| e-texts navigator |
| Wylie |
260b1 གསུམ་པར་ས་བོན་བརྒྱད་པ་དང་། །བཞི་བར་རྩ་ཡི་ལྷ་ཉིད་དོ། །བདག་ཉིད་ལུས་ཀྱི་ཡེ་ཤེས་མེ། །བློ་ལྡན་རྣལ་འབྱོར་པས་ཤེས་བྱ། །ལྟོ་བ་མེ་ཡི་ཐབ་ཁུང་དུ། །དེ་ཡི་མེ་ལ་སྦྱིན་སྲེག་བྱ། །སྟེང་དང་འོག་དང་དབུས་སུ་ནི། །རྣམ་ཤེས་རྩ་ནི་བསྔམ་པར་བྱ། །
260b2 ཐོག་མར་བདག་ཉིད་ལྟོ་བ་རུ། །རྩ་ཡི་ལྷ་ནི་རྣམ་པར་བསྒོམ། །ལྷོ་བའི་མེ་ནི་འབར་བ་ལ། །ཁྱད་པར་ཁ་དོག་བསྒོམ་པ་ནི། །ལྟེ་བའི་མེ་ནི་དཀར་པོའོ། །གཡོན་པའི་མེ་ནི་དེ་བཞིན་སེར། །ལྷོ་ནི་སྔོན་པོའི་མིང་ཅན་ཏེ། །ལྷག་མ་འདི་ནི་དམར་པོར་སྦྱང་། །དེ
260b3 དབུས་ཁ་དོག་སྔོ་བསངས་སུ། །མེ་ཡི་དུ་བར་རབ་ཏུ་གྲགས། །མེ་ཡི་དབུས་སུ་པདྨ་ཉིད། །ཉི་མའི་དཀྱིལ་འཁོར་གྱིས་བརྒྱན་པ། །དེ་ཡི་དབུས་སུ་ཡེ་ཤེས་ལྷ། །འཁོར་བ་ཀུན་ལས་གྲོལ་བར་མཛད། །ཕྱག་གཉིས་སྦྱོར་བའི་གདན་ལ་ནི། །རྡོ་རྗེ་དྲིལ
260b4 བུས་རྣམ་པར་བརྒྱན། །གཡས་ཀྱི་ལག་ན་རྡོ་རྗེ་དང་། །རྒྱན་རྣམས་མཐོན་ཀའི་རྩེ་མོ་ཅན། །བཞད་དང་ཁྲོ་བས་ཧཱུ~ཾ་སྒྲོགས་ཤིང་། །འདི་ཡི་ཡེ་ཤེས་དབང་ཕྱུག་ལྷ། །དེ་ཡི་དབུས་སུ་རབ་ཏུ་གྲགས། །ཤར་དུ་ལྷ་མོ་སྒྲོལ་མ་དང་། །བྱང་དུ་དེ་བཞིན་གོས་དཀར
260b5 མོ། །ནུབ་ཏུ་ལྷ་མོ་མཱ་མ་ཀཱི། །སངས་རྒྱས་སྤྱན་ནི་ལྷོ་རུའོ། །གཟུགས་ནི་མཐེ་བོའི་ཚད་ཙམ་དུ། །བདག་ཉིད་ལྷ་ཡི་ལྷ་ཉིད་དོ། །ལྕེ་ལ་མཆུ་ནི་སྦྱར་བར་བྱ། །ནམ་མཁའ་རྣ་བ་སྣ་དག་ལའོ། །མིག་ལ་ས་འདི་རྣམ་པར་ཤེས། །དེ་བཞིན་ཚངས་པར
260b6 འབར་བའི་མེ། །མགྲིན་པར་རྨོངས་པའི་ས་ཉིད་དང་། །གཡོ་བ་སྙིང་ལ་གནས་པ་ཉིད། །ཐམས་ཅད་ཉོན་མོངས་བྲང་དང་ནི། །ཕྱུགས་གཉིས་ལྟེ་བའི་རྩ་བར་རོ། །ཡན་ལག་བརྒྱད་དུ་བཀོད་ནས་ནི། །འདི་ཉིད་ལྷ་ནི་ཤེས་པར་བྱ། །རྣམ་ཤེས་རྩ་ནས
260b7 དྲངས་པ་ཡི། །དེ་བཞིན་དུ་ནི་བདུད་རྩི་དགུ། །སྟེང་གི་མཆེ་བ་གཉིས་པའི་རྩ། །ཀུན་ཏུ་ཚྭ་བཞིན་ཞུ་ལྟར་བབས། །ཇི་བཞིན་ཆུ་ནི་འོ་མའི་མིང་། །ལྕེ་ཡི་སྟེང་དུ་བསྟེན་པ་ཡི། །ཉི་མ་ཐིག་ལེ་འབར་བ་ཡིས། །འཁོར་ལོ་ཕྲར་བརྡུལ་བཞིན་ནོ། །སྟེང་གི
iiif viewer powered by OpenSeadragon
