| e-texts navigator |
| Wylie |
161b1 ནུ་ཁ་དོག་ནག་པོ་སྟེ། །རྒྱུད་འདི་ཐོས་པ་དང་ལྡན་ཞིང་། །ངོ་ཚ་མེད་ཅིང་ལྟོས་མེད་མ། །འདོད་པ་ཆུང་ཞིང་སེམས་ཅན་བརྩེ། །དེ་བཞིན་གཤེགས་པ་རྣམས་བསྟེན་ཅིང་། །རྟག་ཏུ་རབ་སྦས་བཙོག་མེད་མ། །འདི་ལྟའི་བུད་མེད་རབ་བླངས་ཏེ། །སྨན་ཆེན་མཆོག་ནི་ཡང་དག་བརྩམ། །
161b2 སྐྱེས་བུ་ཤིན་ཏུ་ཆགས་ཆེ་ཞིང་། །མྱུར་དུ་བྱང་ཆུབ་སེམས་འབབ་པ། །གང་ཡིན་དེ་ལ་དངོས་གྲུབ་མེད། །འདི་ལྟ་བུ་ཡི་སྨན་ཆེན་པོ། །སངས་རྒྱས་ཀྱིས་ཀྱང་རབ་རྙེད་དཀའ། །ཤིན་ཏུ་བརྟན་པའི་སེམས་ཀྱིས་ནི། །བློ་ལྡན་བུད་མེད་དེ་རྣམས་བསྟེན། །དེ་ལྟར་ཡང་ཞེས
161b3 གསུངས་པ། རབ་ཏུ་བརྟན་པ་གཙོ་བོའི་གནས། །ཞེས་ནི་སྒྲུབ་པ་པོ་རྣམས་སྨྲ། །དེ་ཕྱིར་བརྟན་པའི་སེམས་ཀྱིས་ནི། །སྣོད་བཟང་འབྲས་བུ་བསྐུལ་བར་བྱ། །དེར་ནི་མེ་ཏོག་ལྡན་བུད་མེད། །གསེར་གྱི་སྦྱོར་བ་རྙེད་དཀའ་བརྩམ། །གྲུབ་པའི་བཅུད་ཀྱིས་བྱུགས་པ་ཡི། །ཟླ་བ
161b4 རང་གི་སྙིང་ཁར་བསམ། །སྔོན་དུ་རི་ཡི་རྒྱལ་པོས་བརྒྱན། །དེར་ནི་ཡི་གེ་ཧྲཱིཿས་བོན། །སེམས་ཅན་དོན་ལ་གཅིག་ཏུ་འབད། །བློ་ལྡན་དགོས་པ་ཡང་དག་བརྩམ། །ཟངས་མའི་དངོས་པོ་སྲང་གཅིག་བཅས། །ཟླུམ་པོ་སྣོད་བཟང་ལ་བཅུག་སྟེ། །གཡོན་པ་བསྐུམ
161b5 བའི་གཡས་ཟུར་གཞག་། མེད་ན་ལྕགས་ཀྱང་བྱ་བ་ཡིན། །བརྟན་པའི་སྦྱོར་བའི་སེམས་ཀྱིས་ནི། །དེ་ནས་བློ་ལྡན་ལས་རྣམས་བརྩམ། །རི་རབ་ཟླ་བ་ས་བོན་རྒྱལ། །ཞུ་འགྱུར་ཐེ་ཚོམ་མེད་པ་ཡིན། །སྣོད་བཟང་དེར་ནི་ངལ་བསོས་པས། །འབོ་བའི་སྦྱོར་བས་འཛག་པ
161b6 ཉིད། །བཟང་པོས་མྱུར་དུ་རབ་བླངས་ཏེ། །མཁས་པ་ཡིས་ནི་བྱུག་པར་བྱ། །རྡོག་པོ་བྱུགས་པ་ཙམ་གྱིས་ནི། །མེ་ཡི་ནང་དུ་གཞུག་བྱ་ཞིང་། །དེ་ནས་ཤེས་རབ་ཅན་བལྟས་ན། །གསེར་དུ་འགྱུར་བ་ཐེ་ཚོམ་མེད། །དེ་ནི་མི་ཤ་གཅིག་གིས་ནི། །སྲང་བརྒྱ་རུ་ནི་འགྱུར་བ་ཡིན། །
161b7 དེ་ལྟར་གསེར་གྱི་སྦྱོར་བ་མཆོག་།འཇིག་རྟེན་གསུམ་ནའང་རྙེད་པར་དཀའ། །གལ་ཏེ་སྨན་ཆེན་ཚད་མིན་ན། །དེ་ཚེ་སངས་རྒྱས་ཚད་མ་ཡིན། །རྒྱུད་ཀྱི་རྒྱལ་པོ་ཆེན་པོ་འདིར། །དངོས་པོ་གང་དང་གང་གསུངས་པ། །སངས་རྒྱས་ཐོད་པའི་སྦྱོར་བ་ཡིས། །དེ་དག་ཐམས་ཅད
iiif viewer powered by OpenSeadragon
