| e-texts navigator |
| Wylie |
45a1 དང་རླུང་གི་ཉིད་དག་དང་། །ཆུ་མེ་དེ་བཞིན་ནམ་མཁའ་དང་། །ཁམས་ལྔ་དག་དང་ཡང་དག་ལྡན། །གཟུགས་དང་རེག་པ་དེ་བཞིན་སྒྲ། །མིག་གཉིས་དང་ནི་སྣ་དག་དང་། །ལུས་ཀྱི་སྟེང་འོག་ཏུ་ཡང་གསལ། །རྟག་ཏུ་རྡོར་ཅན་རྣམ་པར་གནས། །ཆ་དང་ཆ
45a2 མིན་རྣམ་པར་གྲོལ། །སྟོང་པའི་དང་ལས་ཡང་དག་གནས། །ཡ་ཡི་སྡེ་མཐའ་ཡང་དག་རྫོགས། །ུ་ཡིག་དག་ནི་ཐིག་ལེར་བཅས། །འབྱར་ཞིང་གསལ་བར་འགྱུར་བ་སྟེ། །ཁ་སྦྱོར་རྣམ་པ་རྣལ་འབྱོར་གྱི། །རྡོར་ཅན་ཇི་ལྟར་ཆང་གིས་མྱོས། །འཁོར་ནས་སེམས་ནི
45a3 རྣམ་པར་གྲོལ། །ཁམས་གསུམ་པོ་ནི་མ་ལུས་པ། །རྡོ་རྗེའི་མིག་གིས་མཐོང་བར་འགྱུར། །བདུན་གྱི་རྒྱལ་པོའི་དངོས་གྲུབ་ཀྱིས། །མ་ལུས་ལུས་པ་མེད་པ་མཐོང་། །ཚངས་པ་ཁྱབ་འཇུག་དབང་ལྡན་དང་། །དབང་པོ་དེ་བཞིན་འདོད་དབང་ཕྱུག་།ཕ་རོལ་སྟོབས་ཀྱིས
45a4 མནན་ནས་ནི། །རྣལ་འབྱོར་དབང་ཕྱུག་གིས་ནི་མཆོད། །ཚངས་པ་ལ་སོགས་ལྷ་རྣམས་ཀྱིས། །དམ་ཚིག་སྒྲ་ཡིས་བཤད་པ་སྟེ། །སྲོག་དང་རྩོལ་བ་ཀུན་ཏུ་བྱ། །དེ་ཡིས་འདི་ནི་དམ་ཚིག་སྡོམ། །དེ་ལ་ཁ་སྦྱོར་རྣམ་པ་བཤད། །ཞལ་བཞི་རུ་ནི་རབ་ཏུ་གནས། །རྣལ
45a5 འབྱོར་མ་བཞི་སྡེ་ཞེས་བྱ། །སྦྱོར་བ་བཞི་དང་ཡང་དག་ལྡན། །གང་གང་དབང་པོའི་ལམ་ནས་བྱུང་། །དེ་དང་དེ་ཡི་རང་བཞིན་ཉིད། །འདོད་པ་ཀུན་ལས་ལོངས་སྤྱོད་པ། །སངས་རྒྱས་ཀུན་གྱི་རང་བཞིན་འགྱུར། །གཟུགས་ནི་ཇི་ལྟར་རྫོགས་པ་ལས། །དེ་ལ་སྒོམ་པ་ཅི
45a6 ལྟ་བུ། །སྔགས་རྣམས་ཇི་ལྟར་བསྐྱེད་པར་བགྱི། །རྫོགས་པར་ཡང་ནི་ཅི་ལྟར་འགྱུར། །དེ་དག་ཐམས་ཅད་ཐ་སྙད་ཙམ། །སྔགས་དང་རྒྱུད་རྣམས་ཡང་དག་འབྱུང་། །བྱང་ཆུབ་སེམས་ནི་འདི་རུ་བསྔགས། །འདོད་པ་ལྔ་དང་ཡང་དག་ལྡན། །མཚོན་བྱ་མཚན་ཉིད་ཀྱིས
45a7 ནི་མཚོན། །མཚོན་བྱ་དུ་མའང་མཚོན་མི་བྱ། །སྔགས་རྣམས་རྒྱས་པར་བཤད་ནས་ནི། །ལྷ་རྣམས་ཀྱི་ནི་བསྒོམ་པ་ཉོན། །སྟེང་གི་སྒོ་ནི་གསུམ་ཡིན་ཏེ། །ལྟེ་བར་རླུང་གི་གཟུགས་ཅན་མ། །དེ་ལ་དབུས་སུ་རྟག་ཏུ་སྟོང་། །དག་པ་ཡི་ནི་ཤེལ་ལྟ་བུར། །ལོངས་སྤྱོད་ཆེན་པོ
iiif viewer powered by OpenSeadragon
