| e-texts navigator |
| Wylie |
33b1 པོས་ནི་རབ་གསུངས་པ། །རྡོ་རྗེ་སེམས་དཔའ་ཞེ་སྡང་ཆེ། །ཐུབ་པ་རྣམ་པར་སྣང་མཛད་རྨོངས། །འདོད་ལ་ཞེན་པ་འཇིག་རྟེན་བདག་།སེར་སྣ་རྡོ་རྗེ་སྣང་བྱེད་དེ། །དོན་ཡོད་སྐྱོན་ནི་ཐམས་ཅད་བྱེད། །འདྲེན་པ་ལྔ་ནི་སྐྱོན་ལྡན་ནོ། །སྒོང་སྐྱེས་མངལ་ནས་སྐྱེས་པའམ། །དྲོད་གཤེར་སྐྱེས
33b2 དང་མཐའ་འཁོབ་བཞིན། །གཟུགས་ཅན་རྣམས་སམ་གཟུགས་མེད་དམ། །རྫུས་ནས་སྐྱེས་པ་ཉིད་དང་ནི། །ཐམས་ཅད་སངས་རྒྱས་བྱའོ་ཞེས། །ཁྱོད་ཀྱིས་དང་པོ་གསུངས་པ་ལ། །ཁྱོད་ཉིད་སངས་རྒྱས་གྱུར་ནས་ནི། །དེ་རྣམས་ཇི་ལྟར་རྒྱལ་མ་མཛད། །དེ་ཉིད་ཕྱིར་ན་གསུངས
33b3 པ། །མངའ་བདག་ཇི་ལྟར་འདི་མ་གསུངས། །སེམས་ཅན་བསླུས་ན་ཁྱོད་ཀྱི་གང་། །སངས་རྒྱས་ཉིད་དེ་ངོ་མཚར་རྨད། །འཆི་བདུད་ཚེའམ་མུ་གེའམ། །ཕས་ཀྱི་འཁོར་ལོའི་གནོད་པ་དང་། །རབ་གནས་དཀྱིལ་འཁོར་སྦྱིན་སྲེག་དང་། །ཆར་མེད་པ་དང་ཞི་བ་ལ། །སྔགས་དང་བསྒོམ་པར
33b4 ལྡན་པར་ནི། །གང་ཞིག་བདག་ནི་རྟག་རོལ་པ། །དེ་ཡི་མདུན་དུ་བདག་འདུག་སྟེ། །དེར་ནི་དུ་མི་འགྱུར་རོ། །སློབ་དཔོན་ལྔ་དང་ལྷ་མོ་བཞི། །མི་གཡོ་བདག་ཉིད་སྨོད་པའོ། །དཀྱིལ་འཁོར་ཁང་པའི་གནས་ཉིད་དུ། །སངས་རྒྱས་གར་མཁན་རོལ་པ་མཛད། །ཁམས་གསུམ་དེ་བཞིན
33b5 རྩ་བའམ། །མ་དག་པའི་ཡང་རྒྱན་རྣམས་ཀྱིས། །སངས་རྒྱས་རྣམས་ཀྱི་གར་མཁན་གར། །བདེ་བ་དགའ་བར་བྱེད་དང་བཅས། །ཆོས་འབྱུང་གྲོང་ཁྱེར་ཉམས་དགའ་བར། །རྡོ་རྗེ་དམ་ཚིག་གླུ་ཡིས་དང་། །རྡོ་རྗེ་རྐང་པའི་གོམ་པས་གར། །མཐར་ནི་རྫ་རྔ་ལཱ་སྱ་སོགས། །ཕྱག་རྒྱ་ཆེན་པོ
33b6 རབ་སྟེར་བའི། །འདི་ཉིད་འདིར་ནི་ཆེར་གསང་ངོ་། །རྡོ་རྗེ་སེམས་དཔའི་བཀའ་ཇི་བཞིན། །རབ་ཏུ་འབད་པས་བསྲུང་བར་བྱ། །གླུ་སྣ་ཚོགས་དང་རོལ་མོའི་སྒྲ་དང་གར་དང་འདུལ་བར་འཇུག་པ་དང་ཆར་དབབ་པ་དང་མི་གཡོ་བའི་བདག་ཉིད་ཆེ་བའི་ལེའུ་སྟེ་གཉིས་པའོ།། །།དེ་ནས་རྡོ་རྗེ་འཛིན་པའི
33b7 རྒྱལ་པོ་མཁའ་འགྲོ་མ་རྡོ་རྗེ་གུར་གྱི་ཏིང་ངེ་འཛིན་ལ་བཞུགས་ཏེ། འབྱུང་པོའི་གཏོར་མ་གསུངས་པ། ནམ་མཁའི་ཁམས་ཀྱི་དབུས་གནས་པར། །པདྨ་འདབ་བརྒྱད་བསྒོམ་པར་བྱ། །དབང་པོ་ཤར་གྱི་འདབ་མར་བསམ། །མཐར་བྱེད་ལྷོར་ནི་དགོད་པར་བྱ། །ཆུ་བདག་ནུབ་ཀྱི་འདབ་མ་ལ། །བྱང་དུ
iiif viewer powered by OpenSeadragon
