| e-texts navigator |
| Wylie |
158a1 @#། །རྒྱ་གར་སྐད་དུ། སན་དྷིབྱཱ་ཀ་ར་ཎ་ནཱ་མ་ཏནྟྲ། བོད་སྐད་དུ། དགོངས་པ་ལུང་བསྟན་པ་ཞེས་བྱ་བའི་རྒྱུད། བཅོམ་ལྡན་འདས་དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །དེ་ཉིད་འདི་སྐད་བདག་གིས་ཐོས། །ཤིན་ཏུ་གསལ་བའི་དུས་གཅིག་ན། །གསང་གཙོ
158a2 རྡོ་རྗེ་བཅོམ་ལྡན་འདས། །དམ་ཚིག་མཆོག་ནི་རྡོ་རྗེ་གསུམ། །དེ་བཞིན་གཤེགས་ཀུན་ཡེ་ཤེས་ནི། །ཡོན་ཏན་ཕུན་ཚོགས་བསམ་མི་ཁྱབ། །ཡོད་མེད་གཉི་ག་ལས་འདས་པས། །གནས་མེད་པ་ལ་གནས་ཞེས་བྱ། །ནམ་མཁའ་རང་བཞིན་གཅིག་པ་འདིར། །ཀུན་མཁྱེན་ཡེ་ཤེས་རྣམ
158a3 བསྒོམ་པ། །འགྲོ་སྙིང་རྣམ་དག་ཅེས་བྱ་ལ། །ཐུབ་པ་ཆེན་པོ་བཞུགས་པ་ཡིན། །མ་རིག་པ་དང་འདུ་བྱེད་དང་། །རྣམ་པར་ཤེས་དང་མིང་དང་གཟུགས། །སྐྱེ་མཆེད་དྲུག་དང་རེག་པ་དང་། །ཚོར་བ་དང་ནི་སྲེད་པ་དང་། །ཉེར་ལེན་སྲིད་པ་སྐྱེ་བ་དང་། །རྒ་ཤི་ཞེས་བྱ་རིག་མ་ཡིན། །ང་རྒྱལ
158a4 ཆེ་བའི་ང་རྒྱལ་དང་། །ངའོ་སྙམ་རྒྱལ་མངོན་ང་རྒྱལ། །གཞན་ཡང་ང་རྒྱལ་ལས་ང་རྒྱལ། །ཅུང་ཟད་ང་རྒྱལ་ལོག་པར་བཅས། །འདི་དག་རྡོ་རྗེ་མཐའ་ཅན་མཆོག་།བྱང་ཆུབ་སེམས་དཔའ་དེ་བཞིན་གཤེགས། །དེ་རྣམས་བརྗོད་མི་ལང་བའི་གྲངས། །བརྗོད་ཀྱིས་མི་ལང་ཉིད་དུ་གྱུར། །
158a5 སངས་རྒྱས་ཞིང་ནི་གྲངས་མེད་པའི། །རི་རབ་རྡུལ་ཕྲན་གྲངས་མཉམ་པ། །བྱང་ཆུབ་སེམས་དཔའ་སེམས་དཔའ་ཆེ། །ཏིལ་གྱི་གང་བུ་མཚུངས་པ་དང་། །དེ་བཞིན་གཤེགས་པ་རྣམས་ཀྱིས་ཀྱང་། །ནམ་མཁའི་ཁམས་ཀུན་གང་བར་སྣང་། །དེ་ནས་དཔལ་ལྡན་རྣམ་སྣང་མཛད། །སྐུ་གསུང
158a6 ཐུགས་ཀྱི་རྡོ་རྗེ་ཅན། །འཁོར་གྱི་དཀྱིལ་འཁོར་ལ་གཟིགས་ནས། །དེ་ཉིད་གསུམ་སྐྱེས་སྐུར་མཛད་དོ། །ཚངས་པ་ཁྱབ་འཇུག་ལྷ་ཆེན་དང་། །འདོད་དང་རིག་བྱེད་དེ་བཞིན་ཟུང་། །ཚངས་ལྷ་དེ་བཞིན་ཟླ་བ་སྟེ། །ཕུང་པོ་ལ་སོགས་གྲངས་དང་མཉམ། །སྒྲ་སྒྲོགས་དེ་བཞིན་དགའ་བྱེད་དང་། །
158a7 སྐྱ་བསེང་སྐེམ་བྱེད་ཐུབ་པ་དང་། །སྣ་ཡོན་དང་ནི་དཀོན་མཆོག་གསུམ། །དེ་བཞིན་གཤེགས་ཀུན་གཅིག་པུ་ཉིད། །དེ་ཚེ་ཕྱུང་བ་གསོལ་བ་ཡི། །གསང་སྔགས་གསུངས་པ་དང་པོ་ཉིད། །ཐུབ་ཆེན་བྱང་ཆུབ་སེམས་ཚུལ་དུ། །མཛད་པ་གཉིས་པ་ཡིན་པར་བཤད། །རྣམ་ལྔ་མངོན་པར་བྱང
iiif viewer powered by OpenSeadragon
