| e-texts navigator |
| Wylie |
143b1 ནས་སྔགས་བྱེ་བ་བཟླས་པར་གསུངས་སོ། །བསོད་ནམས་འབྲིང་པོ་རྣམས་ཀྱིས་ནི་སྔགས་འབུམ་བཟླས་པས་མྱུར་བར་འགྲུབ་པར་གསུངས་སོ། །བསོད་ནམས་ཆེ་བས་ཁྲི་བཟླས་པས་ཤིན་ཏུ་མྱུར་བར་འགྲུབ་བོ། །དེ་ལྟར་རྡོ་རྗེ་ཅན་ཆེན་པོ་རྒྱུད་ཀྱི་བདག་པོའི་གཙོ་བོས་གསུངས
143b2 སོ། །བསོད་ནམས་ཆུང་བའི་སེམས་ཅན་རྣམས་ཀྱིས་ནི་བྱེ་བ་བཟླས་པར་གསུངས་སོ། །སེམས་ཅན་འབད་རྩོལ་ཆུང་བ་རྣམས་ཀྱིས་ནི་འབུམ་བཟླས་པར་བདག་སྨྲའོ། །སེམས་ཅན་སྒོམ་པ་ལ་ཞེན་པ་རྣམས་ཀྱིས་ནི་ཁྲི་ཁོ་ན་བཟླས་པར་བྱའོ། །སེམས་ཅན་འདོད་ཆགས
143b3 ལ་ཞུགས་པ་རྣམས་ཀྱི་བཟླས་པ་ཇི་ལྟར་ལགས། བླུན་པོ་དང་ལྐུགས་པའི་རིགས་ཅན་རྣམས་ཀྱི་སྔགས་ཀྱི་གྲངས་ཇི་ལྟར་ལགས། །ཤིན་ཏུ་དམིགས་པའི་སྔགས་ཀྱི་བཟླས་པ་ཇི་ལྟར་ལགས། འདི་ལྟར་ཕན་ཚུན་སྨྲ་བས་བཟླས་ན་དངོས་གྲུབ་གཞན་དུ་ཡང་འགྱུར་རོ། །གལ་ཏེ
143b4 དམན་པའི་སེམས་ཀྱིས་ཉོན་མོངས་བཞིན་པས་བཟླས་པ་དེའི་ཚེ་བསྐལ་བ་སྐར་མ་ལྟ་བུ་བྱེ་བར་ཡང་དེ་ལ་དངོས་གྲུབ་མེད་དོ། །དེ་ལྟར་ཐོས་ནས་རྣལ་འབྱོར་མ་སྣ་ཚོགས་སྡེ་མ་བཅོམ་ལྡན་འདས་ཀྱི་ཞལ་ལ་ལྟ་བར་བྱེད་ཅིང་ཟུར་མིག་དང་བཅས་པའི་ཆགས་པས་བལྟས་ཏེ།
143b5 ཤིན་ཏུ་ཁྲོ་བས་འཇིགས་པར་བྱེད་ཅིང་སྙིང་རྗེའི་ཐུགས་འཁྲུགས་པས་བདུད་ཀྱི་དཔུང་རབ་ཏུ་བཅོམ་མོ། །དེ་ལྟར་བཞུགས་པའི་ལྷ་མོ་ཆེན་མོ་རྒྱུད་ཐམས་ཅད་ཀྱི་བདག་པོའི་དབང་ཕྱུག་ལ་དེ་ནས་དེས་གཟིགས་པ་ཙམ་གྱིས་བཅོམ་ལྡན་འདས་ཀྱི་དབུ་ལས་སྔགས་ཕྱུང་ངོ་། །ོ~ཾ་བུདྡྷེ
143b6 སིདྡྷེ་སུ་སིདྡྷེ། ཨ་མྲྀ་ཏ་ཨ་ར་ཛེ་བུདྡྷ་ཀ་པཱ་ལ་སྒོ་ཊ་ནེ་སྤོ་ཊ་ཡ་ཏྲཱ་ས་ཡ་ཧོ་ཧཱུ~ཾ་ཕཊ། དེ་ལྟར་སྔགས་ཀྱི་མཆོག་སོན་པས་ས་རིམ་པ་བདུན་གྱི་འོག་ཏུ་ཆུད་པའི་ཀླུ་རྣམས་བཅོམ་པར་བྱས་ཤིང་ཕྱེ་མར་བྱས་ནས་སླར་འོངས་ཏེ་སྣ་ཚོགས་སྡེ་མའི་ཞལ་དུ་ཞུགས་ཏེ། པདྨའི་ནང་ནས་བྱུང་ནས་སླར
143b7 ཐོད་པར་ཞུགས་སོ། །སྔགས་འདིའི་མཐུས་ཀླུ་རྣམས་ཞིག་སྟེ། སྐྲག་ཅིང་རྡུལ་འབྱུང་བར་འགྱུར་རོ། །ནོར་རྒྱས་ལ་སོགས་པའི་རྫུ་འཕྲུལ་ཆེན་པོའི་ཀླུ་ཐམས་ཅད་ལྷགས་ཏེ། སྟོབས་ཀྱིས་རྒྱུ་དང་། དུང་སྐྱོང་དང་། འཇོག་པོ་དང་། མཐའ་ཡས་དང་། པདྨ་དང་། པདྨ
iiif viewer powered by OpenSeadragon
