| e-texts navigator |
| Wylie |
67b1 གཙོར་བྱེད་སྐྱེས་བུ་ལ། །གསུང་གི་ཕག་མོ་དམར་མོ་བསྟན། །འདོད་ཆགས་ཚུལ་གྱིས་འདོད་ཆགས་འཇོམས། །ཞེ་སྡང་ཅན་གྱི་གང་ཟག་ལ། །ཐུགས་ཀྱི་ཕག་མོ་ནག་མོ་བསྟན། །ཞེ་སྡང་ཚུལ་གྱིས་ཞེ་སྡང་འཇོམས། །ང་རྒྱལ་ཅན་གྱི་གང་ཟག་ལ། །ཡོན་ཏན་ཅན་གྱི
67b2 ཕག་མོ་བསྟན། །ང་རྒྱལ་ཚུལ་གྱིས་ང་རྒྱལ་འཇོམས། །ཕྲག་དོག་ཅན་གྱི་གང་ཟག་ལ། །ཕྲིན་ལས་ཕག་མོ་ལྗང་ཁུ་བསྟན། །ཕྲག་དོག་ཚུལ་གྱིས་ཕྲག་དོག་འཇོམས། །དེ་ནས་དུར་ཁྲོད་བདག་མོ་དེས། །ཧེ་རུ་ཀ་ལ་ཚིག་འདི་གསོལ། །དུག་ལྔ་ཤས་ཆེ་གང་ཟག
67b3 ལ། །འབྲས་བུ་སྐུ་ལྔ་ཇི་ལྟར་ཐོབ། །ཡེ་ཤེས་ལྔ་ནི་ཇི་ལྟར་སྣང་། །རིགས་ལྔ་ཞེས་ནི་གང་ལ་བགྱི། །ཁྲོ་མོ་ལྔ་ནི་ཇི་ལྟར་བསྒོམ། །འཁོར་ལོ་ལྔ་ནི་ཇི་ལྟར་གནས། །སྙིང་པོ་ལྔ་ནི་ཇི་ལྟར་བཟླས། །དམ་ཚིག་ལྔ་ནི་ཇི་ལྟར་བསྲུང་། །ཉམས་མྱོང་ལྔ་ནི་ཇི་ལྟར་འབྱུང་། །
67b4 ཉོན་མོངས་ལྔ་ནི་ཇི་ལྟར་འབྱུང་། །ཡེ་ཤེས་ལྔ་ནི་ཇི་ལྟར་འཕེལ། །གྲངས་ཀྱི་ཚད་ནི་ཇི་ལྟར་བཟླས། །མཚན་མའི་རྟགས་ནི་ཇི་ལྟར་འབྱུང་། །དུས་ཀྱི་ཚད་ནི་ཇི་ལྟར་ལགས། །ལས་ཚོགས་རྣམས་ནི་ཇི་ལྟར་འགྲུབ། །ཅེས་ཞུས་སོ། །དེ་ནས་དཔའ་བོ་ཧེ་རུ་ཀས། །ཐུགས
67b5 རབ་ཏུ་དགྱེས་ཏེ་བརྡའི་ཚིག་འདི་བཀའ་སྩལ་ཏོ། །ཉོན་ཅིག་དུར་ཁྲོད་བདག་མོ་ཁྱོད། །དུག་ལྔ་སྤྱོད་པའི་གང་ཟག་ལྔ། །འབྲས་བུ་རྣམ་པ་ལྔ་ཐོབ་སྟེ། །ཀུན་ལ་ཁྱབ་པ་ཆོས་སྒྲ་དང་། །ཐེག་ཆེན་སྤྱོད་པ་ལོངས་སྐུ་དང་། །གང་ལ་གང་འདུལ་སྤྲུལ་སྐུ་དང་། །ཅིས་ཀྱང་མི་ཤིགས་རྡོ
67b6 རྗེའི་སྐུ། །ངོ་བོ་ཉིད་ཀྱི་སྐུ་མཆོག་དང་། །སྐྱེ་བ་གཅིག་གིས་ཐོབ་པར་འགྱུར། །རྟོགས་པའི་དོན་ལ་གོམས་པར་བྱེད། །ཚེ་འདི་ཉིད་ལ་སངས་རྒྱས་འཐོབ། །རྫོགས་སངས་རྒྱས་ཀྱིས་རྒྱུད་དུ་བཤད། །ཐོབ་བྱའི་ཡེ་ཤེས་རྣམ་ལྔ་ཡང་། །སྤྲོས་བྲལ་ཆོས་དབྱིངས་ཡེ་ཤེས་དང་། །
67b7 མེ་ལོང་ཡེ་ཤེས་གཟུགས་བརྙན་ལྟར། །བདག་གཞན་གཉིས་མེད་མཉམ་པ་ཉིད། །གསལ་ལ་མ་འདྲེས་སོ་སོར་རྟོག་།ཕྲིན་ལས་མཐར་ཕྱིན་བྱ་བ་གྲུབ། །ཡེ་ཤེས་ལྔ་ནི་དེ་ལྟར་སྐྱེ། །གཞན་ནས་མ་ཡིན་རང་ཉིད་ལའོ། །དུག་ལྔ་སྤྱོད་པའི་གང་ཟག་ལྔ། །རིགས་ནི་རྣམ་པ་ལྔ
iiif viewer powered by OpenSeadragon
