| e-texts navigator |
| Wylie |
139a1 བོ་དང་། །གང་ཞིག་དངོས་པོ་རྟེན་ལ་སོགས། །དེ་ནི་བདེ་བའི་དང་པོར་རིག་།རང་གི་རྣམ་པའི་བྱེ་བྲག་གམ། །རྣམ་པར་དཔྱོད་པས་ངེས་པར་དཔྱོད། །ལྷ་མོ་གང་ཞིག་དུར་ཁྲོད་བརྒྱད། །དེ་ནི་བདེ་བ་ལ་ཐིམ་ཞེས། །རྣམ་པར་རྟོག་པ་འཛིན་པའི
139a2 སྐུ། །དེ་ལ་ཐིམ་ཞིང་ཐིམ་པའོ། །གང་ཞིག་ཤིང་ལ་སོགས་པའི་དོན། །དེ་ནི་དང་པོའི་བདུད་རྩི་རྒྱུ། །རྩ་དེ་བརྟེན་པའི་གཟུགས་སུ་གྲགས། །ཐམས་ཅད་རྣམ་པའི་བདེ་སྦྱིན་མ། །གང་རླུང་དེ་ཉིད་སྙིང་པོའི་དོན། །དེ་ནི་རིན་ཆེན་གདུ་བུའི་བདེ། །འཛུམ་པ་ཡིས་ནི
139a3 ཡང་དག་པར། །པདྨའི་ཞལ་དེ་མྱོང་བའོ། །ལྷ་མོ་གང་ཞིག་མཛུབ་ལ་སོགས། །དེ་ནི་གྱེན་དུ་གཟུང་བའི་རླུང་། །ཡང་ན་རྩ་ཡི་ཀུན་སྤྱོད་ལས། །འགྲོ་བའི་བདུད་རྩི་འཛིན་པའོ། །གང་ཞིག་ཉེར་འགྲོའི་བསམ་གཏན་སྦྱོར། །དེ་ནི་ཟླ་བ་གྱེན་དུ་བྱེད། །ཡང་ན་ཚངས་བཞི
139a4 རྣམ་དབྱེ་བྱས། །རྣམ་པར་ཤེས་པ་ལས་གཤེགས་གསོལ། །གང་ཉིད་ཡེ་ཤེས་ཐིག་ལེ་ནི། །དེ་ནི་དྲུག་ཕྱེད་གསུམ་དང་བྲལ། །བཅུ་དང་ལྔ་ཡི་ས་རྣམས་ནི། །དབང་ཕྱུག་འཕོ་མེད་སྐྱེ་མེད་དོ། །གང་ཞིག་བདག་གི་རང་ངོ་མཆོག་།དེ་ནི་ངེས་པར་བཞི་པའི་འབྲས། །
139a5 ཡང་ན་ཏོར་ཡ་ཉམས་སུ་མྱོང་། །འབྲས་བུའི་སྒྲས་ནི་བརྗོད་པའོ། །གང་ཞིག་ས་ཡི་དབང་བྱེད་པ། །དེ་ནི་དེ་ཉིད་དྲུག་རང་བཞིན། །དེ་ཉིད་དྲུག་ལས་དེ་ཉིད་གསུམ། །དེ་ཉིད་གསུམ་ལས་རང་བཞིན་གཅིག་།གང་ཞིག་དེ་བཞིན་གཤེགས་པའི་སྐུ། །དེ་ནི་མྱ་ངན
139a6 འདས་མཚན་ཉིད། །ཡང་ན་དགའ་བ་དང་ནི་བྲལ། །དགའ་བྲལ་དགའ་མིན་རང་ངོ་བོ། །ལྷ་མོ་གང་ཞིག་རྒྱུད་བསྟན་པ། །དེ་ནི་བདེ་བ་ཤིན་ཏུ་འཕེལ། །བདེ་དང་བྲལ་བའི་བདེ་བ་ནི། །ཡང་ན་དེ་ཉིད་རྙེད་པའོ། །གང་ཞིག་ཕྱག་རྒྱ་ཆེ་རང་བཞིན། །དེ་ནི་ཐིམ
139a7 སོགས་ཡིད་ལས་འདས། །རང་གིས་ཉམས་མྱོང་རང་ངོ་བོ། །བསམ་གཏན་འཛིན་པ་སྤངས་པའོ། །གང་ཞིག་གསང་བ་དོན་དམ་པར། །དེ་ནི་དགའ་བ་དགའ་དང་བྲལ། །ཡང་ན་ནང་གི་རེག་བྱ་སྟེ། །རེག་བྱ་དང་བྲལ་རྟོག་པ་མེད། །གང་ཞིག་བསྐུལ
iiif viewer powered by OpenSeadragon
