| e-texts navigator |
| Wylie |
290a1 ཀར་ཡུངས་ནག་ཐལ་ཆེན་ལ་རབ་ཏུ་བསྔགས་ནས་གཏོར་ན་སེར་བ་མོད་ལ་གཅོད་པར་བྱེད་དོ། །དྷ་དུ་རའི་ཤིང་ལ་སྦྱིན་སྲེག་བྱས་ན་སྨྱོ་བར་འགྱུར་རོ། །ནིམ་པའི་ཤིང་གིས་ནི་རེངས་པར་བྱེད་དོ། །མེ་ཏོག་བན་དྷུ་རི་ཀ་དང་པ་ལ་ཤ་ཡིས་དགུག་པར་འགྱུར་རོ། །ཙནྡན་དཀར་པོའི་སྦྱིན་སྲེག་བྱས་ན་གང་ལ་ཡང་གསོ
290a2 བར་བྱེད་དོ། ། རུ་རའི་སྦྱིན་སྲེག་གིས་མྱུར་དུ་ཞི་བར་བྱེད་དོ། །མ་ཧེའི་འོ་མས་བཀྲུས་ན་བཅིངས་པ་ཐམས་ཅད་གྲོལ་ལོ། ། ལ་རུའི་ཤིང་དང་འབྲས་བུ་དང་ལྡན་པའི་ཤིང་དང་གཅིག་ཏུ་བསྲེགས་ཏེ་མཚོར་དོར་ན་རྒྱས་པར་འགྱུར་རོ། །གླང་པོ་ཆེའི་རུས་པ་ལ་གི་ཧང་དང་བཅས་པའི་གླང་སྣ་ཅན་གྱི་མེ་ཏོག་དང་སེར་བའི
290a3 རིགས་ཀྱི་མེ་ཏོག་དང་བཅས་པ་ཀུན་དགའ་ར་བར་སྦྱིན་སྲེག་བྱས་ན་འབྱོར་པ་ཕུན་སུམ་ཚོགས་པར་བྱེད་དོ། །དེ་དག་ཐམས་ཅད་སྔགས་དང་བཅས་པའི་ནུས་པ་འགྲུབ་བོ། །དྲང་སྲོང་གི་རུས་པ་རི་བོའི་རྩེར་སྦས་ཏེ་འབྲུ་སྣས་མཆོད་པ་བྱས་ཏེ་ཆུ་བོ་རྒྱུན་དུ་འབབ་པ་མཐོང་བའི་སར་སྤྱོད་ཡུལ་དུ་འགྱུར་ན་རིགས་ཐམས
290a4 ཅད་རབ་ཏུ་འཕེལ་བར་བྱེད་དོ། ། མྲའི་འབྲས་བུ་དང་ཤིང་ཐོག་ཛི་ཙིན་ཏ་ཀ་དང་ཛ་ལུ་དང་ཛི་བ་ཀ་རྣམས་ལ་སྣོད་དུ་བཀང་སྟེ་གཏོར་མ་བྱས་ནས་སྐུ་གཟུགས་ཀྱི་མདུན་དུ་ཕུལ་ན་ནི་གནོད་སྦྱིན་གྱིས་འབྱོར་པ་ཐམས་ཅད་སྤེལ་བར་འགྱུར་རོ། །ཕུར་བུས་གདབ་ཅིང་ཡུངས་ཀར་ཐལ་ཆེན་གྱིས་མཚམས་བཅད་པར་གྱུར
290a5 ན་གནོད་པ་ཐམས་ཅད་ལས་བསྲུང་བར་འགྱུར་རོ། །དཔལ་མགོན་པོ་ཆེན་པོ་དངོས་གྲུབ་འབྱུང་བའི་རྒྱུད་ལས་སྣ་ཚོགས་པའི་ལས་ཀྱི་རབ་ཏུ་བྱེད་པ་བསྟན་པའི་ལེའུ་སྟེ་ཉི་ཤུ་རྩ་གསུམ་པའོ།། །།དེ་ནས་གཞན་ཡང་བཤད་བྱ་བ། །ཤིན་ཏུ་གསང་བ་བླ་ན་མེད། །ནག་པོ་མངོན་པར་འབྱུང་བ་ཡི། །ལས་ཀྱི་དངོས་གྲུབ
290a6 ཆོ་ག་བཤད། །དཔལ་ནག་མོ་ཆེན་པོའི་ཕྱོགས་ཀྱི་ཕྲིན་ལས་ཀྱི་ལྷ་མོ་ལ། ཤར་གྱི་ལྷ་མོ་འཕྲོག་མས་འགུགས་པའི་ལས་བྱེད་དོ། །ལྷོ་ཡི་ལྷ་མོ་གླང་སྣ་མས་འཆིང་བའི་ལས་བྱེད་དོ། །ནུབ་ཀྱི་ལྷ་མོ་རལ་པ་ཅན་གྱིས་སྡོམ་པའི་ལས་བྱེད་དོ། །བྱང་གི་ལྷ་མོ་སའི་གཙུག་གིས་མྱོས་ཤིང་དབང་དུ་བྱེད་པར་འགྱུར་རོ། །ལྷ་མོ་བྱ་རྒོད
290a7 མགོ་བོ་ཅན་མས་རེངས་པའི་ལས་བྱེད་དོ། །སྟག་གི་མགོ་བོ་ཅན་མས་བསྐྲད་པའི་ལས་བྱེད་དོ། །ཕག་རྒོད་ཀྱི་མགོ་བོ་ཅན་མས་སྨྱོར་འཇུག་པའི་ལས་བྱེད་དོ། །ཅེ་སྤྱང་གི་གདོང་གིས་དབྱེ་བའི་ལས་བྱེད་དོ། །ཁྱི་གདོང་མས་ནི་རྣམ་པར་རྨོངས་པའི་ལས་བྱེད་དོ། །ཁྭའི་གདོང་གིས་རྣམ་པར་གནོན་པའི་ལས་བྱེད་དོ། །འུག་པའི་གདོང
iiif viewer powered by OpenSeadragon
