| e-texts navigator |
| Wylie |
259a1 བཅོམ་ནས་སུ། །རྣམ་པར་ཤེས་པ་ལྷན་ཅིག་འབར། །ཡེ་ཤེས་སྣང་བ་སོགས་ཐོབ་འགྱུར། །སེམས་དང་སེམས་བྱུང་སེམས་པ་ཡིས། །རྣམ་པར་བལྟ་ཞིང་རབ་ཏུ་སྤྱད། །འཇིགས་པ་མེད་ཅིང་འཚེ་མེད་པར། །དངོས་པོས་དངོས
259a2 པོ་བསྒོམ་པར་བྱ། །ཐམས་ཅད་ཀུན་ཏུ་སྣང་བྱེད་ཅིང་། །ཐམས་ཅད་འོད་ཟེར་ཀུན་བསྡུས་པ། །སྙིང་པོའི་ས་བོན་ས་བོན་ནི། །དཀར་དང་ཀུནྡ་ཟླ་བའི་མདོག་།ཱ་ལི་ཀཱ་ལི་རབ་སྦྱར་བས། །ཕྱུང་བ་ཡི་ནི་ས་བོན་མཆོག་།སྦྱོར་བ་འགྲུབ་པའི་རྒྱུ་རུ་ནི། །
259a3 མཉམ་ཉིད་རྣལ་འབྱོར་པ་ཡིས་བསྒོམ། །ས་བོན་ནམ་མཁར་སྤྲོས་པ་ཡིས། །འཇིག་རྟེན་གསུམ་པོ་སྣང་བར་བྱས། །མ་ལུས་སྤྲིན་ལྟར་སྤྲོ་བ་ཉིད། །སྐད་ཅིག་གིས་ནི་སྤྲོ་ཞིང་བསྡུ། །ཕྱིས་ནི་རང་འདོད་དམིགས་མེད་ཅིང་། །ཡི་གེ་མེད་པས་ཡང་བསམ་མོ། །
259a4 གཟུགས་ནི་སྟོང་པར་བརྟགས་པ་ཡི། །མཉམ་ཉིད་སེམས་དང་སེམས་ཀྱིས་ནི། །མ་ལུས་རྣམ་པར་བལྟས་པ་ཡིས། །ཁམས་གསུམ་སྣང་བར་བྱེད་པའོ། །དེ་ལྟར་སེམས་ཀྱིས་བསམས་པ་ཡིས། །བྱང་ཆུབ་རིམ་པ་མཐོང་བར་འགྱུར། །སྐད་ཅིག་གཟུགས
259a5 དང་གཟུགས་ཉིད་དང་། །སྐད་ཅིག་ཕུང་པོའི་རྣམ་པ་དང་། །སྐད་ཅིག་ཐམས་ཅད་དབྱིབས་རྣམས་ནི། །དེ་ཕྱིར་མི་རྟག་པ་ཡི་གནས། །ལེགས་བྱས་ཉེས་བྱས་མིང་ཅན་ནི། །ཉེས་པས་སྨད་པར་མི་བྱའོ། །གཟུགས་དང་སྟོང་པ་ལ་སོགས་དབུས། །སེམས
259a6 དང་སེམས་བྱུང་རྣམ་པར་མཚོན། །དངོས་པོའི་ལྷག་མ་དངོས་མེད་པས། །དེ་ཡི་ལྷག་མ་གཟུགས་མེད་པའོ། །ཡེ་ཤེས་རི་མོ་འབར་བ་ཡི། །འོད་ཟེར་མཉམ་པར་གནས་པ་ཉིད། །དེ་ཡི་མཚན་ཉིད་མཚོན་པ་ཉིད། །རྣལ་འབྱོར་པ་ཡིས་རབ་ཏུ་སྤྱད། །རྟག
259a7 ཏུ་ཞི་ཞིང་མཆོག་གི་ལས། །ཡང་དག་བྱང་ཆུབ་རྟག་པའོ། །ཡིད་དུ་འོང་བའི་ས་ཕྱོགས་སུ། །བདེ་བའི་སྟན་ལ་འདུག་ནས་ནི། །སྔོན་དུ་བསྙེན་པ་རབ་བརྩམས་ནས། །ལས་དང་དོན་ཀུན་རབ་གྲུབ་པའོ། །རི་རབ་རྩེ་མོར་ཀུན་བསམས་པ། །རང་འདོད་རྒྱལ
iiif viewer powered by OpenSeadragon
