| e-texts navigator |
| Wylie |
156b1 གསུངས། །ཉེ་བའི་གནས་ལ་ཤིང་ཉིད་དོ། །གྲོང་མཐའ་ལ་ནི་ས་བོན་གསུངས། །ཉེ་བའི་གྲོང་མཐའ་མྱུ་གུའོ། །ཚོགས་པ་ལ་ནི་སྡོང་བུར་གསུངས། །གཅིག་པུ་ལ་ནི་འདབ་མ་སྟེ། །སྟོང་པ་ལ་ནི་རྩ་བཞིའོ། །དེ་ལྟར་དགོངས་པས་བཤད་པ་ནི། །བདེ་གཤེགས
156b2 རྣམས་ཀྱིས་མི་མཁྱེན་ནོ། །སྤྱན་མ་ལ་སོགས་རྣལ་འབྱོར་མ། །རྣམས་ཀྱིས་ཁོང་དུ་མི་ཆུད་ཅིང་། །བྱང་ཆུབ་སེམས་དཔའི་ཡུལ་མིན་ཞིང་། །བླ་མ་གུས་པའི་རྣལ་འབྱོར་པས། །སྤྲོས་པ་ཐམས་ཅད་སྤངས་ནས་ནི། །རྫས་ལ་ཆགས་པར་མི་བྱའོ། །ཤིན་ཏུ་སོང་སྒོམ
156b3 རྣལ་འབྱོར་པ། །འདོད་ཆགས་ཞེ་སྡང་ཕྲག་དོག་མེད། །གཏི་མུག་དང་ནི་ང་རྒྱལ་སྤངས། །ཉོན་མོངས་ཐམས་ཅད་རྣམ་པར་སྤངས། །ཟ་འཐུང་དེ་བཞིན་གླུ་ལེན་ན། །ཤིན་ཏུ་སྤྲོས་པ་སྤང་བར་བྱ། །བདེ་བས་དགའ་བ་ཉིད་དང་ནི། །ཤེས་རབ་ཐབས་ཀྱིས་བདག་ཉིད
156b4 གསུངས། །བླ་མེད་དེ་ཉིད་ཟླ་ཕྱེད་ཀྱིས། །འགྲུབ་པར་ཐེ་ཚོམ་མེད་པའོ། །ཀྱཻ་ལགས་གྲོགས་མོ་འགྲོ་ཀུན་གང་། །མཐའ་དག་དྲི་མ་མེད་པ་ཡི། །བལྟ་དང་བྲལ་ལ་སྐྱེ་བོ་ལྟོས། །གསོག་གསོབ་རང་བཞིན་བསླུ་བ། །པད་རྩའི་གྲིབ་མ་ལྟ་བུར་ལྟོས། །དབང
156b5 པོ་ལྔ་ནི་སྒྱུ་འདྲ་ཞིང་། །ལྔ་ཕུང་དག་པའི་རང་བཞིན་གྱིས། །རྣལ་འབྱོར་འདི་ནི་བསྒོམས་པས་འགྲུབ། །སངས་རྒྱས་ཐོད་པའི་རྒྱུད་རྣལ་འབྱོར་མའི་གོང་ན་མེད་པ་གསང་བའི་ཡང་ཤིན་ཏུ་གསང་བ་ཞེས་བྱ་བ་ལས་སྨན་བཟང་པོ་དང་། དགོངས་པ་བཤད་པའི་ལེའུ་སྟེ་ལྔ་པའོ། །
156b6 དེ་ནས་ཡང་དག་རབ་བཤད་པ། །དཀྱིལ་འཁོར་འཇིགས་པ་མཆོག་གསང་བར། །ཐབས་དང་ཤེས་རབ་སྒྲུབ་པ་ཡིས། །གང་གིས་སློབ་མ་དབང་བསྐུར་བ། །ཤེས་རབ་པདྨའི་ནང་དབུས་སུ། །དཔག་ཚད་བྱེ་བའི་དཀྱིལ་འཁོར་ལ། །སུམ་བརྩེགས་དག་པའི་བདག་ཉིད་ལུས། །
156b7 འཁོར་བའི་འཇིགས་པ་ལས་སྐྱོབ་པ། །དཀྱིལ་འཁོར་དེ་ཡི་དབུས་གནས་པར། །མཁས་པས་སློབ་མ་བཟང་དབང་བསྐུར། །གལ་ཏེ་བྱང་ཆུབ་བླ་མེད་འདོད། །ཕྱི་ཡི་དཀྱིལ་འཁོར་བྱ་བ་མིན། །ལྷ་རྣམས་བཤིག་པ་ཙམ་གྱིས་ནི། །སྡིག་པ་ཆེན་པོ་སྐྱེ་བར་འགྱུར། །དེས
iiif viewer powered by OpenSeadragon
