| e-texts navigator |
| Wylie |
261a1 ནམ་མཁའ་ནམ་མཁའ་ནི། །བསྲེག་པའི་བདག་ཉིད་དུ་ནི་ཐིམ། །གཡོན་པའི་དབུགས་ནི་བུད་མེད་ཉིད། །གཡས་པ་དེ་བཞིན་སྐྱེས་བུའོ། །འོག་དང་སྟེང་ནི་འདི་ཡི་རྩ། །འོག་ནི་སྔོན་དུ་རབ་ཏུ་གྲགས། །དབུགས་དང་དྲི་ནི་མཉམ་དྲངས
261a2 ནས། །རྒྱས་པའི་ལྔ་ཡི་སྟེང་དུ་ནི། །རྣམ་ཤེས་གཉིས་ཀྱི་རྩ་ནས་དྲང་། །བདུད་རྩི་དེ་ལ་རྣམ་པར་ཐིམ། །ཡེ་ཤེས་དབང་ཕྱུག་དེའི་སྟེང་དུ། །དེ་ལ་བདུད་རྩིས་བཀྲུ་བར་བྱ། །དེ་ལྟར་ཀུན་ཏུ་བཞིན་རྔུབས་ནས། །དབུགས་མི་གཡོ་བར་བསྒོམ་པར་བྱ། །
261a3 ལག་མཐིལ་ཟླ་བ་ཉི་མ་བསྒོམ། །ཡེ་ཤེས་ཡི་གེས་དེ་དབུས་སོ། །མགོ་བོའི་ཕྱག་རྒྱ་ཡིས། །ཁམས་ལྔའི་བ་དགྲ་ཉིད་བསྲེག་པའོ། །སྔོན་ས་བོན་ཧཱུ~ཾ་བྱས་ནས། །གཉིས་པར་དེ་བཞིན་གསུམ་དང་ནི། །གསུམ་པར་བཟོད་པས་བཟའ་བའོ། །དེ
261a4 བཞིན་རླུང་མིན་བཞི་པ་དང་། །ལྔ་པར་རང་བའི་ས་བོན་གྱིས། །མཁས་པས་ཁམས་ལྔའི་སྦྱིན་སྲེག་བྱ། །བདག་གི་དེ་ཉིད་མེ་ལ་ནི། །བདག་ཉིད་སྦྱོར་བས་བསྲེགས་པ་ཉིད། །ཇི་ལྟར་ཡེ་ཤེས་མེ་དེ་ནི། །བསྲེག་པའི་བདག་ཉིད་རབ་ཏུ་གྲགས། །སྦྱིན
261a5 སྲེག་བྱས་པའི་སྦྱོར་བའི་ལེའུ་ཞེས་བྱ་བ་དང་པོ་རྫོགས་སོ། ། །།སྟོང་པའི་བདག་ཉིད་དགེ་བ་ཡིས། །སྐྱེ་བའི་དྲ་བ་རྣམ་འཇིག་པས། །འཁོར་བ་རུ་ནི་མི་གནས་པ། །བཅོམ་ལྡན་འདས་ལ་མཉན་པར་འཚལ། །སྟོང་པའི་དེ་ཉིད་རང
261a6 བཞིན་གྱིས། །ཉོན་ཅིག་རྒྱལ་པོ་རྡོ་རྗེ་འཆང་། །གླིང་གཞན་དེ་བཞིན་རི་རབ་དང་། །ས་ནི་ནམ་མཁར་ཀུན་ཏུ་བསམ། །རྒྱ་མཚོ་ཆུ་ཡི་དབྱིབས་དང་ནི། །ཡིད་འོང་པདྨ་འབྱུང་བར་ལྡན། །སྟོང་པའི་མཚན་ཉིད་སྔོན་འགྲོ་བས། །མེ་ཡི་བདག་ཉིད
261a7 བསྒོམ་པར་བྱ། །ཤར་དུ་ལྷ་མོ་སྒྲོལ་མ་འདི། །དེ་བཞིན་བྱང་དུ་གོས་དཀར་མོ། །མཱ་མ་ཀཱི་ནི་ནུབ་ཕྱོགས་སུ། །ལྷོར་ནི་ལྷ་མོ་སངས་རྒྱས་སྤྱན། །ཆུ་ནི་སྒྲོལ་མར་ཀུན་ཏུ་ཐིམ། །མེ་ནི་གོས་དཀར་མ་ལ་ཐིམ། །མཱ་མ་ཀཱི་ནི་ནུབ་ནས་ས། །རླུང་ནི་སངས
iiif viewer powered by OpenSeadragon
