| e-texts navigator |
| Wylie |
150b1 པ། མུ་སྟེགས་ལ་སོགས་མཁའ་ལྡིང་སྔགས། །ཡེ་ཤེས་ལས་བྱུང་ཇི་ལྟ་བུ། །དུས་སུ་ཟིན་པ་ཇི་ལྟར་ཡིན། །ཇི་ལྟར་དུག་ནི་སྐྱེ་བར་འགྱུར། །སྦྲུལ་གྱིས་ཟིན་པ་ཙམ་གྱིས་ནི། །སླར་ཡང་སེམས་ཅན་འཆི་འགྱུར་ཞིང་། །ཞུས་པ། ཁྱབ་འཇུག་དབང་ཕྱུག
150b2 སོགས་ལྷ་དང་། །ཚངས་པ་ཚངས་པ་མདུན་ན་འདོན། །དེ་རྣམས་ལ་ནི་འཆི་འཕོ་མཆིས། །དུག་གི་ཉེས་པས་གནོད་པར་འགྱུར། །དེ་ལྟར་དུས་སུ་ཟིན་ཅེས་སྨྲ། །སྦྲུལ་གྱི་དུག་ནི་སེལ་བ་མེད། །དེ་བཞིན་སྦྲུལ་ལ་དུག་ནི་ཡོད། །སྦྲུལ་ཟིན་འཚོའམ་མི
150b3 འཚོ་བ། །བདེ་བྱེད་ལ་སོགས་རྫུ་འཕྲུལ་ཆེའི། །ལྷ་དེ་རྣམས་ནི་དེ་ལྟར་སྨྲ། །སྟོན་པ་སྟོང་ཉིད་ངེས་གསུང་བ། །བཅོམ་ལྡན་རྡོ་རྗེ་འཆང་བས་གསུངས། །ཆོས་རྣམས་ཐམས་ཅད་སྟོང་པ་ལ། །སྦྲུལ་གྱི་དུག་ནི་ཇི་ལྟར་ཡོད། །གང་གིས་འཛིན་ཅིང་གང་ཞིག་འཛིན། །
150b4 དུས་དང་དུས་མིན་ཇི་ལྟར་འགྱུར། །ཇི་ལྟར་སྤྱོད་ཅིང་ཇི་ལྟར་བསྡུ། །གང་ཕྱིར་འཛིན་ཅིང་གང་དུ་འཛིན། །སེམས་ཅན་དུག་ཟིན་མི་འཆི་བ། །སྟོང་ཉིད་སྨྲ་བའི་ངེས་པ་ཡིན། །འདོད་ཆགས་གཏི་མུག་སྟོང་པ་ཉིད། །གྲགས་ཆེན་ཡུལ་ནི་སྟོང་པ་ཉིད། །ཡུལ་གྱི་རང
150b5 བཞིན་དྲི་མ་མེད། །དྲི་མ་དང་བྲལ་ཇི་ལྟར་དུག་།སྦྲུལ་གྱིས་ཀྱང་ནི་ཅི་ཞིག་བྱེད། །ཐ་མལ་པ་ཡི་ཡུལ་ནི་སྦྲུལ། །ཡུལ་གྱི་ཉེས་པ་དུག་ཉིད་དོ། །ལྷ་རྣམས་ཡུལ་རྣམས་ཀྱིས་ནི་བསྒྲིབས། །ཐམས་ཅད་དུས་སུ་ཟིན་པ་ཡིན། །ཡུལ་གྱི་ཉེས་པ་སྦྱངས་པ་ཉིད། །སྟོན
150b6 པ་ལོངས་སྤྱོད་གོས་མི་འགྱུར། །སངས་རྒྱས་ཐོད་པའི་རྣལ་འབྱོར་བས། །འདོད་ཀུན་ཉེ་བར་ལོངས་སྤྱོད་བྱ། །རི་སྐེགས་སྦྱོར་བ་རྙེད་དཀའ་དང་། །སངས་རྒྱས་ཐོད་པའི་སྦྱོར་ལྡན་པས། །འདིར་ནི་ཀླུ་རྣམས་ཐམས་ཅད་ལྷགས། །དེ་ཕྱིར་རབ་ངེས་ལྷ་མོ་ཀྱེ། །དུས་ཟིན་ཐ་ཆེམ
150b7 མེད་པ་རུ། །བློ་མེད་མུ་སྟེགས་ཅན་དེ་སྨྲ། །འདི་ལྟར་སྨྲས་ཏེ་ཀླུ་རྣམས་ཀྱིས། །སྣ་ཚོགས་སྡེ་ལ་ཕྱག་འཚལ་ཏེ། །རང་རང་གི་ནི་གནས་སུ་དོང་། །དེ་ནས་བཅོམ་ལྡན་འདས་མས་ཡུལ་གྱི་ཉེས་པ་སྤོང་བའི་སྔགས་གསུངས་པ། ཨོ~ཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱ་ཏྨ་ཀོུ྅ཧ~ཾ། །
iiif viewer powered by OpenSeadragon
