| e-texts navigator |
| Wylie |
149a1 འཁོར་ལོ་ཐམས་ཅད་ལ། །རེག་མ་ཐག་པའི་མོད་ལ་ནི། །རྩ་བའི་འཁོར་ལོ་ལས་འབབ་འགྱུར། །ཞུ་བདེ་ཡིས་ས་བོན་བཀྲུ། །ཧཱུ~ཾ་གྱུར་པ་ལས་རྡོ་རྗེ་སྟེ། །དབུས་སུ་དེ་ཉིད་ཀྱིས་བྱིན་བརླབས། །ས་བོན་རྡོ་རྗེ་ལས་བྱུང་བ། །དཔའ་བོ་ཁྲག་འཐུང
149a2 མདོག་སྔོན་པོ། །ཞལ་གཅིག་པ་ལ་ཕྱག་བཞི་པ། །གཙོ་བོ་ཧཱུ~ཾ་ཞེས་འདོན་པ་སྟེ། །སྐྱིལ་ཀྲུང་ཕྱེ་པའི་གར་གྱིས་གནས། །གཉི་གའང་ཁྲོ་བའི་བདག་ཉིད་ཅན། །སྟག་གི་པགས་པའི་ན་བཟའ་མནབས། །མགོ་བོ་རློན་པའི་ཕྲེང་བ་འཆང་། །བསྲེགས་སུ་མཆོད་ཕྱིར
149a3 ཐོགས་པ་ཡི། །ཤིན་ཏུ་བཞད་པས་འཇིགས་ཆེ་བའི། །གཙོ་བོ་སྙིང་རྗེའི་བདག་ཉིད་བལྟ། །དཔུང་རྒྱན་མགུལ་དོ་འཁོར་གདུབ་དང་། །གཅེར་བུ་རུས་པའི་སྐ་རགས་འཆང་། །གཡེར་ཀར་བཅས་པའི་རྐང་གདུབ་ཅན། །མ་ལུས་བདུད་རྣམས་འཇོམས་པར་བྱེད། །
149a4 རལ་པའི་ཅོད་པན་ཡང་དག་ལྡན། །སངས་རྒྱས་རྣམ་པ་ལྔ་ཡིས་བརྒྱན། །ཟླ་བ་ཕྱེད་པ་འཛིན་པའི་ལྷ། །དབུ་ལ་སྣ་ཚོགས་རྡོ་རྗེས་མཚན། །འཁོར་ལོ་རྣ་ཆ་གདུ་བུ་དང་། །ཕྱག་རྒྱ་རྣམ་པ་ལྔ་ཡིས་མཚན། །ཐལ་བའི་རྡུལ་ཅན་འཇིགས་པར་བྱེད། །ཐོད་པ་གཏི་མུག
149a5 གིས་བརྒྱན་པའི། །དཔའ་བོ་འཁོར་བ་སྒྲོལ་བྱེད་པ། །བྱང་ཆུབ་ས་བོན་རང་བཞིན་ནོ། །གཙོ་ཆེན་དེ་ཡི་ཤེས་རབ་མ། །སྣ་ཚོགས་སྡེ་མ་རྣལ་འབྱོར་མ། །གཅེར་བུ་མགོ་བོའི་ཕྲེང་བ་སྤངས། །རྒྱན་མེད་མཆོད་ཕྱིར་ཐོགས་མེད་མ། །བདེ་བ་ཀུན་གྱི་གཟུགས་ཅན་མ། །ཕྱག་གཉིས
149a6 སྐྲ་ནི་གྲོལ་བ་མོ། །ཧེ་རུ་ཀ་ལ་འཁྱུད་གནས་མ། །དེ་ལྟར་ཕ་རོལ་ཕྱིན་ལྷ་མོ། །ཁ་དོག་དམར་པོ་རྣམ་གསལ་མ། །ཞལ་ནི་ཤིན་ཏུ་རྣམ་འགྱུར་བ། །ཅུང་ཟད་མཆེ་བ་གཙིགས་འཇིགས་མ། །གཡས་ན་ཅང་ཏེའུ་གྲི་གུག་སྟེ། །གཡོན་ན་ཁ་ཊྭཱཾ་ཐོད་པའོ། །རང་གི་ལུས
149a7 སྐྱེས་འོད་ཟེར་གྱིས། །རྩ་ཡི་འཁོར་ལོ་བསྐུལ་བར་བྱ། །དེ་ཡིས་བསྐུལ་བ་ཙམ་གྱིས་ནི། །རྩ་ཡི་འཁོར་ལོའི་རང་བཞིན་ལས། །འཛག་འགྱུར་འདིར་ནི་ཐེ་ཚོམ་མེད། །འཛག་པ་དེ་ལས་རྣལ་འབྱོར་མ། །བརྒྱད་པོ་བུ་མོ་རྣམས་ཀྱི་མཆོག་།མཆོད་པ་སྣ་ཚོགས
iiif viewer powered by OpenSeadragon
