| e-texts navigator |
| Wylie |
62a1 མཆོག། །བྱང་ཆུབ་སེམས་དེ་ལྗང་ཁུར་ཤར། །དེ་ནས་ཡང་གསང་བའི་ཚིག་གསུངས་ཏེ། །དུས་གསུམ་སྣང་བ་ལྟ་བའི་མཆོག་།རྣམ་པར་སྣང་མཛད་ལྟ་བུར་ཤར། །ཆོས་ཉིད་དོན་ལ་རྟག་སེམས་པས། །རྡོ་རྗེ་སེམས་དཔའ་ལྟ་བུར་ཤར། །ཐམས་ཅད
62a2 མཉམ་པ་ཉིད་རྟོགས་པས། །རིན་ཆེན་འབྱུང་ལྡན་ལྟ་བུར་ཤར། །ཆོས་ཅན་སོ་སོར་མ་འདྲེས་པས། །སྣང་བ་མཐའ་ཡས་ལྟ་བུར་ཤར། །སྣ་ཚོགས་སྣང་ལ་མ་འདྲེས་པས། །དོན་ཡོད་གྲུབ་པ་ལྟ་བུར་ཤར། །ཞེས་པ་གསུངས་སོ། །མཁའ་འགྲོ་མ་ཐམས་ཅད་ཀྱི་ཐུགས
62a3 གཉིས་སུ་མེད་པའི་ཡེ་ཤེས་བསམ་གྱིས་མི་ཁྱབ་པ་ཕག་མོ་མངོན་པར་འབྱུང་བའི་རྒྱུད་ལས་ལྟ་བ་བསྟན་པའི་ལེའུ་སྟེ་གསུམ་པའོ། ། །།དེ་ནས་དུར་ཁྲོད་བདག་མོ་དེས། །སྟོན་པ་ལ་ནི་འདི་སྐད་ཞུས། །རྟོགས་པ་ལྟ་བའི་རྗེས་ཐོགས་ལ། །བསྒོམ་པའི་ཇི་ལྟ
62a4 བུ། །ཞེས་ཞུས་པས། དེ་ནས་སྟོན་པས་བཀའ་སྩལ་པ། །སངས་རྒྱས་ཐོབ་པར་འདོད་པ་ཡིས། །རྟོགས་པའི་དོན་གོ་བསྒོམས་ལས་བྱུང་། །གཞན་དུ་འབྲས་བུ་འབྱུང་མི་འགྱུར། །སྣ་ཚོགས་སྣང་བའི་ཆོས་རྣམས་ཀུན། །ཡེ་ནས་སྤྲོས་དང་བྲལ་བ་ལ། །རྟག་པར་འཛིན
62a5 པ་བསྒོམ་པའི་སྐྱོན། །ཕྱི་དང་ནང་གི་ཆོས་ཉིད་ལ། །ཆད་པར་འཛིན་པ་བསྒོམ་པའི་སྐྱོན། །འོ་ན་ཇི་ལྟར་བསྒོམ་ཞེ་ན། །ལམ་མེད་ལམ་གོལ་དམན་པའི་ལམ། །འདི་རྣམས་སྤངས་ཏེ་བསྒོམ་པར་བྱ། །དང་པོ་བྱང་ཆུབ་སེམས་བསྐྱེད་དེ། །སྨོན་འཇུག་གཉིས་པོ་སྔོན་དུ
62a6 གཅེས། །གཟུང་བ་ཡུལ་མེད་སྒོམ་པའི་མཆོག་།ཆོས་ཀྱི་བདག་མེད་རྟོགས་པར་བྱ། །འཛིན་པའི་སེམས་མེ་སྒོམ་པའི་མཆོག་།གང་ཟག་བདག་མེད་རྟོགས་པར་བྱ། །ཆོས་རྣམས་གང་ཡིན་མི་འགེགས་པས། །ཐབས་ཀྱི་ལམ་དུ་ཤེས་པར་བྱ། །ངོ་བོ་ཅི་ཡང་མ་གྲུབ
62a7 པས། །ཤེས་རབ་ལམ་དུ་ཤེས་པར་བྱ། །ཆོས་རྣམས་རྒྱུ་མེད་སྒོམ་པའི་མཆོག་།སྟོང་པ་ཉིད་ཀྱི་རྣམ་ཐར་ཡིན། །འབྲས་བུ་སྟོང་པ་སྒོམ་པའི་མཆོག་།མཚན་མེད་པ་ཡི་རྣམ་ཐར་ཡིན། །རྒྱུ་འབྲས་དབྱེར་མེད་སྒོམ་པའི་མཆོག་།སྨོན་པ་མེད་པའི་རྣམ་ཐར་ཡིན། །ཀུན་ལ
iiif viewer powered by OpenSeadragon
