| e-texts navigator |
| Wylie |
59b1 ངེ་འཛིན་ནི་བཅོམ་ལྡན་འདས་མ་རྡོ་རྗེ་ཕག་མོའོ། །དགེ་བའི་ཆོས་མ་སྐྱེས་པ་རྣམས་སྐྱེད་པར་བྱེད་པ་ནི་གཤིན་རྗེ་བརྟན་མའོ། །དགེ་བའི་ཆོས་སྐྱེས་པ་རྣམས་རྗེས་སུ་གནས་པ་དང་སྲུང་བར་བྱེད་པ་ནི་གཤིན་རྗེའི་ཕོ་ཉ་མའོ། །མི་དགེ་བའི་ཆོས་སྐྱེས་པ་རྣམས་སྤོང་བར་བྱེད
59b2 པ་ནི་གཤིན་རྗེ་མཆེ་བ་མའོ། །མི་དགེ་བའི་ཆོས་མ་སྐྱེས་པ་རྣམས་མི་སྐྱེ་བར་བྱེད་པ་ནི་གཤིན་རྗེ་འཇོམས་མའོ། །ཆོས་བདག་མེད་པའི་ལམ་གནས་སུ། །དཀྱིལ་འཁོར་དམ་པར་བཞུགས་པ་ནི། །ཤེས་རབ་ཕ་རོལ་ཕྱིན་སྦྱོར་བ། །དེ་བཞིན་རྣལ་འབྱོར་པ་གནས་བྱ། །སྣང
59b3 བ་མེད་པའི་གནས་ལ་གནས། །སྣང་བ་མེད་ལ་ཡང་དག་བརྟེན། །སྤྱོད་པ་མེད་པའི་ཆོས་རྣམས་ལ། །ཆོས་ཅན་མེད་ཅིང་ཆོས་ཉིད་མེད། །རྟེན་འབྲེལ་མཁའ་དང་མཉམ་པའི་ཆོས། །དངོས་མེད་མཚན་མ་མེད་པའོ། །འདི་ནི་དེ་ཉིད་གོ་འཕང་གནས། །ཡེ་ཤེས་དག་གི་མིག
59b4 གིས་མཐོང་། །ཕྲ་རབ་རྡུལ་བྲལ་དང་མཉམ་པ། །འཁོར་ལོའི་གནས་མཐོང་ཤིན་ཏུ་ངེས། །སྐྲ་རྩེ་སྟོང་ཕྲག་བརྒྱ་ཡིས་ནི། །ཆ་དང་ཆ་རུ་ཡོངས་སུ་བརྟག་།ཧེ་རུ་ཀ་དང་རྣལ་འབྱོར་མ། །ལྷན་ཅིག་བྷ་གའི་གནས་མཐོང་བ། །འཁོར་ལོས་སྒྱུར་བ་རབ་བརྩོན་པས། །ཁྭ
59b5 གདོང་མ་ནི་ཕྱི་རོལ་དགོད། །ཧེ་རུ་ཀ་སོགས་བདག་པོ་ཁྱོད། །མཁའ་འགྲོ་བཞི་ཡིས་ཡོངས་སུ་བསྐོར། །ཕན་ཚུན་དུ་ནི་བདག་པོ་བྱེད། །རྡོ་རྗེ་སེམས་སོགས་སྦྱོར་བར་ལྡན། །ཕྱི་རོལ་དུར་ཁྲོད་དྲག་པོ་དང་། །ཁ་དོག་སྣ་ཚོགས་མཆོག་གི་མཆོག་།ཤིང་མཆོག་སྣ་ཚོགས
59b6 མཛེས་པ་དང་། །ཁྱི་དང་ཅེ་སྤྱང་འཇིགས་པ་དང་། །ཁྭ་དང་འུག་པ་བྱ་གར་རྒོད། །ཅེ་སྤྱང་དེ་བཞིན་རོ་བསྲེགས་པ། །ཀེང་རུས་གསལ་ཤིང་གིས་ཕུག་དང་། །འགེགས་ནས་འཕྱང་དང་ཕྱེད་བསྲེགས་དང་། །ཐོད་པ་སྐམ་པོ་པུས་མོ་དང་། །མགོ་མེད་ལག་ན་ཐོད་པ་དཀར། །རྣམ
59b7 པ་སྣ་ཚོགས་སྦྲུལ་གྱིས་མཛེས། །དྲག་པོའི་སྦྲུལ་དང་དེ་བཞིན་རྔ། །སེང་གེ་ཕག་དང་སྟག་དང་ནི། །དེ་བཞིན་ར་དང་ལུག་དག་དང་། །གླང་པོ་རྟ་དང་བོང་བུ་དང་། །རྔ་མོ་སྣ་ཚོགས་དམ་ཚིག་མཆོག་།རྣམ་པ་སྣ་ཚོགས་ཆང་དང་ནི། །འབྲུ་ཆང་བཏུང་བའི་མཆོག་རྣམས་ཀྱིས། །དཔལ
iiif viewer powered by OpenSeadragon
