| e-texts navigator |
| Wylie |
148a1 འདིར་སོམ་ཉི་མེད་དོ། །དེ་ལྟར་རལ་གྲི་གཅིག་གྲུབ་པས་བྱེ་བ་བརྒྱ་སྟོང་གི་རིག་འཛིན་གྲུབ་པས་བསྐོར་བར་འགྱུར་རོ། །འདི་ལྟ་བུའི་སྦྱོར་བ་ནི་འཇིག་རྟེན་གསུམ་ན་ཡང་རྙེད་པར་དཀའོ། །བུ་མོ་བཀྲུས་པ་ཙམ་གྱིས་རྣལ་མར་འགྱུར་རོ། །དེའི་ཐལ་བ་ལྕགས་གསུམ
148a2 གྱིས་དཀྲིས་ཏེ་རིལ་བུ་བྱས་ནས་ཁར་བཅུག་པ་ཙམ་གྱིས་ནི་མི་སྣང་བར་འགྱུར་རོ། །ཤེས་རབ་ཅན་གྱིས་སུམ་ཅུ་པ་ཡང་བསྐོར་རོ། །སངས་རྒྱས་ཐམས་ཅད་ཀྱིས་ཀྱང་མི་གཟིགས་སོ། །རིལ་བུ་ལག་པར་བླངས་པས་དངོས་པོ་གང་དང་གང་ལ་རེག་པ་ཙམ་གྱིས་དེ་དབང་དུ་འགྱུར་རོ། །
148a3 ཐལ་བའི་སྦྱོར་བ་འདི་དག་ནི། །སངས་རྒྱས་ཀྱིས་ཀྱང་རྙེད་པར་དཀའ། །ོ~ཾ་བུདྡྷ་ཀ་པཱ་ལ་ཛཿཧཱུ~ཾ་ཁཾ་ར~ཾ་ཨ། འཇིག་རྟེན་གསུམ་བསྒྲུབ་པའི་སྔགས་སོ། །ོ~ཾ་བུདྡྷ་ཀ་པཱ་ལི་ནི་ཧྲཱིཿཧཱུ~ཾ། དགྲ་བརླག་པའི་སྔགས་སོ། ཨོ~ཾ་མ་ཧཱ་ཀ་པཱ་ལ་བཛྲི་ཁ་ཁ་ཁཱ་ཧི་ཁཱ་ཧི་སརྦ་དུཥྛྣ་གྷ་གྷ་གྙཱ་ཏ་ལ
148a4 གྟཱ་ཏ་ཡ་སརྦྦ་ཤ་ཏྲུ~ཾ་ཨོ~ཾ་ཧ་ཏྲཱ~ཾ་ཧཱུ~ཾ་ཕཊ། བསྐྲད་པའི་སྔགས་སོ། །སངས་རྒྱས་ཐོད་པའི་རྒྱུད་ཆེན་པོ། རྣལ་འབྱོར་མ་རྣམས་ཀྱི་གོང་ན་མེད་པ་གསང་བའི་ཡང་ཤིན་ཏུ་གསང་བ་ཞེས་བྱ་བ་ལས་ཐལ་བའི་སྦྱོར་བ་དང་ལས་སྣ་ཚོགས་གཏན་ལ་དབབ་པ་དང་། སྔགས་ཀྱི་ལེའུ་སྟེ
148a5 གཉིས་པའོ། ། །།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་སྣ་ཚོགས་སྡེ་མ་ལ་བཏུད་དེ་འདི་སྐད་ཅེས་གསོལ་ཏོ། །སེམས་ཅན་དོན་ལ་གཅིག་བརྩོན་པ། །ལེགས་སོ་བཅོམ་ལྡན་འདས་ལྷ་མོ། །འདི་ལྟའི་རབ་ཏུ་སྦྱོར་ཞེས་པ། །རྒྱུད
148a6 གཞན་དག་ཏུ་མ་གསུངས་ཤིང་། །སངས་རྒྱས་ཀུན་གྱིས་རབ་སྦས་པ། །དེ་ནི་འབད་དེ་གསལ་བར་མཛོད། །ལྷ་མོ་ཆེན་མོ་ཁྱོད་ཀྱིས་གསུངས། །ལྷ་ཡི་ལེའུ་ནི་ཇི་ལྟ་བུ། །སངས་རྒྱས་ཐོད་པའི་རྣལ་འབྱོར་མའི། །རྒྱུད་དུ་ལྷ་རྣམས་དུ་ཞིག་གསུངས། །དེ་རུ་གཟུགས
148a7 ནི་ཇི་ལྟ་བུ། །གུས་པ་ཡིས་ནི་ཉན་པར་འཚལ། །གསུངས་པ། ར~ཾ་ལས་ཉི་མ་བསམ་པར་བྱ། །ཉི་མའི་སྟེང་དུ་ཧཱུ~ཾ་བྱུང་བའི། །རྡོ་རྗེ་ནག་པོ་སྲེག་པའི་བདག་།རྡོ་རྗེ་དེ་ཉིད་འོད་ཟེར་གྱིས། །རབ་དྲ་བས་མཚམས་བཅིང་ངོ་། །དེ་བཞིན་རྡོ་རྗེ་ནག་གྱུར་པའི། །རྡོ་རྗེའི་ས
iiif viewer powered by OpenSeadragon
