| e-texts navigator |
| Wylie |
60b1 @##། །རྒྱ་གར་སྐད་དུ། ཌཱ་ཀི་ནཱི་སརྦ་ཙིཏྟ་ཨ་དྭ་ཡ་ཨ་ཙིཏྟ་ཛྙཱ་ན་བཛྲ་བཱ་རཱ་ཧི་ཨ་བྷི་བྷ་བ་ཏནྟྲ་རཱ་ཛ་ནཱ་མ། བོད་སྐད་དུ། མཁའ་འགྲོ་མ་ཐམས་ཅད་ཀྱི་ཐུགས་གཉིས་སུ་མེད་པ་བསམ་གྱིས་མི་ཁྱབ་པའི་ཡེ་ཤེས་རྡོ་རྗེ་ཕག་མོ་མངོན་པར་འབྱུང་བའི་རྒྱུད་ཀྱི་རྒྱལ་པོ
60b2 ཞེས་བྱ་བ། མགོན་པོ་དཔའ་བོ་འཇིགས་བྱེད་དཔལ་ཧེ་རུ་ཀ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། ཕྱི་དང་ནང་དང་གསང་བའི་དུར་ཁྲོད་ཆེན་པོའི་གནས་མཆོག་ཏུ་གྱུར་པ་ན། བཅོམ་ལྡན་འདས་ཞེ་སྡང་འཇོམས་པའི་ཧེ་རུ་ཀ་དང་། གཏི་མུག
60b3 འཇོམས་པའི་ཧེ་རུ་ཀ་དང་། ང་རྒྱལ་འཇོམས་པའི་ཧེ་རུ་ཀ་དང་། །འདོད་ཆགས་འཇོམས་པའི་ཧེ་རུ་ཀ་དང་། ཕྲག་དོག་འཇོམས་པའི་ཧེ་རུ་ཀ་དང་། ཡུམ་སངས་རྒྱས་སྤྱན་དང་། ཡུམ་མཱ་མ་ཀཱི་དང་། ཡུམ་གོས་དཀར་མོ་དང་། ཡུམ་དམ་ཚིག་སྒྲོལ་མ་དང་། ཡུམ་ཀུན་ཏུ
60b4 བཟང་མོ་དང་། དེ་རྣམས་ཀྱི་བྷ་ག་ལ་ལྷན་ཅིག་སྐྱེས་པའི་ཡེ་ཤེས་བསམ་གྱིས་མི་ཁྱབ་པའི་ཚུལ་དུ་བཞུགས་སོ། །དེའི་ཚེ་དེའི་དུས་ན་ཡེ་ཤེས་ཀྱི་མཁའ་འགྲོ་མ་དུར་ཁྲོད་ཀྱི་བདག་མོ་དང་། ཁྲོས་མ་ནག་མོ་དང་། བདེ་ཆེན་དཀར་མོ་དང་། སེར་མོ་དོན་གྲུབ་མ་དང་། དམར་མོ་སྒྲ་སྒྲོག
60b5 མ་དང་། སྣ་ཚོགས་མཐར་ཕྱིན་མ་དང་། ལས་ཀྱི་གཙོ་མོ་ལ་སོགས་པའི་ཡེ་ཤེས་དང་། ལས་ལས་གྲུབ་པའི་མཁའ་འགྲོ་མའི་ཚོགས་དཔག་ཏུ་མེད་པ་དང་། གཞན་ཡང་བཛྲ་ཌཱ་ཀི་ནཱི་དང་། རཏྣ་ཌཱ་ཀི་ནཱི་དང་། པདྨ་ཌཱ་ཀི་ནཱི་དང་། །ཀརྨ་ཌཱ་ཀི་ནཱི་དང་། ས་མ་ཡ་ཌཱ་ཀི་ནཱི་དང་། བི་ཤྭ
60b6 ཌཱ་ཀི་ནཱི་དང་། སརྦ་ཌཱ་ཀི་ནཱི་དང་། ལོ་ཀ་ཌཱ་ཀི་ནཱི་ལ་སོགས་ཏེ་དུར་ཁྲོད་བརྒྱད་ཀྱི་མཁའ་འགྲོ་མ་དང་། དཔའ་བོ་དང་དཔའ་མོའི་ཚོགས་དཔག་ཏུ་མེད་པ་དང་། གཞན་ཡང་འཇིག་རྟེན་པའི་མེས་པོ་ཚངས་པ་དང་། བརྒྱ་བྱིན་ལ་སོགས་པའི་ལྷའི་ཚོགས་དཔག་ཏུ་མེད་པ་དང་། གཞན་ཡང
60b7 རྒྱལ་པོ་ཆེན་པོ་བཞི་པོ་རང་གི་འཁོར་དང་བཅས་པ་དང་། ཕྱོགས་སྐྱོང་བ་བཅུ་དང་། ལྷ་མ་སྲིན་སྡེ་བརྒྱད་དང་། འཁོར་དཔག་ཏུ་མེད་པ་དང་ཐབས་ཅིག་པའི་ཚུལ་གྱིས་གནས་སོ། །ཡང་དེའི་ཚེ་ན་ཡེ་ཤེས་ཀྱི་མཁའ་འགྲོ་མ་དུར་ཁྲོད་ཀྱི་བདག་མོ་ཞེས་བྱ་བ་རང་གི་སྟན་ལས་ལངས་ནས
iiif viewer powered by OpenSeadragon
