| e-texts navigator |
| Wylie |
291b1 སྐྲག་སྟེ་མགོ་འགས་པ་ཙམ་དུ་བྱེད་པར་འགྱུར་ཞིང་རྒྱ་མཚོ་ཆེན་པོའི་མཐར་ཐུག་པར་འབྱེར་བར་འགྱུར་རོ། །གང་གིས་གཏུམ་པ་དང་། དཔའ་བ་དང་། དྲག་པོའི་བརྟུལ་ཞུགས་ཀྱིས་ཀུན་ཏུ་སྤྱོད་ལ་རྡོ་རྗེའི་ཏིང་ངེ་འཛིན་མི་ཤིགས་པར་འགྱུར་བ་མེད་པའི་ཚུལ་གྱིས་ཁྱབ་པར་རྒྱུ་བའོ། །གནས་ཀྱི་མཁའ་འགྲོ་མ་དང་། ཕོ
291b2 ཉའི་མཁའ་འགྲོ་མ་དང་། འཇིག་རྟེན་གྱི་མཁའ་འགྲོ་མ་དང་། དམ་ཚིག་གི་མཁའ་འགྲོ་མ་དང་། ཤ་ཟའི་མཁའ་འགྲོ་མའི་དབང་ཕྱུག་ཏུ་འགྱུར་རོ། །རྡོ་རྗེ་རིགས་ཀྱི་མཁའ་འགྲོའི་ཕོ་ཉ་མོ་དྲུག་ཅུ་རྩ་བཞིས་ཀྱང་ཕྲིན་ལས་ཐོགས་པ་མེད་པ་འགྲུབ་པར་བྱེད་དོ། །ཞིང་སྐྱོང་ཆེན་པོ་དང་ཉེ་བའི་ཞིང་སྐྱོང་ཉི་ཤུ་རྩ་བཞི
291b3 པོ་དག་གིས་ཀྱང་ཕྲིན་ལས་ཐོགས་པ་མེད་པ་སྒྲུབ་པར་བྱེད་པའོ། །གདུལ་དཀའ་བ་མ་ལུས་པ་འདུལ་ཞིང་འཇིག་རྟེན་གསུམ་ལས་རྣམ་པར་རྒྱལ་བར་བྱེད་དོ། །གང་དུ་རྒྱུད་འདི་འཆང་བ་དང་། ཀློག་པ་དང་། འཛིན་པ་དང་། སེམས་པ་དང་། དེ་བཞིན་ཉིད་དུ་གནས་པ་དང་། རྣལ་འབྱོར་དུ་གང་གནས་པ་ལ་ཉེ་བར་སྐྱོབ
291b4 པར་བྱེད་དོ། །ཉེ་བར་དགོངས་པས་མཁྱེན་པར་འགྱུར་རོ། །དཔལ་མགོན་པོ་ཆེན་པོ་དངོས་གྲུབ་འབྱུང་བའི་རྒྱུད་ལས་ས་གསུམ་དུ་སྒྲུབ་པའི་དབང་ཕྱུག་ཏུ་བསྟན་པའི་ལེའུ་སྟེ་ཉི་ཤུ་རྩ་བཞི་པའོ།། །།དེ་ནས་གཞན་ཡང་བཤད་བྱ་བ། །གསང་བ་མངོན་པར་འབྱུང་བའི་གནས། །དྲང་སྲོང་ཐུབ་པས་ཡང་དག
291b5 བསྟན། །ངེས་པར་གསང་བ་འཛིན་གྱུར་པ། །རྒྱལ་བ་ཡོན་ཏན་འབྱུང་བའི་གཏེར། །ཡེ་ཤེས་མགོན་པོ་ཆེན་པོ་དང་། །ལས་ཀྱི་མགོན་པོ་དུ་མར་བཅས། །དཔལ་ལྡན་ལྷ་མོ་ནག་མོ་ནི། །འཁོར་བཅས་དཀྱིལ་འཁོར་བསྟན་པ་སྟེ། །སྐལ་ལྡན་ལམ་འདི་འཛིན་པ་གང་། །ང་ཡིས་ལུང་བསྟན་གྱུར་པ་ཡིན། །
291b6 གདུག་པ་རྣམས་ནི་གཟུད་པའི་ཕྱིར། །མཁས་པས་སྙིང་རྗེ་བསྐྱེད་ནས་ནི། །ཆོ་ག་ཀུན་མཆོག་གིས་རབ་སྒྲུབ། །བདག་ཉིད་ཇི་བཞིན་སེམས་ཅན་དེ། །དེ་བཞིན་བདག་དེ་དམ་པའི་བདག་།དཔལ་ཧེ་རུ་ཀའི་གོ་འཕང་གནས། །འདི་ལ་ཐེ་ཚོམ་མི་བྱ་སྟེ། །སུན་འབྱིན་པས་ནི་འགྲུབ་མི་འགྱུར། །རྣམ་དག་རྣམ་པ་ཅན
291b7 སེམས་ཀྱི། །རང་བཞིན་གྱིས་ནི་མྱ་ངན་འདས། །མ་རུངས་པ་ནི་གང་དག་གིས། །སྐྱེ་བོ་བཅིངས་པར་གྱུར་པ་གང་། །དེ་ཉིད་ཐབས་དང་བཅས་པ་ཡིས། །སྲིད་པའི་བཅིང་ལས་གྲོལ་བར་འགྱུར། །དེ་ལྟར་གྲུབ་པའི་ལམ་བསྟེན་ཅིང་། །ཐུན་མོང་ཁྱད་པར་འགྲུབ་པར་འགྱུར། །དུས་བཞི་དག་ཏུ་གཏོར་མ་འབུལ། །
iiif viewer powered by OpenSeadragon
