| e-texts navigator |
| Wylie |
305a1 མཛད་དེ་གསོལ་བ་བཏབ་པ་དང་། ལྷ་མོ་ལྷ་མོ་དགའ་ཆེན་མོ། །གསང་བ་ཤིན་ཏུའང་རྙེད་དཀའ་བ། །སྙིང་པོ་ལས་སྙིང་མཆོག་གི་གཙོ། །སངས་རྒྱས་ཀུན་གྱིས་ལེགས་གསུངས་པ། །རྒྱུད་ཀྱི་རྒྱལ་པོ་དབང་ཕྱུག་མཆོག་།དགའ་མ་རྒྱུད་ཆེན་མཉན་པར་གྱིས། །དབང
305a2 པོ་གཅིག་པུ་ཞེས་བྱ་བས། །སེམས་ཅན་དངོས་གྲུབ་མྱུར་དུ་འགྲུབ། །དཀྱིལ་འཁོར་མ་མཐོང་བ་རྣམས་ལ། །རྒྱུད་འདི་རབ་ཏུ་བསྟན་མི་བྱ། །དཀྱིལ་འཁོར་གཞན་དུ་ཞུགས་པ་ལའང་། །རྒྱུད་འདི་བསྟན་པར་མི་བྱའོ། །གང་ཞིག་གཏུམ་པོ་ཁྲོ་བོ་ཡི། །དཀྱིལ་འཁོར་རབ་ཞུགས
305a3 མཉམ་གཞག་ཅིང་། །དད་དང་བརྩོན་འགྲུས་མཆོག་ལྡན་ལ། །གཏུམ་པོའི་རྒྱུད་འདི་བསྟན་པར་བྱ། །བླ་མ་ལ་གུས་སྙིང་རྗེ་ཅན། །སྔགས་ཀྱི་ཐེག་པར་མཆོག་ཏུ་གཞོལ། །གཏུམ་པོའི་དབང་ཕྱུག་ལ་རྟག་གུས། །དེ་ལ་རྒྱུད་འདི་བསྟན་པར་བྱ། །རྣལ་འབྱོར་པ་གང་ལ་ལ་ཞིག་།འདོད
305a4 བརྐམ་སངས་རྒྱས་སླུ་བྱེད་པས། །གཏུམ་པོའི་དཀྱིལ་འཁོར་སྟོན་བྱེད་ཅིང་། །བླ་མེད་རྒྱུད་ནི་སྟོན་བྱེད་ན། །དེ་ནི་ནད་ཆེན་གྱིས་གཟིར་ནས། །བཤང་གཅིའི་དྲི་མས་གོས་པར་བྱེད། །ཟླ་བ་དྲུག་གི་ནང་དུ་ནི། །དེ་ནི་འཆི་བའི་སྡུག་བསྔལ་འགྱུར། །དེ་ཕྱིར་གཤིན་རྗེའི་ཕོ་ཉས
305a5 བཟུང་། །དུས་ཀྱི་ཞགས་པའི་དབང་དུ་འགྱུར། །གང་ཚེ་སྡིག་ཅན་དམྱལ་བར་འཁྲིད། །སངས་རྒྱས་ཀྱིས་ཀྱང་བསྲུང་མི་ནུས། །ལོ་ནི་འབུམ་དུ་དེ་སྡུག་བསྔལ། །གལ་ཏེ་མྱོང་འགྱུར་ལས་ཟད་ཀྱང་། །གལ་ཏེ་མི་རུ་སྐྱེས་ན་ཡང་། །རྡོ་རྗེའི་གནམ་ལྕགས་ཀྱིས་དེ་འཇིག་།སྔགས་རིག་བརྟུལ
305a6 ཞུགས་ཅན་གྱིས་ནི། །དེ་ཕྱིར་དཀྱིལ་འཁོར་ལེགས་བྲིས་ནས། །དེ་ཉིད་སྔོན་དུ་ཡོངས་བརྟགས་པའི། །སློབ་མ་བཟང་པོ་རབ་གཞུག་བྱ། །འཇིག་རྟེན་གསུམ་དུ་རྙེད་དཀའ་བའི། །རྒྱུད་ནི་དེ་ཕྱིར་བསྟན་པར་བྱ། །གང་ཡང་མ་ཐོས་རྒྱུད་འཆད་པ། །དེ་ཡང་འོག་ཏུ་འགྲོ་འགྱུར་ཞིང་། །
305a7 གལ་ཏེ་སངས་རྒྱས་དང་མཚུངས་ཀྱང་། །དེ་ཡི་གདོང་དུ་རྣམ་སྨིན་འགྱུར། །སློབ་མ་དད་པ་དམན་པ་དང་། །ཐེ་ཚོམ་ཟ་བས་ཉན་བྱེད་ན། །མགོ་བོར་རྡོ་རྗེའི་ཐོག་ལྟུང་བ། །ཆར་འབབ་དུས་སུ་ཐེ་ཚོམ་མེད། །མཆོག་གི་ཞལ་མངའ་ལྷ་མོ་ལ། །བདག་གིས་འདི་ནི་བདེན་པར་བཤད། །
iiif viewer powered by OpenSeadragon
