| e-texts navigator |
| Wylie |
159a1 གནས་ཁྱབ་བྱེད་ཅེས་བྱ་དང་། །ཀླུ་དང་རུས་སྦལ་རྩངས་པ་དང་། །ལྷ་སྦྱིན་གཞུ་རྒྱལ་ཞེས་བྱ་བ། །འདི་དག་ཏུ་ནི་ཉིད་སྐུ་མཛད། །བུད་མེད་གཟུགས་སུ་སླར་སྤྲུལ་ཏེ། །རང་གི་ངོ་བོ་ཇི་བཞིན་དུ། །དེ་སྐུའི་སྐུ་ལས་བྱུང་བར་གྱུར། །དེ་ཉིད་གསུམ་ནི་མཉམ་སྦྱོར
159a2 ལས། །རང་གི་གསང་སྔགས་དེ་དག་བསྒོམ། །ཡན་ལག་ཀུན་ལས་ངེས་གྲོལ་ཞིང་། །ཤིན་ཏུ་ཕྲ་བ་ཉིད་དུ་གྱུར། །དབུ་དགོས་མིང་ལས་བྱུང་བ་ནི། །ཞི་གནས་དང་ནི་ལྷག་མཐོང་སྟེ། །དངོས་མེད་ངོ་བོ་ཉིད་ཡིན་པས། །རང་ཉིད་ཀྱང་ནི་མི་ཤེས་སོ། །འོན་ཀྱང་འདི་ལྟར་ཐུབ་པ་ལ། །
159a3 དེ་བཞིན་གཤེགས་རྣམས་གསོལ་བ་འདེབས། །བཅོམ་ལྡན་དགོངས་པ་ལུང་བསྟན་པ། །ཆོས་ཀྱི་མཆོག་ནི་བསྟན་དུ་གསོལ། །ཁྱབ་བདག་ཁྱེད་ནི་ཆོས་འདི་རྣམས། །དངོས་མེད་ཉིད་ནི་ཐུགས་སུ་ཆུད། །འགྲོ་བའི་དོན་ནི་རབ་སྒྲུབ་པས། །ཡིད་བཞིན་ནོར་བུ་ལྟ་བུར་མཛེས། །གང
159a4 ཞིག་ཡང་དག་ཤེས་གྱུར་ན། །འཇིག་རྟེན་པ་དང་རྩོད་མེད་ཅིང་། །དེ་བཞིན་འཇིག་རྟེན་འདས་པ་དང་། །འཇིག་རྟེན་ཤིན་ཏུ་འདས་དེ་བཞིན། །གང་འདི་ཞི་བ་ཉིད་ཀྱི་ཆོས། །ཞི་གནས་ཤིན་ཏུ་སྔོན་འགྲོ་བ། །བྱང་ཆུབ་སེམས་དཔས་ཐོས་ན་ཡང་། །དེ་བཞིན་ཉིད་ཀྱི་བདེ་བ་བྱེད། །དེ་ནས་ས་སྙིང
159a5 ལ་སོགས་པའི། །བྱང་ཆུབ་སེམས་དཔའ་སེམས་དཔའ་ཆེ། །མགོན་པོ་རྣམ་སྣང་ཆེན་པོ་ལ། །དེ་དག་གིས་ནི་ཞུས་གྱུར་པ། །གང་ཤེས་བླ་མེད་བྱང་ཆུབ་ནི། །མ་འོངས་སྐྱེ་བོས་ཐོས་འགྱུར་བའི། །གསང་སྔགས་དེ་ཉིད་དོན་འབྱུང་བ། །རྣལ་འབྱོར་བཅོམ་ལྡན་བཤད་དུ་གསོལ། །ལན
159a6 གཉིས་གསོལ་ཀྱང་མགོན་པོ་ནི། །མི་གསུང་བར་ནི་རྣམ་པར་བཞུགས། །རྡོ་རྗེ་ཅན་གྱིས་དེ་ཤེས་ནས། །དེ་ནས་སླར་ཡང་ཞུས་པར་གྱུར། །གང་འདི་ཞི་གནས་ལ་སོགས་པའི། །རྣལ་འབྱོར་ཟབ་མོ་བླ་མེད་པ། །དེ་ནི་འདི་ལྟར་སྔགས་པས་བསྔགས། །འཚལ་འགྱུར་དེ་ནི་གཙོ་བོས
159a7 གསུངས། །བྱ་བ་དག་བྱའི་རྣལ་འབྱོར་དང་། །རྣལ་འབྱོར་འབའ་ཞིག་པ་ཉིད་དང་། །ལུང་ནི་ཡང་དག་གང་ཡིན་པ། །དེ་ནི་བསྟན་པར་མཛད་པའི་རིགས། །ཞུས་པའི་དོན་ནི་མཁྱེན་ནས་ནི། །བཅོམ་ལྡན་རྡོ་རྗེ་ཅན་གྱིས་གསུངས། །གསང་སྔགས་ཚུལ་ནི་མཆོག་གྱུར་འདི། །
iiif viewer powered by OpenSeadragon
