| e-texts navigator |
| Wylie |
303a1 བསམ་པར་བྱ། །བདུད་རྩི་རེ་པ་ཐིག་ལེ་དང་། །དེ་ཡི་ས་བོན་སྦྱར་བར་བྱ། །ཞི་བར་རྒྱལ་ཞིང་མཆོག་ཏུ་བརྩོན། །ཞི་བའི་དུས་ལ་བབ་ནས་ནི། །བདག་ཉིད་སྦྱིན་སྲེག་རབ་ཏུ་བྱ། །ཞི་བའིའོ། །སྙིང་ག་དཀྱིལ་འཁོར་དབུས་སུ་ནི། །ཁ་དོག་ཞི་བར་མཚུངས་པའོ། །བདུད་རྩི
303a2 ཀུན་ནས་རིག་པ་ཡི། །ཟླ་བའི་དབུས་སུ་བསྒོམ་པར་བྱ། །དེ་ལྟར་བསྒོམས་པའི་རྣལ་འབྱོར་པའི། །རྒྱས་པར་ཡོངས་སུ་གྲགས་པ་ཉིད། །སྙིང་གར་ཉི་མའི་དཀྱིལ་འཁོར་ལ། །རྐེད་པར་རེ་པ་ཐིག་ལེ་ཅན། །དམར་ཞིང་དམར་བར་བསམས་པ་ཡིས། །དབང་ཉིད་དུ་ནི་ཡོངས་སུ
303a3 གྲགས། །སྙིང་གའི་དཀྱིལ་འཁོར་དབུས་སུ་ཡང་། །རླུང་གི་དཀྱིལ་འཁོར་ཀུན་ནས་བསམ། །དངོས་སུ་རླུང་གི་ས་བོན་ནི། །དབུས་སུ་དགྲ་ཡི་མིང་ཉིད་ཀྱང་། །ཇི་ལྟར་དུ་བ་དུ་བའི་མདོག་།མངོན་སྤྱོད་པར་ནི་རབ་ཏུ་གྲགས། །ཀུན་ནས་ཐམས་ཅད་སྟོང་པ་ཉིད། །སྔོན་གྱི་མཚན
303a4 ཉིད་སྦྱར་བར་བྱ། །རླུང་གི་དཀྱིལ་འཁོར་དབུས་སུ་ནི། །ཉི་མའི་དཀྱིལ་འཁོར་བསྒོམ་པར་བྱ། །དེ་དབུས་ཧཱུ~ཾ་གི་རྣམ་པ་ནི། །འབར་བའི་ཕྲེང་བ་མཉམ་པའི་འོད། །རླུང་གི་ས་བོན་གྱིས་ནི་དཀྲི། །དབུས་སུ་མིང་ཉིད་སྦྱར་བྱས་ལ། །རླུང་གིས་བསྐྱོད་པའི་ལུས་སུ་ནི། །སྒྲུབ་པ་པོ
303a5 ཡིས་བསམ་པར་བྱ། །གང་བསམས་དེ་ནི་བསྐྲད་པར་འགྱུར། །རླུང་གི་དཀྱིལ་འཁོར་དབུས་སུ་ནི། །མཁའ་འགྲོ་དྲག་མོ་བསམ་པར་བྱ། །སྔོན་གྱི་མཚན་ཉིད་ཀུན་རིག་པས། །གཟུགས་དང་དབྱིབས་བཞིན་བསྒོམ་པར་བྱ། །མེ་འབར་བ་དང་མཉམ་པའི་འོད། །མདུན་དུ་ཟློས
303a6 ཤིང་ཀུན་དུ་བསམ། །བསྒྲུབ་བྱ་ཡི་ནི་ལུས་ཀྱི་ཁར། །རླུང་གི་ས་བོན་གྱིས་ནི་གཙོ། །མཐར་ནི་འཇོམས་པའི་ཡི་གེ་དང་། །སྔོན་བཞིན་མེ་ཡི་ཡི་གེ་ཉིད། །དབུས་སུ་བསྒྲུབ་བྱའི་མིང་འདི་ནི། །འབུམ་ཕྲག་གཅིག་ཏུ་བཟླས་པ་ཡིས། །གང་ཕྱིར་སྦྱོར་བ་བསྙེན་པ་ཡིས། །ལུས
303a7 ནི་ཀུན་ནས་སྡོམ་པའོ། །རླུང་གི་དཀྱིལ་འཁོར་དབུས་སུ་ཡང་། །གཏུམ་མོའི་རྣལ་འབྱོར་བསྟེན་པར་བྱ། །ཁ་དོག་སྔོན་པོ་འཇིགས་ཆེན་པོ། །ཤིན་ཏུ་བཞད་པས་འཇིགས་པར་བྱེད། །ལག་ན་ལྷུང་བཟེད་ཁ་ཊྭཱ~ཾ་ག། །རྒྱན་ཀུན་གྱིས་ནི་རྣམ་པར་བརྒྱན། །དགྲ
iiif viewer powered by OpenSeadragon
