| e-texts navigator |
| Wylie |
66b1 དབང་བསྐུར་ཏེ། །གསུམ་པའི་དབང་རྣམས་རྫོགས་པར་བསྐུར། །དཀྱིལ་འཁོར་དེ་ཡི་བྱང་སྒོ་རུ། །ཕྲིན་ལས་རྣམ་བཞིའི་མཎྜལ་བྲི། །སྐལ་ལྡན་སློབ་མ་དེར་བཞག་ལ། །བཞི་པའི་དབང་རྣམས་རྫོགས་པར་བསྐུར། །དཀྱིལ་འཁོར་དེ་ཡི་ཕོ་བྲང་དུ། །སེང་ཆེན
66b2 བསྣོལ་བའི་ཁྲི་སྟེངས་སུ། །སྐལ་ལྡན་སློབ་མ་དེར་བཞག་ལ། །རྡོ་རྗེ་སློབ་དཔོན་བྱེད་པའི་དབང་། །ཆོ་ག་ཐམས་ཅད་རྫོགས་པར་བསྐུར། །སྐུ་གསུང་ཐུགས་ཀྱི་དབང་གསུམ་པོ། །ཐོག་མ་ཉིད་དུ་བསྐུར་བར་བྱ། །དེ་ནས་དུར་ཁྲོད་བརྒྱད་རྣམས་ཀྱིས། །དབང་ནི
66b3 རྣམ་པ་བརྒྱད་པོ་བསྐུར། །དེ་ནས་ཟས་རྣམས་བདུད་རྩིའི་དབང་། །ཇི་ལྟ་བར་ནི་བསྐུར་བར་བྱ། །དེ་ནས་ཕྱག་མཚན་རྣམས་ཀྱི་དབང་། །བཞིན་དུ་བསྐུར་བར་བྱ། །དེ་ནས་ཉན་པའི་དབང་རྣམས་བསྐུར། །དེ་ནས་བཤད་པའི་དབང་རྣམས་བསྐུར། །དེ་ནས
66b4 སྐལ་ལྡན་གང་ཟག་ལ། །མངའ་གསོལ་སུམ་ཅུ་རྩ་ལྔ་བྱ། །དེ་ནས་བཀྲ་ཤིས་རྫས་བརྒྱད་ཀྱིས། །དབང་རྣམས་མ་ལུས་རྫོགས་པར་བསྐུར། །དེ་ནས་དབང་རྫོགས་གང་ཟག་དེ། །བདེར་གཤེགས་རྣམས་ཀྱི་སྲས་ཡིན་ཏེ། །མཁྱེན་རབ་བདེ་གཤེགས་རྣམས་དང
66b5 མཉམ། །མཐུ་སྟོབས་ཁྲོ་རྒྱལ་རྣམས་དང་མཉམ། །ཚེ་ཚད་ཉི་ཟླ་གཉིས་དང་མཉམ། །དང་པོ་ལས་ཅན་སྦྱོར་བ་ཡིས། །ས་བརྒྱད་པ་ལ་རབ་ཏུ་གནས། །དབང་བསྐུར་གནང་བ་མ་ཐོབ་ན། །རིག་པ་ཤེས་རབ་རྩལ་རྫོགས་ཀྱང་། །སློབ་དཔོན་བྱ་བ་ཡོང་མི་ནུས། །དབང
66b6 བསྐུར་གནང་བ་མ་མཐོང་ན། །གཞན་གྱི་ཡོན་ཏན་ཀུན་འཆང་ཡང་། །འཁོར་ལོ་སྲོག་ཤིང་མེད་པ་འདྲ། །དབང་མ་ཐོབ་པར་ལས་རྩོམ་དང་། །སྒྱིད་མ་མ་རྟས་ཁལ་འགེལ་བ། །འདི་དག་ཕུང་པོའི་རྒྱུ་ཡིན་ནོ། །སློབ་དཔོན་མཉེས་པར་མ་བྱས་ཤིང་། །དབང་རྣམས
66b7 ཐོབ་པར་མ་བྱས་ན། །ཉན་པ་ལ་སོགས་རྩོམ་པ་ནི། །འབྲས་བུ་མེད་ཅིང་བརླག་པར་འགྱུར། །མཁའ་འགྲོ་མ་ཐམས་ཅད་ཀྱི་ཐུགས་གཉིས་སུ་མེད་པའི་ཡེ་ཤེས་བསམ་གྱིས་མི་ཁྱབ་པ་ཕག་མོ་མངོན་པར་འབྱུང་བའི་རྒྱུད་ལས་དབང་བསྐུར་བའི་ལེའུ་སྟེ་བདུན་པའོ།། །།
iiif viewer powered by OpenSeadragon
