| e-texts navigator |
| Wylie |
158b1 ལྷ་ཡི་དཀྱིལ་འཁོར་བསྐྱེད་པ་ནི། །ཉི་ཤུ་རྩ་བཞིའི་བདག་ཉིད་གསུངས། །བདག་ཉིད་ཧེ་རུ་ཀ་གཟུགས་ལ། །ཉི་ཤུ་རྩ་བཞིའི་ལྷ་མོས་མཆོད། །ཐོད་པ་བདུད་རྩི་ལྔས་བཀང་བ། །ཧེ་རུ་ཀ་ཡིས་བཏུང་བར་བྱ། །དེ་ཡིས་འཐུངས་པ་ཙམ་གྱིས་ནི། །འགྲོ་བའི་བླ་མ་བདག་ཉིད
158b2 ཆེ། །གཙོ་བོ་ལས་གཞན་ཐ་དད་གཟུགས། །རྣལ་འབྱོར་མ་ཀུན་དེ་དང་འདྲ། །དེ་ལྟར་ཧེ་རུ་ཀ་མགོན་པོས། །རྣལ་འབྱོར་མ་ཀུན་སྤྱད་པར་བྱ། །ཐམས་ཅད་སྤྱད་པས་ཞུ་གྱུར་ཏེ། །ཉི་མའི་དཀྱིལ་འཁོར་རྣམ་པར་གནས། །དེ་ནི་ཞུ་བར་མཐོང་ནས་ནི། །ཤིན་ཏུ་སྲིད་པ
158b3 བསྒྲུབ་པའི་ཕྱིར། །སྒོ་ཡི་རྣལ་འབྱོར་མ་ཡིས་བསྐུལ། །ཅི་སྟེ་འཇིག་རྟེན་སྙན་མནན་ན། །ཅི་ཕྱིར་ཁྱོད་ནི་མི་དགྱེས་གྱུར། །གལ་ཏེ་ཁྱོད་བདག་ཚིག་གསན་ན། །མི་དགྱེས་གྱུར་པ་མཐའ་དག་ཐོང་། །སྲིད་འཇིགས་སྐྱེ་བོ་ཀུན་ལྷུང་བས། །སྟོང་པའི་ཐུགས་ནི་མ་མཛད
158b4 པར། །ཉིད་ཀྱི་དགོངས་པ་ཀུན་བསྒྲུབས་ཀྱེ། །རྣལ་འབྱོར་མ་ཡི་གྲོགས་པོ་བཞེངས། །གལ་ཏེ་སྔོན་གཙོ་ཚིག་གསན་ན། །འབྲས་བུ་ཡལ་བར་མ་དོར་ཅིག་།ཁྱོད་མི་སྣང་ན་འགྲོ་བ་ཡི། །སྐྱེ་བོ་མཐའ་དག་གདུང་བས་ནོན། །ལོག་པའི་ང་རྒྱལ་མ་མཛད་པར། །སྟོང་པའི་རང
158b5 བཞིན་སྤངས་ནས་ནི། །ཁྱོད་ཀྱིས་དངོས་མེད་ཀུན་ཐོང་ལ། །རྣལ་འབྱོར་མ་ཡི་ཚོགས་ལ་སྤྱོད། །རྣལ་འབྱོར་མ་ནི་བཞི་པོ་ཡིས། །འདི་ལྟ་བུ་ཡི་གླུ་ཡིས་བསྐུལ། །སྔོན་བཞིན་མདོག་དང་མཚན་སོགས་ལྡན། །ཀུན་ནས་རྣལ་འབྱོར་མ་རྣམས་བསྐོར། །འཇིགས་པ་འཁོར་བ
158b6 སྒྲོལ་བྱེད་པའི། །དཔའ་བོ་ཆེན་པོ་འདི་བཞེངས་སོ། །སངས་རྒྱས་ཐོད་པ་ཞེས་བྱ་བའི་རྣལ་འབྱོར་མའི་རྒྱུད་བླ་ན་མེད་པ་གསང་བའི་ཡང་ཤིན་ཏུ་གསང་བ་ལས། དཀྱིལ་འཁོར་དང་ཧེ་རུ་ཀ་བསྐྱེད་པ་དང་སྒོམ་པའི་ལེའུ་སྟེ་བདུན་པའོ།། །།དེ་ནས་ཡང་དག་རབ་བཤད་བྱ། །སྦྱིན
158b7 སྲེག་དཀྱིལ་འཁོར་མཆོག་བཟང་པོ། །ཞི་བ་དང་ནི་རྒྱས་པ་དང་། །དེ་བཞིན་དབང་དང་མངོན་སྤྱོད་དེ། །སྦྱིན་སྲེག་རྣམ་པ་བཞི་རུ་གསུངས། །ཤིང་གི་སྦྱིན་སྲེག་མི་བྱ་ཞིང་། །འབྲས་དང་འབྲུ་རྣམས་ཀྱིས་ཀྱང་མིན། །བློ་ལྡན་གལ་ཏེ་ཞི་འདོད་ན། །མེ་ཏོག་གིས་ནི་སྦྱིན་སྲེག
iiif viewer powered by OpenSeadragon
