| e-texts navigator |
| Wylie |
66a1 བགྱི། །དེ་ཡི་དབྱེ་བ་བཤད་དུ་གསོལ། །ཞེས་ཞུས་སོ། །དེ་ནས་སྟོན་པས་བཀའ་སྩལ་པ། །ཉོན་ཅིག་དུར་ཁྲོད་བདག་མོ་ཁྱོད། །འཁོར་བའི་སེམས་ཅན་ཐམས་ཅད་ལ། །དེ་ཉིད་ཡོད་དེ་སྨིན་ལམ་མེད། །དེས་ན་འབྲས་བུ་ཐོབ་མི་འགྱུར། །
66a2 ལམ་ལོག་མུ་སྟེགས་བྱེད་རྣམས་ལ། །དེ་ཉིད་ཡོད་དེ་སྨིན་ལམ་མེད། །དེས་ན་འབྲས་བུ་ཐོབ་མི་འགྱུར། །དམན་པ་ཉན་ཐོས་རང་རྒྱལ་ལ། །དེ་ཉིད་ཡོད་དེ་སྨིན་ལམ་མེད། །དེ་ཕྱིར་བསྐལ་པ་གྲངས་མེད་དུ། །དཀའ་ཐུབ་སྤྱོད་པ་ཉོན་རེ་མོངས། །མ་སྨིན་མདོ
66a3 སྡེར་ཞུགས་རྣམས་ལ། །དེ་ཉིད་ཡོད་དེ་སྨིན་ལམ་མེད། །དེས་ན་ཚེ་གཅིག་སངས་རྒྱས་དཀའ། །ཞེས་སོ། །དེ་ནས་དུར་ཁྲོད་བདག་མོ་དེས་ཡང་ཞུས་པ། སྨིན་ཞེས་བྱ་བ་གང་ལ་བགྱི། །ལམ་ཞེས་བྱ་བ་ཇི་ལྟར་ལགས། །དཔའ་བོ་ཆེན་པོས་བཤད་དུ
66a4 གསོལ། །ཉོན་ཅིག་དུར་ཁྲོད་བདག་མོ་ཁྱོད། །སྨིན་ཞེས་བྱ་བ་ནི་སང་དྷའི་སྒྲ་ལས་ཤེས་པར་བྱའོ། །ལམ་ཞེས་བྱ་བའི་སྒྲ་ནི་ཨ་ཐ་མི་ཐའི་སྒྲ་ལས་ཤེས་པར་བྱ། འཇིག་རྟེན་པའི་ལམ་དང་སྦྱར་རོ། །ལུས་དང་ངག་དང་སེམས་དང་གསུམ། །མ་སྨིན་སྨིན་པར
66a5 བྱེད་པའི་ཐབས། །དབང་བསྐུར་ཆོ་ག་ཇི་སྙེད་བསྟན། །དང་པོ་བསྙེན་པ་བྱ་བ་གཅེས། །གྲངས་དང་དུས་དང་མཚན་མ་ཡི། །བསྙེན་པ་རྣམ་གསུམ་རྫོགས་བྱས་ནས། །ས་ཆོག་སྟ་གོན་ཚུལ་བཞིན་བྱ། །དང་པོ་ས་གཞི་ཡོངས་སུ་གཟུང་། །གཉིས་པ་སྟ་གོན
66a6 གནས་པ་སྟེ། །ནུབ་གསུམ་པ་ལ་འཇུག་པར་བྱ། །རྒྱུད་རྣམས་གཞན་དུ་ཤེས་པར་བྱ། །དེ་ནས་དཀྱིལ་འཁོར་ཤར་གྱི་སྒོར། །བ་ཡི་རྣམ་ལྔའི་མཎྜལ་བྲི། །སྐལ་ལྡན་སློབ་མ་དེར་བཞག་ལ། །བུམ་པའི་དབང་རྣམས་རྫོགས་པར་བསྐུར། །དཀྱིལ་འཁོར་དེ
66a7 ཡི་ལྷོའི་སྒོ་རུ། །བདུད་རྩི་ལྔ་ཡི་མཎྜལ་བྱ། །སྐལ་ལྡན་སློབ་མ་དེར་བཞག་ལ། །གསང་བའི་དབང་རྣམས་རྫོགས་པར་བསྐུར། །དཀྱིལ་འཁོར་དེ་ཡི་ནུབ་སྒོ་རུ། །དལ་གྱི་ཆོས་འབྱུང་ཨེ་དབྱིབས་བྲི། །སྐལ་ལྡན་སློབ་མ་དེར་བཞག་ལ། །ཤེས་རབ་ཡེ་ཤེས
iiif viewer powered by OpenSeadragon
