| e-texts navigator |
| Wylie |
158b1 ཆུབ་པའི། །ཕྲ་མོ་རྣལ་འབྱོར་གསུམ་པ་ཡིན། །དབང་བསྐུར་བ་ནི་རྣམ་པ་བཞི། །གཟུགས་ཀྱི་དཀྱིལ་འཁོར་ཉིད་བཞི་པ། །བསྲུང་བའི་བསླབ་གཞི་རྣམ་བཞི་དང་། །སྤྱོད་པའང་འདིར་ནི་ལྔ་པ་སྟེ། །དྲུག་པ་རང་སངས་རྒྱས་ཉིད་ཀྱི། །ཏིང་འཛིན་ཕྲ་མོའི་རྣལ་འབྱོར་རོ། །བདུན་པ་དེ
158b2 ཉིད་མཆོད་པར་བཤད། །གསང་བའི་དབང་དུ་གཙོ་བོས་མཛད། །ཕྱག་རྒྱས་དབང་བསྐུར་བརྒྱད་པ་བསྟན། །དམ་ཚིག་བཞི་པོ་དགུ་པ་ཡིན། །རྣམ་པ་བཅུར་ཕྱེ་ཡང་དག་རྟོག་།བཟླས་པའི་སྔགས་ཀྱང་གསུངས་པ་ཡིན། །བཅུ་གཅིག་མིང་དུ་བྱུང་བ་ན། །ཕྱག་རྒྱ་གཅིག་པར་བཤད
158b3 དཀྱིལ་འཁོར། །བཅུ་གཉིས་པ་ཡི་བདག་ཉིད་སྐུ། །ཉན་ཐོས་བྱང་ཆུབ་སྟོན་པར་མཛད། །དེ་བཞིན་རིག་པ་སྤྱོད་གྲུབ་བ། །མངོན་ཤེས་ལྔ་ནི་བཅུ་གསུམ་པ། །བཅུ་དང་བཞི་པར་བཞི་པོ་དང་། །ཕྲེང་སྔགས་བླ་མ་སྟོན་པར་མཛད། །ཕྱོགས་དང་སྐྱ་བསེང་ཉིད་གྱུར་བ། །དངོས་གྲུབ་དཀྱིལ
158b4 འཁོར་བླ་མེད་པའོ། །སྒྲ་སྒྲོགས་དུས་དང་ཡང་དག་ལྡན། །དཀྱིལ་འཁོར་རྡུལ་ཚོན་ལྡན་པའོ། །སློབ་མ་དབང་བསྐུར་ཉི་ཟླ་དག་།ཆགས་བྲལ་སྣ་ཚོགས་ཉིད་གྱུར་བ། །སྣ་ཚོགས་ཚིག་གི་དོན་གྱི་བརྡ། །སྣ་ཚོགས་མིང་ཅན་མིང་གཅིག་བུ། །དེ་ལྟར་རྣམ་པ་སྣ་ཚོགས་པའི། །སོ
158b5 སོར་སྡུད་པ་རབ་ཏུ་བསྟན། །གཅིག་དང་དུ་མ་ལས་གྲོལ་བ། །ཡང་དག་མཐོང་ནས་ཡོངས་སུ་བསྒོམ། །ཡོངས་སུ་བསྒོམས་པར་གྱུར་པའི་བདག་།རྟེན་འབྲེལ་དུ་ཡང་བསྟན་པར་བྱ། །དེ་ནས་མ་སྐྱེས་སྦྱོར་བ་ལ། །ཐུབ་པ་རྣམ་པར་སྣང་མཛད་ཆེ། །རྟེན་འབྲེལ་ཡན་ལག་བཅུ་གཉིས
158b6 པའི། །ཏིང་འཛིན་དེ་འོག་སྟོན་པར་མཛད། །འདོད་པའི་ཡན་ལག་འགྲོ་བའི་ཚོགས། །གཉིས་པ་ཐམས་ཅད་དེ་བཞིན་གཤེགས། །འདོད་ཆགས་ཆེ་ཚུལ་ཞེས་བྱ་བའི། །ཏིང་ངེ་འཛིན་ལ་སྙོམས་པར་ཞུགས། །དེ་བཞིན་གཤེགས་ཀུན་གཙོ་བོ་ཡི། །རང་གི་སྐུ་ལ་ཞུགས་པར་མཛད། །
158b7 བྱང་ཆུབ་སེམས་དཔའ་སེམས་དཔའ་ཆེ། །རྒྱུན་དེ་ལ་ནི་སྦྱོར་བར་གྱུར། །དེ་ནས་དེ་བཞིན་གཤེགས་ཀུན་དང་། །དེ་བཞིན་བྱང་ཆུབ་སེམས་དཔའ་རྣམས། །དེ་བཞིན་གཤེགས་བདག་མཉེས་བྱའི་ཕྱིར། །དེ་རྣམས་ཞུགས་ནས་བྱུང་གྱུར་བ། །སྲོག་དང་གྱེན་རྒྱུ་ཐུར་སེལ་དང་། །མཉམ
iiif viewer powered by OpenSeadragon
