| e-texts navigator |
| Wylie |
67a1 དེ་ནས་དུར་ཁྲོད་ཕག་མོ་དེས། །ཧེ་རུ་ཀ་ལ་འདི་སྐད་ཞུས། །སངས་རྒྱས་ཐོབ་བྱེད་འབྲས་བུའི་ཆོས། །བསམ་གྱིས་མི་ཁྱབ་བཤད་དུ་གསོལ། །དབང་པོ་རབ་འབྲིང་ཐ་མ་གསུམ། །གང་དང་གང་གིས་གྲོལ་བ་ལགས། །དུག་ལྔ་སྤྱོད་པའི་གང
67a2 ཟག་ལྔ། །གང་དང་གང་གིས་འཇོམས་པར་བྱེད། །དེ་ནས་སྟོན་པས་བཀའ་སྩལ་ཏེ། །ཉོན་ཅིག་དུར་ཁྲོད་བདག་མོ་ཁྱོད། །དབང་པོ་རབ་ཀྱི་གང་ཟག་ལ། །རང་བཞིན་རྣམ་དག་ཕག་མོ་བསྟན། །དབང་པོ་འབྲིང་གི་གང་ཟག་ལ། །བརྗོད་པ་སྒྲ་ཡི་ཕག་མོ
67a3 བསྟན། །དབང་པོ་ཐ་མའི་གང་ཟག་ལ། །མཚོན་པ་བརྡ་ཡི་ཕག་མོ་བསྟན། །ཞེས་བཀའ་སྩལ་ཏོ། །དེ་ནས་དུར་ཁྲོད་བདག་མོ་དེས། །སྟོན་པ་ལ་ནི་ཚིག་འདི་གསོལ། །རང་བཞིན་རྣམ་པར་དག་པ་ཡི། །རྡོ་རྗེ་ཕག་མོ་ཇི་ལྟ་བུ། །སྒྲ་ཡི་ཕག་མོ་ཇི་ལྟ
67a4 བུ། །དབྱིབས་ཀྱི་ཕག་མོ་ཇི་ལྟ་བུ། །ཞེས་པ་ལ་སོགས་པ་ཞུས་སོ། །ཉོན་ཅིག་དུར་ཁྲོད་བདག་མོ་ཁྱོད། །རང་བཞིན་ཉིད་ནས་དག་པ་དེ། །ཆོས་ཀྱི་སྐུ་ཡི་ངོ་བོ་ཉིད། །སྐད་ཅིག་དྲུག་གིས་རྫོགས་སངས་རྒྱས། །གྲོལ་འགྱུར་འདི་ལ་ཐེ་ཚོམ་མེད། །
67a5 བརྗོད་པ་སྒྲ་ཡི་ཕག་མོ་དེ། །ལོངས་སྤྱོད་སྒྲ་ཡི་ངོ་བོ་ཉིད། །ལོངས་སྤྱོད་རྫོགས་སྐུའི་ངོ་བོ་ཉིད། །ཟླ་དྲུག་གོམས་པའི་སྦྱོར་བ་ཡིས། །འགྲུབ་འགྱུར་འདི་ལ་ཐེ་ཚོམ་མེད། །མཚོན་པ་བརྡ་ཡི་ཕག་མོ་དེ། །སྤྲུལ་པ་སྐུ་ཡི་ངོ་བོ་ཉིད། །ཟླ་དྲུག་གོམས་པའི་སྦྱོར་བ་ཡིས། །
67a6 འགྲུབ་འགྱུར་འདི་ལ་ཐེ་ཚོམ་མེད། །ཅེས་བཀའ་སྩལ་ཏོ། །དེ་ནས་དུར་ཁྲོད་བདག་མོ་དེས། །དཔའ་བོ་ཆེ་ལ་ཡང་ཞུས་པ། །གང་ཟག་རིགས་ལ་ལྔ་ཡོད་དེ། །གཏི་མུག་ཅན་གྱི་གང་ཟག་དང་། །ཞེ་སྡང་ཅན་གྱི་གང་ཟག་དང་། །འདོད་པ་གཙོར་བྱེད་གང་ཟག་དང་། །ང་རྒྱལ
67a7 ཅན་གྱི་གང་ཟག་དང་། །ཕྲག་དོག་ཅན་གྱི་གང་ཟག་ལྔ། །དེ་རྣམས་གང་དང་གང་གིས་གྲོལ། །ཞེས་ཞུས་སོ། །དེ་ནས་སྟོན་པས་བཀའ་སྩལ་ཏེ། །གཏི་མུག་ཅན་གྱི་གང་ཟག་ལ། །སྐུ་ཡི་ཕག་མོ་དཀར་མོ་བསྟན། །གཏི་མུག་ཚུལ་གྱིས་གཏི་མུག་འཇོམས། །འདོད་པ
iiif viewer powered by OpenSeadragon
