| e-texts navigator |
| Wylie |
68a1 ཐོབ་སྟེ། །སྤྲོས་མེད་དེ་བཞིན་གཤེགས་པའི་རིགས། །དགོས་འདོད་འབྱུང་བ་རིན་ཆེན་རིགས། །སྐྱོན་གྱིས་མ་གོས་པདྨའི་རིགས། །སེམས་ཅན་དོན་གྲུབ་ལས་ཀྱི་རིགས། །གཞན་ནས་མ་ཡིན་རང་ཉིད་ལ། །དུག་ལྔ་སྤྱོད་པའི་གང་ཟག
68a2 དེ། །ཡེ་ཤེས་ཁྲོ་མོ་ལྔ་བསྒོམས་ནས། །བདེ་བ་སྐྱེ་བ་སྐུ་ཡིན་པས། །བདེ་ཆེན་དཀར་མོ་བསྒོམ་པར་བྱ། །ནུས་པ་འབྱུང་བ་གསུང་ཡིན་པས། །དམར་མོ་སྒྲ་སྒྲོགས་བསྒོམ་པར་བྱ། །རྟོགས་ཚད་འཆར་བ་ཐུགས་ཡིན་པས། །ཁྲོས་མ་ནག་མོ་བསྒོམ་པར་བྱ། །
68a3 བརྟན་པར་བྱེད་པ་ཡོན་ཏན་ཏེ། །སེར་མོ་དོན་གྲུབ་བསྒོམ་པར་བྱ། །བར་ཆད་སེལ་བ་ཕྲིན་ལས་ཏེ། །སྣ་ཚོགས་མཐར་ཕྱིན་བསྒོམ་པར་བྱ། །རིམ་གྱིས་མ་ཡིན་ཅིག་ཅར་ཡིན། །རྒྱ་དང་འབུར་གྱི་ཚུལ་དུ་བྱ། །ཡིག་འབྲུ་རྣམས་ཀྱི་གནས་ལུགས་ནི། །སྤྱི་གཙུག
68a4 བདེ་ཆེན་འཁོར་ལོ་ན། །བདེ་བྱེད་སྐུ་ཡི་ཡི་གེ་བཞི། །རང་བཞིན་རྩ་ཡི་གཟུགས་ཅན་ནོ། །མགྲིན་པ་ལོངས་སྤྱོད་འཁོར་ལོ་ན། །གསུང་མཆོག་ཡི་གེ་རྣམ་བཞི་ནི། །རང་བཞིན་རྩ་ཡི་ཚུལ་དུ་གནས། །སྙིང་ག་ཆོས་ཀྱི་འཁོར་ལོ་ན། །ཐུགས་མཆོག་ཡི་གེ་རྣམ་བཞི་ནི། །རྩ་ཡི
68a5 དབྱིབས་དང་མཐུན་པར་གནས། །ལྟེ་བ་སྤྲུལ་པའི་འཁོར་ལོ་ན། །རྟེན་བྱེད་ཡོན་ཏན་ཡི་གེ་བཞི། །དེ་ཡི་རང་བཞིན་རྩ་ཡི་དབྱིབས། །ཕྲིན་ལས་ཡི་གེ་རྣམ་བཞི་ནི། །ཞི་རྒྱས་དབང་དྲག་ཡི་གེ་བཞི། །ལས་དང་རྗེས་མཐུན་གཟུགས་སུ་གནས། །སྙིང་པོ་ལྔ་ཡི་བཟླས་ཐབས་ནི། །ཕྱི
68a6 དང་ནང་དང་གསང་བ་དང་། །ཕྲིན་ལས་བཞི་ཡི་ཚུལ་དུ་བཟླས། །དམ་ཚིག་ལྔ་ཡི་བསྲུང་ཚུལ་ནི། །བདེ་ཆེན་དཀར་མོའི་དམ་ཚིག་ཏུ། །སེམས་ཅན་ཀུན་ལ་བྱམས་པ་བསྒོམས། །ཁྲོས་མ་ནག་མོའི་དམ་ཚིག་ཏུ། །དྲག་ཅིང་རྩུབ་པའི་སྤྱོད་པ་བྱ། །སེར་མོ་དོན་གྲུབ་དམ་ཚིག་ཏུ། །དངོས
68a7 པོ་ཀུན་ལ་ཆགས་མེད་བྱ། །དམར་མོ་སྒྲ་སྒྲོགས་དམ་ཚིག་ཏུ། །སྨྲ་ཞིང་བུད་མེད་བསྟེན་པར་བྱ། །སྣ་ཚོགས་མཐར་ཕྱིན་དམ་ཚིག་ཏུ། །རྒྱུད་ཅིང་མཆོད་པའི་སྤྱོད་པ་བྱ། །མཁའ་འགྲོ་སྤྱི་ཡི་དམ་ཚིག་ཏུ། །བདུད་རྩི་ལྔ་དང་ཤ་ལྔ་ལ། །རྟག་ཏུ་ལོངས་སྤྱོད་བྱ་བ་ནི། །བཟའ་བའི་དམ་ཚིག
iiif viewer powered by OpenSeadragon
