྱེས་གཅིག་པུ་གཟིགས་པ་ནི། །འདོད་ཆགས་ཆེན་པོའི་ཚུལ
160a7 དུ་གྱུར། །འདོད་ཆགས་ཆེན་པོའི་ཚུལ་མཆོག་གི། །ཏིང་ངེ་འཛིན་ལ་སྙོམས་ཞུགས་ཏེ། །དེ་བཞིན་གཤེགས་པ་ཀུན་གྱི་ཚོགས། །དེ་ནི་ཉིད་ཀྱི་སྐུ་ལ་བཅུག་།དེ་ནི་དེ་བཞིན་གཤེགས་པ་ཀུན། །དེ་ནི་རྣམ་པར་སྣང་མཛད་ཆེ། །འདི་ཉིད་མཉེས་པར་བྱ་བའི་ཕྱིར། །ཉིད་སྐུ་བུད་མེད
iiif viewer powered by OpenSeadragon
