| e-texts navigator |
| Wylie |
162b1 དེ་བཞིན་དུ་ནི་བུད་མེད་བཀྲུ། །སྐད་ཅིག་དེ་ལ་བཀྲུས་ཙམ་གྱིས། །བུད་མེད་བུ་དང་ལྡན་པར་འགྱུར། །སངས་རྒྱས་ཐོད་པ་ཞེས་བྱ་བ་རྣལ་འབྱོར་མའི་རྒྱུད་བླ་ན་མེད་པ་གསང་བའི་ཡང་ཤིན་ཏུ་གསང་བ་ལས་སྨན་ཆེན་པོ་ཁྱད་པར་ཅན་དང་། མོ་ཤམ་གྱི་ཁྲུས་ཀྱི་ཆོ་གའི་ལེའུ་སྟེ་བཅུ
162b2 པའོ། ། །།དེ་ནས་ཡང་དག་རབ་བཤད་པ། །མཁའ་ལྡིང་སྦྱོར་ལས་བྱུང་བའི་ལེའུ། །སྔོན་དུ་གསུངས་པའི་ཆོ་ག་ཡིས། །མཁས་པས་དཀྱིལ་འཁོར་བྲི་བར་བྱ། །བློ་ལྡན་ཧེ་རུ་ཀ་དང་ནི། །ཀུན་ནས་རྣལ་འབྱོར་མ་བརྒྱད་བསྐྱེད། །མཚན་མ་ཕྱག་སོགས
162b3 སྔོན་གསུངས་བཞིན། །ཁ་དོག་དཀར་པོ་འབའ་ཞིག་ཉིད། །ཕྱོགས་ཀྱི་རྣལ་འབྱོར་མ་དཀར་ཞིང་། །མཚམས་ཀྱི་དམར་པོ་ཉིད་ཡིན་ནོ། །སྔོན་དུ་གསུངས་པའི་ཆོ་ག་ཡིས། །མཁས་པས་དཀྱིལ་འཁོར་བྱིན་གྱིས་བརླབ། །བུམ་པ་རྣམ་པ་བཞི་པོ་ལ། །སྔོན་གསུངས་ཕྱག
162b4 མཚན་བྲི་བར་བྱ། །རིག་པ་འཛིན་པའི་སྦྱོར་བ་ཡིས། །ཕྱིས་ནི་སློབ་མ་རྗེས་སུ་གཟུང་། །སྔོན་གྱི་ཆོ་གས་གསོལ་བཏབ་སྟེ། །སྦྱིན་དང་ཚོགས་ཀྱི་འཁོར་ལོ་དང་། །དེ་ནས་དཀྱིལ་འཁོར་མཆོད་པར་བྱ། །སླར་ཡང་གསང་སྔགས་འདི་ཡིས་ནི། །སློབ་མ་རྗེས་སུ་གཟུང་བར
162b5 བྱ། །ས་སྟེངས་ན་ནི་དུས་ཟིན་ལ། །ཅུང་ཟད་གསོ་བར་མི་ནུས་ཏེ། །ནམ་མཁའ་ལྡིང་ཅན་གྱིས་བཏང་ཞིང་། །དུས་སུ་ཟིན་ཅེས་སྨྲ་བ་ནི། །སངས་རྒྱས་ཐོད་པའི་རྣལ་འབྱོར་པ། །བློ་ལྡན་དེ་ནས་ལས་བརྩམ་མོ། །བདག་ཉིད་ཧེ་རུ་ཀར་གྱུར་ཅིང་། །ཀུན་ནས་རྣལ་འབྱོར་མ
162b6 བརྒྱད་དེ། །དེ་ཀུན་སྐུ་ནི་དཀར་པོ་རུ། །ཆོ་ག་བཞིན་དུ་སྦྱར་བར་བྱ། །འབྲས་བཏགས་རང་བཞིན་བླངས་ནས་ནི། །རིག་པ་འཛིན་པ་གཉིས་བྱའོ། །ཤིན་ཏུ་མཉམ་པར་གཞག་པ་ཡིས། །དེ་ཡི་ལག་པར་རལ་གྲི་སྦྱིན། །དེ་ཡི་སྙིང་གར་སྔགས་བཞུགས་པ། །འདབ
162b7 མ་གང་དང་གང་དེ་ལ། །མར་ཁུ་ཆེ་བྱས་སྣག་ཚ་དང་། །མཁས་པས་སྔགས་ནི་བྲི་བར་བྱ། །ོ~ཾ་བུདྡྷ་ཀ་པཱ་ལེ་ནི་ཧྲཱིཿོ~ཾ་ཀ་པཱ་ལ་ནི་བཛྲི་ཎི་ཨཿ་བི་དྷྭཾ་ས་ཡ་སརྦྦ་ནཱ་ག་ན་ཨུ་ད་པ་ཡ་དྱ་དྷ་ར་ནི། བི་བྷ་བ་ཡ་ཀ་ལ་ད་ཤ་ན། བྷོ་བྷོ་བྷ་ག་པ་ཏི། བུདྡྷ་ཀ་པཱ་ལ་ནཱི། སརྦྦཱ་ན་ཎ་ཀྵ་ཡ~ཾ་ཀ
iiif viewer powered by OpenSeadragon
