| e-texts navigator |
| Wylie |
258a1 སྔགས་ཀྱིས་ནི། །བདག་ཉིད་ལྕི་བས་བྲན་པར་བྱ། །དེ་ལྟར་མཚན་ཉིད་ཀུན་ལྡན་པས། །བསྒྲུབ་བྱ་མྱུར་དུ་ལོང་བར་འགྱུར། །སྦྲང་རྩི་མར་གྱིས་བསྐུ་བྱས་ནས། །བསྒྲུབ་བྱའི་ནད་དང་གནོད་པ་སེལ། །བརྒྱ་རྩ་བརྒྱད་དུ་མངོན
258a2 པར་བཟླས། །ོཾ་ཨ་མྲྀ་ཏ་ལོ་ཙ་ནེ་ཨ་སྭཱ་ཧཱ། ལོང་བ་རབ་ཏུ་ཞི་བར་བྱེད་པའི་སྔགས་སོ། །གཞན་ཡང་བསྒྲུབ་བྱ་སྒྲུབ་པ་པོས། །ལས་ནི་ཤིན་ཏུ་རྣམ་པར་སྤྱད། །དཀོན་མཆོག་གསུམ་ལ་གནོད་བྱེད་པ། །སྡིག་གིས་གོས་པར་མི་འགྱུར
258a3 རོ། །བག་ཟན་ལས་ནི་པདྨའི་དབྱིབས། །བསྒྲུབ་བྱའི་མིང་ནི་དབུས་ཉིད་དོ། །ཁྱི་ཡི་སྤུ་ཡིས་བུག་པ་དགང་། །ཚ་བའི་མར་ཁུས་བསྐུས་བྱས་ལ། །གཡོན་པའི་རྐང་པས་མནན་ནི། །བརྒྱ་རྩ་བརྒྱད་དུ་བཟླས་པར་བྱ། །ོཾ་བཛྲ་བ་ཀེ་ཧཱུ~ཾ་ཕུ་ཕཊ། མེ་ལ་བསྲོ་ཞིང
258a4 བསྲོས་པ་ཡིས། །བྷ་ག་མྱུར་དུ་བཟློག་པར་བྱ། །ཤིན་ཏུ་གདུག་པའི་ཆུང་མ་ནི། །འདི་ཡི་ལས་ཀྱིས་རབ་ཏུ་སྦྱར། །ལན་བདུན་དུ་ནི་མངོན་བསྔགས་ནས། །སྦྲང་རྩི་འོ་མའི་རྒྱུན་གྱིས་བཀྲུ། །ོཾ་སུ་ཀོ་བྷ་བི་ཧཱུ~ཾ་ཧེ་སྭཱ་ཧཱ། ཞི་བར་བྱེད་པའི་སྔགས་སོ། །
258a5 འཇིམ་པའི་སྣོད་ནི་བླངས་བྱས་ལ། །པདྨའི་དབྱིབས་ཀྱི་རྣམ་པར་བྱ། །རྣོ་བའི་ཏིལ་མར་ཡུངས་ཀར་གྱིས། །བུག་པ་དགང་ཞིང་སྦྱར་བར་བྱ། །རྐང་པ་གཡོན་པས་མནན་ནས་ནི། །སེང་ལྡེང་ཕུར་པས་བརྡུང་བྱ་ཞིང་། །སྔགས་ནི་བརྒྱད་བརྒྱ་རབ་བཟླས་ན། །
258a6 བྷ་ག་གཟིར་ཞིང་གཟིར་བར་འགྱུར། །ཧྲི་པི་ལ་ཏ་ཧཱུ~ཾ་ཕཊ། འདི་ཡི་སྔགས་དང་སྔགས་ཀྱིས་ནི། །བྷ་ག་གཟིར་བའི་ལས་ཉིད་དོ། །ཆུ་དང་འོ་མར་བཀྲུ་བྱ་ཞིང་། །སྔགས་ཀྱང་མངོན་དུ་སྦྱར་བར་བྱ། །ོཾ་སརྦ་ཤོ་དྷ་ནི་སྭཱ་ཧཱ། འདི་ཡི་སྔགས་དང་སྔགས
258a7 ཀྱིས་ནི། །བྷ་ག་གཟིར་སོགས་ལས་གྲོལ་ལོ། །གཞན་ཡང་ལས་ཀྱིས་མཚན་ཉིད་ནི། །ཤིན་ཏུ་རྣལ་འབྱོར་པས་སྤྱད་དོ། །རྒྱལ་པོ་ལམ་གྱི་ས་རྡུལ་བླང་། །ཡང་ན་བཞི་མདོའི་ས་རྡུལ་ལས། །པདྨའི་མཚན་ཉིད་མཚན་ཉིད་ནི། །བྷ་གའི་སྙིང་པོ་ཁྲག
iiif viewer powered by OpenSeadragon
