| e-texts navigator |
| Wylie |
160a1 རྒྱུད་འདི་རུ་ནི་གསལ་བར་བྱས། །དེ་ནས་ཡང་དག་རབ་བཤད་པ། །དབང་དུ་བྱ་བའི་སྦྱིན་སྲེག་མཆོག་།ཐབ་ཁུང་གྲུ་གསུམ་དམར་པོ་ལ། །ཟབས་དང་རྒྱར་ནི་སོར་མོ་བརྒྱད། །དེ་དབུས་པདྨ་འདབ་བརྒྱད་དམར། །ཟླ་བ་དམར་ལ་སོགས་པས་བརྒྱན། །གྲཝ་གྲཝ་རུ་ནི
160a2 རྡོ་རྗེ་དམར། །བདག་ཉིད་ཧེ་རུ་ཀར་བསམ་པ། །དམར་པོ་ལྟར་སྣང་ཆགས་པའི་བདག་།རྡོ་རྗེ་དམར་པོ་ཐོད་པ་བསྣམས། །ཡོངས་སུ་གང་བའི་ཁྲག་ཉིད་ཀྱིས། །ཁམས་གསུམ་པ་ལ་རྗེས་སུ་ཆགས། ། ཤོ་ཀ་ཡི་ཡམ་ཤིང་དང་། །གོ་རོ་ཙ་ནར་ལྡན་པ་ནི། །བློ་ལྡན་བརྒྱ་རྩ
160a3 བརྒྱད་བསྲེགས་ཏེ། །ཤིན་ཏུ་མཉམ་གཞག་སྔགས་ནི་གདོན། །ོ~ཾ་ཨ་ཤོ་ཀ་ནི་སུ་ར་ཀེ་ཨ་ནུ་རཱ་ག་ཡ་ཏྲཻ་ལོ་ཀྱ་བ་ཤ~ཾ་ཀ་རཱི་ཏྲཻ་ལོ་ཀྱཾ་བཱ་ཤཱ་མཱ་ན་ཡཱ་ཧྲཱི་སྭཱ་ཧཱ། ཉིན་བདུན་སྦྱིན་སྲེག་བྱས་ཙམ་གྱིས། །ཁམས་གསུམ་དབང་དུ་འགྱུར་བ་ཡིན། །ཆུ་ནི་དམར་པོར་མེ་ཞི་བྱ། །དེ་ནས་ཡང་དག་རབ་བཤད
160a4 པ། །མངོན་སྤྱོད་དང་ནི་གསད་པ་མཆོག་།ཟླ་བ་ཕྱེད་པའི་ཆ་འདྲའི་ཐབ། །ཟབས་དང་རྒྱར་ནི་ཁྲུ་གང་ཚད། །འཇིགས་ཆེན་མདོག་ནི་ལྗང་ཁུའོ། །གྲཝ་གྲཝ་རུ་ནི་རྡོ་རྗེ་བྲི། །དབུས་ཀྱིས་གཞི་སྟོང་པ་རུ། །བློ་ལྡན་ཤ་ལྔས་སྦྱིན་སྲེག་བྱ། །གསོད་པ་ཡི་ནི་སྦྱིན་སྲེག་མཆོག་།མངོན་སྤྱོད
160a5 གསོད་པ་རུ་ནི་གསུངས། །དགྲ་ཀུན་བསྣུན་ཅིང་ཟློག་པར་བྱེད། །དགྲ་བོ་ཐུར་དུ་ཁ་བལྟས་ཤིང་། །ཁ་ནས་ཁྲག་ནི་སྐྱུག་པ་ཉིད། །ཤ་ཡི་དབུས་སུ་བསམ་པར་བྱ། །སེང་ལྡེང་སོལ་བས་མེ་བྱ་སྟེ། །མེད་ན་འབའ་འབོ་ལ་ཉིད་ཀྱི། །འབའ་འབོ་ཚེར་མས་ཤ་ཕུག་སྟེ། །བརྒྱ་རྩ
160a6 བརྒྱད་དུ་སྔགས་ཀྱིས་བསྲེག་། ཨོ~ཾ་མཱ་ར་ཡ་མཱ་ར་ཡ་ཀཱི་ལ་ཡ་ཀཱི་ལ་ཡ་སརྦྦ་ཤ་ཏྲུཾ་ནཱ་ན་ཤ་ཡ་ཧཱུ~ཾ་ཕཊ། བདག་ཉིད་ཧེ་རུ་ཀར་གྱུར་ཅིང་། །སྐུ་མདོག་སྔོན་པོ་ཐུགས་འཁྲུགས་པས། །དགྲ་རྣམས་ཐམས་ཅད་བརླག་པར་ནི། །སྐད་ཅིག་དེ་ལ་ཐེ་ཚོམ་མེད། །ཕེད་མཛད་འཇིགས་ཤིང་འཇིགས་པར
160a7 བྱེད། །ཧ་ཧ་ཞེས་མཛད་འཇིགས་པར་མཛད། །གདུག་པ་ཐམས་ཅད་གསོད་པར་ནི། །སྦྱིན་སྲེག་ཙམ་གྱིས་ཐེ་ཚོམ་མེད། །འདི་ལྟའི་བསད་པའི་སྦྱིན་སྲེག་དང་། །མངོན་སྤྱོད་ཀྱང་ནི་རྙེད་དཀའ་བ། །རྣལ་འབྱོར་ལྷ་མོས་རྟོགས་མིན་ན། །སྔགས་སྐྱེས་ཕལ་ལྟ་སྨོས་ཅི
iiif viewer powered by OpenSeadragon
