| e-texts navigator |
| Wylie |
304a1 མིག་ལ་ཧྲཱི། སྣ་ལ་ཧེ། རྣ་བ་ལ་ཧཾ། ལྕེ་ལ་ཧོ། །སྙིང་གར་ཧཱུ~ཾ། ཡན་ལག་དྲུག་ཏུ་བཀོད་པའི་སྔགས་སོ། །ོཾ་ཧྲཱིཿཧ་ན་ཧ་ན། སརྦ་ཤ་ཏྲཱུ~ཾ་མ་ཐ་མ་ཐ། བནྡྷ་བནྡྷ་ཧཱུ~ཾ་ཨ་མུ་ཀ། སང་གྷཱ་ཏ་ཡ་གྷ་ཏ་ཡ། ཧཱུ~ཾ་ཧཱུ~ཾ་ཧཱུ~ཾ། ཕཊ་ཕཊ་ཕཊ། ཕུ་ཕུ། འདི་ནི་བསྒྲུབ
304a2 པ་ཐམས་ཅད་ཀྱི་སྔགས་སོ། །བ་དན་གསུམ་པའི་ཕྱག་རྒྱས་ནི། །ཡན་ལག་དྲུག་ཏུ་དགོད་པར་བྱ། །བ་དན་གསུམ་པས་སྙིང་གར་སྦྱིན། །དཔུང་པ་ཀུན་ནས་བརྐྱང་བྱས་ལ། །སེ་གོལ་གྱི་ནི་སྒྲ་དང་ནི། །ཧཱུ~ཾ་གི་རྣམ་པ་ལྷན་ཅིག་སྦྱར། །གཡས་བརྐྱང་བ
304a3 ཡིས་ཡང་དག་གནས། །འདིར་ནི་མཆོག་གི་ཕྱག་རྒྱའོ། །སློབ་དཔོན་ལ་ནི་དམོད་པ་དང་། །དམ་ཚིག་སྤྱོད་ལ་འཕྱ་བ་དང་། །དཀོན་མཆོག་གསུམ་ལ་གནོད་བྱེད་པ། །སྡིག་གིས་གོས་པར་མི་འགྱུར་རོ། །སྐྱེ་བ་བྱེ་བ་བརྒྱ་སྟོང་དུ། །སངས་རྒྱས
304a4 ཡེ་ཤེས་ཀྱིས་བསྐུལ་ཞིང་། །དགེ་བའི་བཤེས་གཉེན་བསྟེན་པ་ཡིས། །རྣལ་འབྱོར་གཙུག་ལག་ཕྲད་པའོ། །སེམས་ཅན་ཐམས་ཅད་སྐྱོན་མེད་ཅིང་། །སེམས་ཅན་ཐམས་ཅད་བདེ་གྱུར་ཅིག་།གང་གིས་ལམ་ནས་འགྲོ་བ་ཡིས། །
304a5 སངས་རྒྱས་ཉིད་དུ་གྲུབ་གྱུར་ཅིག་།མ་བསྒྲལ་བ་རྣམས་བསྒྲལ་བ་དང་། །མ་གྲོལ་བ་རྣམས་བདག་གིས་དགྲོལ། །དེ་ལྟར་རྗེས་སུ་བརྩེ་བའི་ཕྱིར། །རྣལ་འབྱོར་བསྟན་བཅོས་འདི་བགྱིས་སོ། །གདན་བཞི་པ་ལས་སྦྱོར་བའི་རབ
304a6 ཏུ་བྱེད་པ་གདན་བཞིའི་ལེའུ་ཞེས་བྱ་བ་རྫོགས་སོ། ། །།དཔལ་གསང་བ་ཐམས་ཅད་ཀྱི་རྒྱུད་ཅེས་བྱ་བ་འདི་ནི། པཎྜི་ཏ་སྨྲྀ་ཏི་ཛྙཱ་ན་ཀཱིརྟིས་གསར་དུ་བསྒྱུར་ནས་བཤད་ཅིང་གཏན་ལ་ཕབ་པ། དེ་ལྟར་ན་རྒྱུད་འདིའི་ལེའུ་སིལ་བུ་རྣམས་ཕྱོགས་གཅིག་ཏུ་བསྡོམས་ན
304a7 ལེའུ་བརྒྱ་དང་བཞི་བཞུགས་སོ། །སླད་ནས་བུ་སྟོན་ཐམས་ཅད་མཁྱེན་པའི་ཐུགས་དམ་རྒྱུད་འབུམ་དང་དཔེ་དཔང་རྙིང་པ་དག་དང་ཡང་གཏུགས་ཏེ། སྡེབས་ཞུས་དང་བཅས་པ་ཆེས་ཤིན་ཏུ་དག་པར་བགྱིས་སོ།། །།
iiif viewer powered by OpenSeadragon
