| e-texts navigator |
| Wylie |
72a1 དྲག་པོ་ནག་པོའི་འཕྲོ་འདུ་བྱ། །སྣ་ཚོགས་འཕྲོས་པས་ཕྲིན་ལས་བཞིའི། །དངོས་གྲུབ་ཐམས་ཅད་འགྲུབ་པ་ཡིན། །ནང་དང་གསང་བའི་བཟླས་པ་ཡང་། །གོང་བཞིན་སྤྲོ་བསྡུ་ཤེས་པར་བྱ། །དུར་ཁྲོད་ཕག་མོས་ཡང་གསོལ་པ། །
72a2 ཟད་ཅིང་འཕེལ་བར་བྱེད་པ་གང་། །མཐར་ཐུག་པ་ཡི་ཡི་གེ་གང་། །ཞེས་ཞུས་སོ། །དཔའ་བོ་ཆེན་པོས་ཡང་གསུངས་པ། །གཏི་མུག་ཟད་བྱེད་ཨ་ཡིན་ཏེ། །ཧས་ནི་ཞེ་སྡང་ཟད་པར་བྱེད། །ང་རྒྱལ་ཟད་བྱེད་རི་ཡིན་ཏེ། །ནི་ཡིས་འདོད་ཆགས་ཟད་པར
72a3 བྱེད། །ཕྲག་དོག་ཟད་བྱེད་ས་ཡིན་ནོ། ། ནི་ཆོས་དབྱིངས་ཡེ་ཤེས་འཕེལ། །ཧ་ནི་མེ་ལོང་ཡེ་ཤེས་འཕེལ། །རི་ཡིས་མཉམ་ཉིད་ཡེ་ཤེས་འཕེལ། །ནི་ཡིས་སོ་སོར་རྟོག་བྱེད་འཕེལ། །ས་ཡིས་བྱ་གྲུབ་ཡེ་ཤེས་འཕེལ། ། ནི་སངས་རྒྱས་མཁའ
72a4 འགྲོར་སྣང་། །ཧ་ནི་རྡོ་རྗེ་མཁའ་འགྲོར་སྣང་། །རི་ནི་རིན་ཆེན་མཁའ་འགྲོར་སྣང་། །ནི་ཡིས་པདྨ་མཁའ་འགྲོར་སྣང་། །ས་ཡིས་ལས་ཀྱི་མཁའ་འགྲོར་སྣང་། །ས་ནི་དེ་བཞིན་རིགས་ཐོབ་སྟེ། །ཧས་ནི་རྡོ་རྗེའི་རིགས་ཆེན་ཐོབ། །རི་ནི་རིན་ཆེན
72a5 རིགས་ཐོབ་སྟེ། །ནི་ཡིས་པདྨའི་རིགས་ཐོབ་བོ། །ས་ནི་ལས་ཀྱི་རིགས་ཆེན་ཐོབ། །ཆོས་སྐུའི་མཐར་ཐུག་ཨ་ཡིན་ཏེ། །ལོངས་སྐུའི་རྣམ་པ་ཡི་གེ་ཧ། །སྤྲུལ་པ་སྐུ་ནི་རི་ཡིན་ནོ། །ངོ་བོ་ཉིད་སྐུའི་ཡི་གེ་ནི། །རྡོ་རྗེའི་སྐུ་ནི་ཡི་གེ་ས། །ཞེས་གསུངས་སོ། །
72a6 དུར་ཁྲོད་བདག་མོས་ཡང་ཞུས་པ། །དབང་པོ་རབ་འབྲིང་རིམ་པ་ཡིས། །ཇི་ལྟར་ཤེས་ན་གྲོལ་བར་འགྱུར། །དཔའ་བོ་ཆེན་པོས་ཡང་གསུངས་པ། །དབང་པོ་རབ་འབྲིང་གསུམ་ཡིན་ཏེ། །དབང་པོ་རབ་ཀྱི་གང་ཟག་ལ། །སྐད་ཅིག་དྲུག་གི་གདམས་ངག
72a7 བསྟན། །ཡེ་ཤེས་སྐད་ཅིག་དང་པོ་ཡིས། །གཟུང་བའི་རྣམ་པར་རྟོག་པ་གཅད། །སྐད་ཅིག་གཉིས་པའི་ཡེ་ཤེས་ཀྱིས། །འཛིན་པའི་རྣམ་པར་རྟོག་པ་གཅད། །སྐད་ཅིག་གསུམ་པའི་ཡེ་ཤེས་ཀྱིས། །གཟུང་འཛིན་གཉིས་ཀྱི་རྟོག་པ་གཅད། །
iiif viewer powered by OpenSeadragon
