| e-texts navigator |
| Wylie |
291a1 པ་ཧཡག་རྒྱ་བཅས་ལ་དེས་ཀླུ་ནོན་པར་བྱས་ན་དེ་ཉིད་ཁ་དོག་དཀར་པོར་གྱུར་པའི་འཇམ་པའི་སྤྱོད་ཡུལ་གྱིས་འདུལ་བ་ལ་ནག་པོར་བསྒྱུར་བའི་རྩུབ་པའི་ཐབས་ཀྱིས་དཀྲུགས་པས་ཀླུའི་གནས་ཐམས་ཅད་དུ་ལྟས་ཆེན་པོ་དྲུག་བྱུང་བས་ཐམས་ཅད་འདར་ཞིང་མགོ་བོ་ཨརྫ་ཀའི་དོག་པ་བཞིན་དུ་འགས་པ
291a2 སྙམ་བྱེད་ནས་མྱུར་བར་འོངས་ཏེ་བཀའ་ཉན་ཅིང་འཛམ་བུའི་གླིང་དུ་ཆར་གྱི་རྒྱུན་ཆེན་པོས་རབ་ཏུ་གང་བར་བྱེད་པར་འགྱུར་རོ། །གང་དུ་སྐྱེས་པ་གཡུལ་ངོར་བསད་པའི་མགལ་དུམ་དང་ལག་ངར་གྱི་རུས་པ་ལ་དཔལ་ནག་པོ་ཆེན་པོའི་གཟུགས་བརྙན་ཇི་ལྟ་བར་བྱས་ལ་བསྐྱེད་པ་དང་བསྟིམས་ཏེ་བཟླས་པ་བྱ། དབེན
291a3 པར་སྦས་ནས་གསོལ་བ་བཏབ་ན་གང་འདོད་པ་འབྱུང་བར་འགྱུར་ཏེ། ས་ཀུན་ལ་ཡང་བསྲུང་བར་འགྱུར་བ་དང་འདས་པ་ལ་སོགས་པའི་དོན་ཤེས་པ་དང་། དེའི་མདུན་དུ་ཁྲུས་བྱས་ཏེ་ཉལ་ན་ལུང་སྟོན་པའམ་དགེ་མི་དགེ་གསལ་པོ་སྟོན་པར་འགྱུར་རོ། །ཡང་ན་དུར་ཁྲོད་ཀྱི་རས་སམ་དར་ནག་པོ་ལ་ཡང་རུང་སྟེ།
291a4 དམ་ཚིག་དང་ལྡན་པས་བྲིས་ཏེ། མཆོད་པ་དང་གཏོར་མར་ལྡན་པས། རབ་ཏུ་གནས་པར་བྱས་ན་སྐུ་བྱིན་བརླབས་དང་ལྡན་པར་འགྱུར་རོ། །དེ་ཉིད་ཀྱང་རིན་པོ་ཆེ་ལས་བྱས་ནས་དེའི་མདུན་དུ་གསོལ་བ་བཏབ་ན་ཟླ་བ་དྲུག་གིས་ངེས་པར་ཡང་འགྲུབ་པར་འགྱུར་རོ། །ཡང་ན་ནག་པོ་ཆེན་པོའི་གསང་སྔགས་སྔོན་དུ
291a5 བྱས་ཏེ་ཤེས་རབ་ཡོངས་སུ་འཛིན་པ་ཁྲི་ཕྲག་གཅིག་བཟླས་ན་ཐོས་པའི་གཟུངས་ཡོངས་སུ་འཛིན་པ་དང་བློ་ཡོངས་སུ་དག་པ་དང་མི་བརྗེད་པའི་གཟུངས་ཐོབ་པར་འགྱུར་རོ། །སྲུང་བས་བསྲུང་ཞིང་བཅིངས་པ་ཐམས་ཅད་ལས་ཡོངས་སུ་གྲོལ་ལོ། །གང་དུ་སྒྲུབ་པ་པོ་ཕུན་སུམ་ཚོགས་པས་སྐུ་གསུང་ཐུགས་ཡོན
291a6 ཏན་ཕྲིན་ལས་ཀྱི་རྟེན་ལ་རབ་ཏུ་གནས་པ་མཚན་ཉིད་དང་ལྡན་པར་བྱས་ན་དངོས་གྲུབ་ཐམས་ཅད་འགྲུབ་པ་དང་བར་ཆད་ཐམས་ཅད་ལས་བཟློག་པར་འགྱུར་བ་ཡིན་ནོ། །ཁྱད་པར་དུ་ཡང་གསང་བ་ཆེན་པོའི་དམ་ཚིག་ལ་ངེས་པར་གནས་པ་ཉིད་ཀྱིས་ཕྱོགས་དང་དུས་ཐམས་ཅད་དུ་ཡེ་ཤེས་ཀྱི་ནག་པོ་ཆེན་པོས་རྗེས
291a7 སུ་སྐྱོང་བ་དང་རྒྱང་རིང་པོ་ནས་ཀྱང་ངེས་པར་གཟིགས་པར་མཛད་དོ། །འཇིགས་པ་ཐམས་ཅད་ལས་རབ་ཏུ་སྒྲོལ་བར་འགྱུར་རོ། །སྟོབས་དང་ཚེ་དང་དཔལ་རབ་ཏུ་སྟེར་ཅིང་མི་ཟད་པའི་ཡེ་ཤེས་ཐོབ་པར་བྱེད་པ་དང་ཉམ་ང་བ་དང་བག་ཚ་བ་མེད་པར་སེང་གེའི་སྟོབས་ཀྱིས་རྒྱུ་ཞིང་བདུད་ཀྱི་རིས་ཀྱི་ཕྱོགས་མ་ལུས་པ་ཕམ་ཞིང
iiif viewer powered by OpenSeadragon
