| e-texts navigator |
| Wylie |
258b1 དང་ནི། །ཕྱག་རྒྱ་ཕྱག་རྒྱ་ཡིས། །བརྒྱ་རྩ་བརྒྱད་དུ་མངོན་པར་བཟླས། །ཧྲི་པྲི་ཕཊ། འདི་ཡི་སྔགས་དང་སྔགས་ཀྱིས་ནི། །པདྨ་སྡོམ་པའི་ལས་སུ་འགྱུར། །ོཾ་ཨ་མྲི་ཏ་ཝ་ཏི་སྭཱ་ཧཱ། དཀོན་མཆོག་གསུམ་ལ་གནོད་པ་དང་། །བླ་མ་དང་ནི་སློབ
258b2 དཔོན་སྨོད། །དམ་ཚིག་སྤྱོད་ལ་འཕྱ་བ་ནི། །སྡིག་གིས་གོས་པར་མི་འགྱུར་རོ། །གལ་ཏེ་རྨོངས་ཤིང་ཁྲོ་བ་ནི། །ལས་ཀྱི་རྟག་ཏུ་བྱས་ནས་ནི། །འདིས་ནི་ངེས་པར་ལྟུང་བ་རུ། །སངས་རྒྱས་ཀྱིས་གསུངས་ཐེ་ཚོམ་མེད། །ལས་ཀྱི་རབ་ཏུ་དབྱེ་བ
258b3 ཞེས་བྱ་བའི་ལེའུ་རྫོགས་སོ། །།།གསང་ཞིང་གསང་བའི་དེ་ཉིད་དོན། །སྙིང་པོའི་མཆོག་ནི་མདོར་བསྡུས་པ། །རོལ་མོ་བསྟན་བཅོས་སོགས་གླུ་ཡི། །དེ་ཉིད་ཐར་པ་གོ་འཕང་གནས། །གཉིས་མེད་དངོས་པོ་ངོ་བོ་ལས། །གཟུང་དང་འཛིན་པ་ཇི་ལྟར
258b4 འགྱུར། །གཉིས་ཀྱི་དངོས་པོ་བདག་མིན་པས། །གཉིས་དངོས་དངོས་པོ་མེད་པའོ། །དངོས་པོ་དངོས་མིན་དངོས་མེད་ལ། །མཉམ་ཉིད་ལྟ་བའི་སེམས་ཀྱིས་སུ། །རྣམ་པར་བརྟན་དང་བརྟེན་བྱ་མེད། །རྟོག་ཅིང་རྣམ་རྟོག་འཁྲུལ་པ་དང་། །གཟུགས
258b5 དང་གཟུགས་ཅན་ཟད་པར་བྱེད། །རང་བཞིན་མེད་པའི་རང་བཞིན་ཉིད། །སེམས་ཀྱི་བརྟན་པའི་གནས་སུ་ནི། །བསམ་གཏན་བསམ་བྱ་བསམ་པར་བྱ། །དམིགས་པ་མེད་པའི་རང་བཞིན་ཉིད། །ཐམས་ཅད་དབྱིངས་སུ་འཇིག་པར་བྱེད། །སྟོང་ཉིད་སྟོང་ལ
258b6 སོགས་སྟོང་པའི། །ནམ་མཁའི་ཁམས་ཀྱི་མཐའ་ཅན་ཉིད། །དག་ཅིང་ཕྲ་ལ་ཕྲ་བའི་དོན། །སེམས་དང་སེམས་པ་དང་བཅས་པ། །ཀུན་ཏུ་དངོས་པོ་དངོས་མེད་པས། །ཐམས་ཅད་ནམ་མཁའ་བསྔམས་པའོ། །རྟག་ཅིང་རྟག་ལ་རྟག་པའི
258b7 དོན། །ནམ་མཁའི་ཁམས་ལྟར་བརྟན་སེམས་པས། །མེ་སྟག་རྡུལ་ཕྲན་ཡན་ལག་འཕྲོ། །ཆུ་སྐྱར་བཞིན་དུ་བརྟགས་པ་ཡི། །རྣམ་ཤེས་ཡེ་ཤེས་ལྷག་མ་ནི། །ནམ་མཁའ་འཕྲོ་ཞིང་སྣང་བའོ། །ཉོན་མོངས་དེ་བཞིན་མུན་པ་ནི། །ཡེ་ཤེས་རྡོ་རྗེས
iiif viewer powered by OpenSeadragon
