| e-texts navigator |
| Wylie |
168a1 ཀྱི་ཡི་གེའི་གཟུགས་ཀྱིས་སུ། །རྣལ་འབྱོར་བས་ནི་རྣམ་རོལ་བྱེད། །བཀླགས་པ་དང་ནི་བསམས་པ་ཡིས། །བསྒོམ་པ་དང་ནི་ཏིང་འཛིན་རྣམས། །བཀླགས་པས་བྱེད་པའི་རིག་པ་སྟེ། །རིག་པའི་དངོས་གྲུབ་བྱེད་པར་འགྱུར། །བརྟུལ་ཞུགས
168a2 མེད་ཅིང་དཀའ་ཐུབ་མེད། །དཀའ་སྤྱོད་སྨྱུང་བ་སྡོམ་མེད་པར། །རྟག་ཏུ་ཤེས་རབ་ཐབས་སོགས་ཀྱིས། །རྟག་ཏུ་དགའ་དང་བདེ་བས་འགྲུབ། །ལྟེ་བའི་དབུས་ནས་དཔའ་བོ་སྟེ། །གེ་སར་གསང་བའི་སྤྱོད་ཡུལ་ལ། །སེམས་དང་སེམས་མེད་སེམས་ཀྱི་གཟུགས། །
168a3 ཡེ་ཤེས་ཤེས་བྱའི་རང་བཞིན་བདག་།དེ་ནི་བདག་གིས་བཤད་བྱ་སྟེ། །ཟབ་མོ་སངས་རྒྱས་བསྟན་པའོ། །ཱ་ལི་ཀཱ་ལི་མཉམ་བྱས་ཏེ། །རི་མོ་དེ་ལ་སྦྱར་བར་བྱ། །རི་མོ་སྟེང་དུ་འབར་བ་མཐར། །འོག་ཏུ་འབབ་པར་བྱེད་པའོ། །ཁུ་བའི་ཚུལ་གྱིས་འབབ་པ་སྟེ། །
168a4 བདུད་རྩིའི་ཐིགས་པའི་གཟུགས་ལས་སོ། །གང་གང་དབང་པོའི་ལམ་ནས་ནི། །དེ་དེའི་རང་བཞིན་སྐྱེ་བར་འགྱུར། །མཆོག་ཏུ་ཕན་པའི་རྣལ་འབྱོར་གྱིས། །སངས་རྒྱས་ཀུན་གྱི་རང་བཞིན་འབབ། །དམ་ཚིག་ཆེན་པོའི་དངོས་གྲུབ་དང་། །རིལ་བུ་ཆེན་པོའི་བསྒྲུབ་པ་ཡང་། །
168a5 སྒྱུ་འཕྲུལ་ཆེན་པོའི་རབ་སྦྱོར་བའི། །སྡོམ་པའི་སྦྱོར་བ་བྱེད་པར་འགྱུར། །མཆོད་པ་ལྔ་དང་ཡང་དག་ལྡན། །འདོད་པའི་ཡོན་ཏན་ལྔ་དང་བཅས། །སྒྲུབ་པའི་དབང་པོ་ཤེས་བྱ་བ། །དངོས་གྲུབ་ཤིན་ཏུ་རྟག་པའོ། །གང་ཞིག་ཤེས་པའི་དངོས་གྲུབ་ཀྱིས། །ལྷ་ཡི་གནས
168a6 སུ་མྱུར་བར་འགྱུར། །དེ་ནི་བདག་གིས་བཤད་བྱ་སྟེ། །ལྷ་མོ་བདེན་པར་ང་སྨྲའོ། །སྒྱུ་འཕྲུལ་ཆེན་མོ་ཁྱོད་ལ་ངས། །འཇིག་རྟེན་གསུམ་འགྲུབ་དེ་བཤད་བྱ། །རྣལ་འབྱོར་ཆེན་མོ་རྣམས་ཀྱི་ནི། །བཟང་པོའི་ཡི་གེའི་ཕྲང་བ་རྣམས། །གང་ཞིག་བསམས་པ་ཙམ་གྱིས
168a7 ནི། །རྒྱུ་དང་ནི་རྒྱུ་འགྲུབ་འགྱུར་བའོ། །འདོད་པས་ཀུན་ལ་ཉེར་སྤྱོད་པ། །ཇི་ལྟར་འདོད་བཞིན་བསྟེན་བྱས་ན། །རྣལ་འབྱོར་པ་ཆེན་རྟག་རོལ་ཏེ། །རྡོ་རྗེ་རྣལ་འབྱོར་རྣམས་འགྲུབ། །རྣམ་པ་སྣ་ཚོགས་གཟུགས་སུ་ནི། །རྣལ་འབྱོར་བདག་ཉིད་སྟོན་པར་བྱེད། །དེ
iiif viewer powered by OpenSeadragon
