| e-texts navigator |
| Wylie |
70a1 མཆོད་རྟེན་ཅི་རིགས་གདབ། །འོག་མིན་གནས་ནས་སྤྱན་དྲངས་ལ། །རབ་ཏུ་གནས་པ་གཞུང་བཞིན་བྱ། །དེ་ལ་མངའ་གསོལ་ན་བཟའ་གསོལ། །མཆོད་དང་བསྟོད་དང་བཞུགས་པ་ཀུན། །དམ་ཆོས་གཞན་དང་མཐུན་པར་བྱ། །དབང་གི་ལས་རྣམས་འགྲུབ
70a2 པར་འགྱུར། །དང་པོ་བདག་གི་དེ་ཉིད་ནི། །རྡོ་རྗེ་རིགས་ཀྱི་གང་ཟག་དེ། །དད་དང་བརྩོན་འགྲུས་རབ་ལྡན་པས། །སྐུ་དང་མཆོད་རྟེན་འདེབས་དུས་སུ། །འདུ་ཤེས་གསུམ་དང་ལྡན་པར་བྱ། །གཉིས་པ་རྒྱུ་ཡི་དེ་ཉིད་ནི། །རྣམ་པ་ལྔ་རུ་ཤེས་པར་བྱ། །ས་གཞི་གནག་ཅིང་རྩུབ་པ་ལ། །ཁྲག
70a3 དང་དུག་དང་ཚེར་མ་དང་། །ཡུངས་ཀར་ཡུངས་ནག་སྐྱེ་ཚེ་དང་། །ལྔ་ཚན་ལྔ་དང་བཅས་པ་ལ། །ལུས་ངག་ཡིད་གསུམ་སྦྱོར་བ་ཡིས། །སྐུ་དང་མཆོད་རྟེན་ཅི་རིགས་གདབ། །འོག་མིན་གནས་ནས་སྤྱན་དྲངས་ལ། །རབ་ཏུ་གནས་པ་གཞུང་བཞིན་བྱ། །དེ་ལ་མངའ་གསོལ་ན
70a4 བཟའ་གསོལ། །མཆོད་དང་བསྟོད་པ་བཞུགས་པ་ཀུན། །དམ་ཆོས་གཞན་དང་མཐུན་པར་བྱ། །དྲག་པོའི་ལས་རྣམས་འགྲུབ་པར་བྱེད། །དང་པོ་བདག་གི་དེ་ཉིད་ནི། །ལས་ཀྱི་རིགས་ཀྱི་གང་ཟག་དེ། །དད་དང་བརྩོན་འགྲུས་རབ་ལྡན་པས། །སྐུ་དང་མཆོད་རྟེན་འདེབས་དུས
70a5 སུ། །འདུ་ཤེས་གསུམ་དང་ལྡན་པར་བྱ། །གཉིས་པ་རྒྱུ་ཡི་དེ་ཉིད་ནི། །རྣམ་པ་ལྔ་རུ་ཤེས་པར་བྱ། །ས་གཞི་ལྗང་ཞིང་ཁ་དོག་སེར། །གོང་དུ་ལྔ་ཚན་ལྔ་དང་སྦྱར། །དེ་ལ་སྐུ་དང་མཆོད་རྟེན་རྣམས། །ཇི་ལྟར་ནུས་པ་བཞིན་དུ་གདབ། །འོག་མིན་གནས་ནས་སྤྱན་དྲངས་ལ། །རབ
70a6 ཏུ་གནས་པ་གཞུང་བཞིན་བྱ། །དེ་ལ་མངའ་གསོལ་ན་བཟའ་གསོལ། །མཆོད་དང་བསྟོད་པ་བཞུགས་པ་རྣམས། །དམ་ཆོས་གཞན་དང་མཐུན་པར་བྱ། །དྲག་པོའི་ལས་རྣམས་འགྲུབ་པར་འགྱུར། །བསྟོད་པ་ལྔ་ནི་སོ་སོར་བསྟོད། །མཁའ་འགྲོ་མ་ཐམས་ཅད་ཀྱི་ཐུགས་གཉིས
70a7 སུ་མེད་པའི་ཡེ་ཤེས་བསམ་གྱིས་མི་ཁྱབ་པ་ཕག་མོ་མངོན་པར་འབྱུང་བའི་རྒྱུད་ལས་སྐུ་དང་མཆོད་རྟེན་གདབ་པའི་ལེའུ་སྟེ་དགུ་པའོ། ། །།དེ་ནས་དུར་ཁྲོད་བདག་མོ་དེས་སྟོན་པ་མཚན་ཉིད་བཞི་ལྡན་ལ་ཕྱི་ནང་གསང་བའི་མཆོད་པ་གསུམ་ཕུལ་ནས་འདི་སྐད་ཞུས་སོ། །ཀྱེ་ཀྱེ་མགོན་པོ
iiif viewer powered by OpenSeadragon
