| e-texts navigator |
| Wylie |
69b1 མོ་ཁྱོད། །རིགས་ཅན་ལྔ་ཡི་གང་ཟག་དེས། །བདག་དོན་གཞན་དོན་བྱེད་འདོད་པས། །སྐུ་ལྔ་གདུང་ལྔ་མཆོད་རྟེན་ལྔ། །རྒྱུ་ལྔ་སྔགས་ལྔ་ལས་རིམ་ལྔ། །ལྔ་ཚན་ལྔ་རུ་ཤེས་པར་བྱ། །དེ་ཡི་བྱ་བའི་རིམ་པ་ནི། །དེ་ཉིད་གསུམ་དང་ལྡན་པར་བྱ། །དང་པོ་བདག་གི་དེ་ཉིད་དང་། །གཉིས
69b2 པ་རྒྱུ་ཡི་དེ་ཉིད་དང་། །གསུམ་པ་འབྲས་བུའི་དེ་ཉིད་དོ། །དང་པོ་བདག་གི་དེ་ཉིད་ནི། །དེ་བཞིན་རིགས་ཀྱི་གང་ཟག་དེ། །དད་དང་བརྩོན་འགྲུས་རབ་ལྡན་པས། །སྐུ་དང་མཆོད་རྟེན་འདེབས་དུས་སུ། །འདུ་ཤེས་གསུམ་དང་ལྡན་པར་བྱ། །གཉིས་པ་རྒྱུ་ཡི་དེ་ཉིད་ནི། །རྣམ་པ་ལྔ
69b3 རུ་ཤེས་པར་བྱ། །ས་གཞི་དཀར་ཞིང་སྣུམ་པ་ལ། །རིན་ཆེན་སྣ་ལྔ་ལ་སོགས་པའི། །ལྔ་ཚན་ལྔ་ནི་ལེགས་སྦྱར་ཏེ། །ལུས་ངག་ཡིད་གསུམ་སྦྱོར་བ་ཡིས། །སྐུ་དང་མཆོད་རྟེན་ཅི་རིགས་གདབ། །འོག་མིན་གནས་ནས་སྤྱན་དྲངས་ལ། །རབ་ཏུ་གནས་པ་གཞུང་བཞིན་བྱ། །དེ
69b4 ནས་མངའ་གསོལ་ན་བཟའ་གསོལ། །དེ་ལ་མཆོད་དང་བསྟོད་པ་བྱ། །བཞུགས་སུ་གསོལ་བའི་རིམ་པ་ནི། །དམ་ཆོས་གཞན་དང་མཐུན་པར་བྱ། །ཞི་བའི་ལས་རྣམས་འགྲུབ་པར་འགྱུར། །དང་པོ་བདག་གི་དེ་ཉིད་ནི། །རིན་ཆེན་རིགས་ཀྱི་གང་ཟག་དེས། །དད་དང་བརྩོན
69b5 འགྲུས་རབ་ལྡན་པས། །སྐུའམ་མཆོད་རྟེན་འདེབས་དུས་སུ། །འདུ་ཤེས་གསུམ་དང་ལྡན་པར་བྱ། །གཉིས་པ་རྒྱུ་ཡི་དེ་ཉིད་ནི། །རྣམ་པ་ལྔ་རུ་ཤེས་པར་བྱ། །ས་གཞི་སེར་ལ་འཚེར་བ་ལ། །གོང་དུ་བསྟན་པ་ཇི་ལྟ་བར། །སྐུ་དང་མཆོད་རྟེན་ཅི་རིགས་གདབ། །འོག་མིན་གནས་ནས
69b6 སྤྱན་དྲངས་ནས། །རབ་ཏུ་གནས་པ་གཞུང་བཞིན་བྱ། །དེ་ལ་མངའ་གསོལ་ན་བཟའ་གསོལ། །མཆོད་དང་བསྟོད་པ་བཞུགས་པ་རྣམས། །དམ་ཆོས་གཞན་དང་མཐུན་པར་བྱ། །རྒྱས་པའི་ལས་རྣམས་འགྲུབ་པར་འགྱུར། །དང་པོ་བདག་གི་དེ་ཉིད་ནི། །པདྨ་རིགས་ཀྱི་གང་ཟག་དེ། །
69b7 དད་དང་བརྩོན་འགྲུས་རབ་ལྡན་པས། །སྐུ་དང་མཆོད་རྟེན་བྱེད་དུས་སུ། །འདུ་ཤེས་གསུམ་དང་ལྡན་པར་བྱ། །གཉིས་པ་རྒྱུ་ཡི་དེ་ཉིད་ནི། །རྣམ་པ་ལྔ་རུ་ཤེས་པར་བྱ། །ས་གཞི་དམར་ལ་གདང་བ་ལ། །ལྔ་ཚན་ལྔ་དང་ལེགས་སྦྱར་ཏེ། །ལུས་ངག་ཡིད་གསུམ་སྦྱོར་བ་ཡིས། །སྐུ་དང
iiif viewer powered by OpenSeadragon
