| e-texts navigator |
| Wylie |
64a1 ལྟར། །ཐོགས་པ་མེད་པ་ཕྱག་རྒྱ་ཆེན་པོ་དེ། །སྐྱེ་བ་འདི་ལ་སངས་རྒྱས་ས་ལ་རེག་།ཅེས་གསུངས་སོ། །མཁའ་འགྲོ་མ་ཐམས་ཅད་ཀྱི་ཐུགས་གཉིས་སུ་མེད་པའི་ཡེ་ཤེས་བསམ་གྱིས་མི་ཁྱབ་པ་ཕག་མོ་མངོན་པར་འབྱུང་བའི་རྒྱུད་ལས་སྤྱོད་པའི་རབ
64a2 ཏུ་དབྱེ་བའི་ལེའུ་སྟེ་ལྔ་པའོ། ། །།དེ་ནས་དུར་ཁྲོད་བདག་མོ་དེས། །སྟོན་པ་ལ་ནི་འདི་སྐད་གསོལ། །ཡང་དག་བརྡ་ནི་བརྡ་ཆེན་པོ། །ཀུན་གྱིས་མི་རྟོག་སྦས་པའི་དོན། །བར་ཆད་སེལ་བ་བརྡ་ཡི་ཆོས། །བསམ་གྱིས་མི་ཁྱབ་བཤད་དུ་གསོལ། །དེ་ནས་སྟོན་པས
64a3 བཀའ་སྩལ་པ། །སྣང་བ་ཐམས་ཅད་ལས་ཀྱི་བརྡ། །ཚིག་ནི་ཇི་སྙེད་ངག་གི་བརྡ། །དེ་ལ་བསམ་གྱིས་མི་ཁྱབ་གནས། །དོན་གྱི་བརྡ་རུ་ཤེས་པར་བྱ། །དེ་ནས་དུར་ཁྲོད་བདག་མོས་ཡང་ཞུས་པ། །གང་ཟག་འཇུག་པའི་རིམ་པ་དང་། །དཔའ་བོ་བརྟག་པའི་རིམ་པ་དང་། །
64a4 ཕྱག་རྒྱ་མོ་ཡི་བརྟག་པ་དང་། །མཆོག་དང་ཐུན་མོང་དངོས་གྲུབ་དང་། །ཚོགས་ཀྱི་འཁོར་ལོའི་དུས་དག་དང་། །རྣལ་འབྱོར་ཕག་མོ་རྫོགས་བྱེད་དང་། །བརྡ་ཡི་བྱེ་བྲག་ཇི་སྙེད་པ། །འགྲོ་མགོན་ཁྱེད་ཀྱིས་བཤད་དུ་གསོལ། །མགོན་པོ་དཔའ་བོས་བཀའ་སྩལ་པ། །ཐམས
64a5 ཅད་ཀུན་གྱི་བརྡ་ཆེན་པོ། །སྦས་པའི་བརྡ་ནི་བཤད་བྱ་བ། །གཡས་པ་ཐབས་ཀྱི་རང་བཞིན་དང་། །གཡོན་པ་ཤེས་རབ་རང་བཞིན་དང་། །ལུས་ཀྱི་བརྡ་རྣམས་རྫོགས་པར་བྱ། །མི་རྟོག་སྒོམ་པ་སྟོན་པ་ལ། །ལག་པ་གཡོན་པ་བསྟན་པ་ནི། །ས་རོ་ཞེས་ནི་བརྗོད་པར་བྱ། །
64a6 རྐང་པ་གྲོང་ཁྱེར་ས་བགྲོད་པས། །སྤྱོད་པ་ཉམས་མྱོང་གིས་འགྲོ་བ། །གོ་བའི་ཕྱིར་ནས་རྐང་བསྟན་ཏེ། ། གྷུ་ལ་ཞེས་བརྗོད་པར་བྱ། །སྲིན་ལག་མཁའ་འགྲོ་མ་ཡི་རྩ། །དེ་ཡི་ཕྱིར་ན་དེ་བསྟན་ཏེ། །ཤེས་རབ་ཆེན་པོར་གོ་བྱའི་ཕྱིར། །བྷ་ཏ་རི་ཞེས་བརྗོད་པར་བྱ། །ལྕེ
64a7 ཡིས་ཟས་ཀྱི་རོ་མྱོང་ལྟར། །སྟོང་པས་བདེ་བ་མྱོང་བསྟན་ཕྱིར། །ལྕེ་བསྟན་ཙརྱ་གྷ་ཞེས་བརྗོད། །སྐལ་བར་ལྡན་པའི་བདག་ཉིད་ནི། །ཡུལ་ལ་རིག་པར་བྱ་བའི་ཕྱིར། །ལྟོ་བ་ཟས་ཀྱི་སྣོད་བསྟན་པ། །ན་དྷ་ལི་ཞེས་བརྗོད་པར་བྱ། །ལྟོ་བ་ཟས་ཀྱི་སྣོད་ཡིན་ཕྱིར། །དེ
iiif viewer powered by OpenSeadragon
