| e-texts navigator |
| Wylie |
61a1 མགོན་པོ་དཔའ་བོ་འཇིགས་བྱེད་ཧེ་རུ་ཀ་ལ་འདི་སྐད་ཅེས་གསོལ་ཏོ། །ཀྱེ་ཀྱེ་མགོན་པོ་བདག་ལ་གསོན། །ཁྱེད་ཀྱི་འཁོར་དུ་འདུས་པ་ཡི། །སྐལ་དང་ལྡན་པ་འདི་རྣམས་ལ། །ལམ་ལོག་མུ་སྟེགས་མ་ལགས་པའི། །དམན་པ་ཉན་ཐོས་མ་ལགས་པའི། །
61a2 མ་སྨིན་མཚན་ཉིད་མ་ལགས་པའི། །བསམ་གྱིས་མི་ཁྱབ་ཆོས་ཅིག་ཞུ། །ཕྱོགས་རིས་མེད་པ་ལྟ་བའི་མཆོག་།བསམ་གྱིས་མི་ཁྱབ་བཤད་དུ་གསོལ། །དགག་སྒྲུབ་མེད་པ་སྤྱོད་པའི་མཆོག་།བསམ་གྱིས་མི་ཁྱབ་བཤད་དུ་གསོལ། །བར་ཆོད་སེལ་བ་བརྡ་ཡི་མཆོག་།བསམ
61a3 གྱིས་མི་ཁྱབ་བཤད་དུ་གསོལ། །སྨིན་པར་བྱེད་པ་དབང་གི་མཆོག་།བསམ་གྱིས་མི་ཁྱབ་བཤད་དུ་གསོལ། །སངས་རྒྱས་ཐོབ་བྱེད་འབྲས་བུའི་མཆོག་།ཡེ་ཤེས་ལྔ་ཡི་གཟུགས་བརྙན་ཏེ། །བསམ་གྱིས་མི་ཁྱབ་བཤད་དུ་གསོལ། །རྣམ་རྟོག་སེལ་བྱེད་རྣམ་རྒྱལ་ལྔ། །བསམ
61a4 གྱིས་མི་ཁྱབ་བཤད་དུ་གསོལ། །མཁའ་འགྲོ་མ་ཐམས་ཅད་ཀྱི་ཐུགས་གཉིས་སུ་མེད་པའི་ཡེ་ཤེས་བསམ་གྱིས་མི་ཁྱབ་པ་ཕག་མོ་མངོན་པར་འབྱུང་བ་ཞེས་བྱ་བ་ལས། གླེང་གཞིའི་ལེའུ་སྟེ་དང་པོའོ།། །།དེ་ནས་མགོན་པོ་དེས་སྤྱན་ཕྱོགས་མཚམས་ཀུན་ལ་གཟིགས་ནས་ཞལ
61a5 རྡོ་རྗེའི་མགུར་འཛུམ་པ་མཛད་ནས་བཀའ་སྩལ་པ་ནི། ཨེ་མ་ཧོ། ཉོན་ཅིག་དུར་ཁྲོད་བདག་མོ་ཁྱོད། །དུས་འདིར་ཚོགས་པའི་འཁོར་རྣམས་ལ། །མངོན་པར་འབྱུང་བའི་རྒྱུད་བཤད་ཀྱིས། །ཁ་སྦུབ་ཞབས་རྡོལ་དྲི་མ་ཅན། །སྣོད་སྐྱོན་གསུམ་པོ་སྤང་བྱས་ལ། །རྩེ་གཅིག་སེམས
61a6 ཀྱིས་མཉན་པར་གྱིས། །ཕྱོགས་རིས་མེད་པའི་ལྟ་བ་དེ། །གཉུག་མའི་སེམས་ཀྱིས་བལྟ་བར་གྱིས། །དམིགས་གཏད་མེད་པའི་སྒོམ་པ་ནི། །གཉུག་མའི་ཡིད་ཀྱིས་བསྒོམ་པར་བྱ། །དགག་སྒྲུབ་མེད་པ་སྤྱོད་པའི་མཆོག་།གཉུག་མའི་ཡིད་ཀྱིས་སྤྱད་པར་བྱ། །བར་ཆོད་སེལ
61a7 བ་བརྡ་ཡི་ཆོས། །གཉུག་མའི་ཡིད་ཀྱིས་བསལ་བར་བྱ། །སྨིན་པར་བྱེད་པ་དབང་གི་མཆོག་།གཉུག་མའི་སེམས་ཀྱིས་བསྐུར་བར་བྱ། །ཚེ་གཅིག་འབྲས་བུ་སངས་རྒྱས་དེ། །གཉུག་མའི་སེམས་ཀྱིས་བསྒྲུབ་པར་བྱ། །ཡེ་ཤེས་ལྔ་ཡི་གཟུགས་བརྙན་དེ། །མ་བཅོས་སེམས
iiif viewer powered by OpenSeadragon
