| e-texts navigator |
| Wylie |
65a1 པས། །དོན་དུ་ལྟོ་བ་བསྟན་ནས་ནི། །ནི་གར་མ་ཞེས་བརྗོད་པར་བྱ། །དེ་རྣམས་ཕན་ཡོན་དཔག་མེད་པས། །སྙིང་པོ་རྒྱུད་དུ་གསལ་བར་བསྟན། །བརྡ་དང་ལྡན་པའི་རྣལ་འབྱོར་བས། །བདུད་རྩི་རྣམ་པ་ལྔ་པོ་ལ། །ལོངས་སྤྱོད་པ་ནི་ཐབས་ཀྱི
65a2 མཆོག། །བྱིན་གྱིས་བརླབས་དང་ས་བོན་དང་། །རང་བཞིན་བདུད་རྩི་ལ་འབད་པས། །དཔག་མེད་རིམ་གྱིས་ཕན་ཡོན་འབྱུང་། །དེ་ནས་གཞན་ཡང་བཤད་བྱ་སྟེ། །ལྔ་བསྡུས་རྩེ་མོ་མནན་པ་ནི། །བུམ་པའི་དབང་སྟེ་ལུས་ཀྱི་བརྡ། །མཐེབ་སྲིན་ཨེ་ཡི་དྲང་རོ
65a3 གཅིག། །གསང་བའི་དབང་སྟེ་ལུས་ཀྱི་བརྡ། །བྱང་ཆུབ་མཆོག་གི་ཕྱག་རྒྱ་ནི། །གསུམ་པ་ཤེས་རབ་ཡེ་ཤེས་ཡིན། །སྐྱེས་དང་མ་སྐྱེས་གཉིས་མེད་པས། །བཞི་པ་ཡིན་ཏེ་ལུས་ཀྱི་བརྡ། །དེ་ཡི་ངག་གི་བརྡ་སྨྲས་པ། །ཀ་ལ་ཤ་ཡ་བུམ་པའི་དབང་། །ཡ་ར་ལ་ཝ་གསང
65a4 པའི་བརྡའོ། །ེ་བཾ་མ་ཡཱ་གསུམ་པའི་བརྡའོ། །ེ་ཧཱུ~ཾ་ཨོ~ཾ་ཨཱཿབཞི་པའོ། །མཁའ་འགྲོ་མ་ཐམས་ཅད་ཀྱི་ཐུགས་གཉིས་སུ་མེད་པའི་ཡེ་ཤེས་བསམ་གྱིས་མི་ཁྱབ་པ་ཕག་མོ་མངོན་པར་འབྱུང་བའི་རྒྱུད་ལས་བརྡའི་ལེའུ་སྟེ་དྲུག་པའོ།། །།དེ་ནས་དུར་ཁྲོད་བདག་མོ
65a5 དེས། སྟོན་པ་མཚན་ཉིད་བཞི་དང་ལྡན་པ་དེ་ལ་ཕྱིའི་མཆོད་པའི་ཚོགས་དཔག་ཏུ་མེད་པ་དང་། ནང་གི་མཆོད་པའི་ཚོགས་དཔག་ཏུ་མེད་པ་དང་། གསང་བའི་མཆོད་པའི་ཚོགས་དཔག་ཏུ་མེད་པ་དང་། དེ་ཁོ་ན་ཉིད་ཀྱི་མཆོད་པ་ཕུལ་ནས་འདི་སྐད་ཞུས་སོ། །བླ་མེད་སྟོན་པ་ཧེ་རུ
65a6 ཀ། །འཁོར་བའི་སེམས་ཅན་འདྲེན་མཛད་པ། །ཐུགས་རྗེ་ཆེ་དང་ལྡན་པ་ཁྱོད། །ནད་པ་ལྟ་བུའི་སེམས་ཅན་ལ། །ཆོས་ཀྱི་སྨན་མཆོག་བསྟན་དུ་གསོལ། །ལོང་བ་ལྟ་བུའི་སེམས་ཅན་ལ། །ཆོས་ཀྱི་སྒྲོན་མེ་སྦར་དུ་གསོལ། །རྒྱལ་པོ་ལྟ་བུའི་སྟོན་པ་ཁྱོད། །ཀུན་ལ་བྱམས་པ་མཛད
65a7 དུ་གསོལ། །བློན་པོ་ལྟ་བུའི་སྟོན་པ་ཁྱོད། །ཀུན་ལ་ཕན་པ་མཛད་དུ་གསོལ། །ཞེས་ཞུས་སོ། །དེ་ནས་སྟོན་པ་འཇིགས་བྱེད་ཧེ་རུ་ཀ་དེ་ཐུགས་རབ་ཏུ་དགྱེས་ཏེ། སྐུའི་སྒོ་ནས་མཛེས་གར་རྣམ་པ་གསུམ་མཛད། གསུང་གི་སྒོ་ནས་རྡོ་རྗེའི་ཚིག་རྣམ་པ་གསུམ་མཛད། ཐུགས་ཀྱི་སྒོ
iiif viewer powered by OpenSeadragon
