| e-texts navigator |
| Wylie |
289b1 གིས་ཟ་བར་འགྱུར་རོ། །གང་དུ་ཐོག་གིས་ཤི་བའི་རུས་པ་ལ་རབ་ཏུ་བསྔགས་ཏེ་རི་བོང་གི་ཐོད་པར་བཅུག་སྟེ་ཤིང་རྐང་གཅིག་པའི་རྩེ་མོ་ལ་བཏགས་ན་ཐོག་འབབ་པས་འཆི་བར་འགྱུར་རོ། །ཡང་ན་དེ་ཉིད་ཀྱི་གཟུགས་བྱས་ཏེ་དེ་ཉིད་དང་རིགས་མཐུན་པའི་རུས་པ་རྙེད་ན་ཡུངས་ཀར་གྱིས་བརྡེག་ཅིང་ཕ་མེས
289b2 ཀྱི་དུར་ཁྲོད་དུ་གྲིབ་སོ་ལྷགས་པ་དང་སྦས་ཏེ་གཏོར་མས་མནན་ཅིང་དོང་བྲུས་པར་སྦས་ལ་རོ་བསྲེགས་པའི་གཡམ་པས་མནན་ན་རིགས་འཆད་པར་འགྱུར་རོ། །གྲོག་མཁར་གྱིས་ལ་གཟུགས་བྱས་ལ། དེ་ལ་དུག་དང་ཏིལ་མར་གྱིས་བྱུགས་ལ་འབྲས་ཕུབ་ཀྱི་མེ་ལ་རབ་ཏུ་བསྲོ་ཞིང་སྔགས་བརྡེགས་ན་རིམས་ཚ
289b3 བ་ཆེན་པོས་བཏབ་པར་འགྱུར་རོ། །གཞན་པ་ལ་ནི་སྤྲ་ཚིལ་གྱིས་བྱུགས་ཤིང་ཚེར་མའི་རིགས་མང་པོ་བཏབ་པར་བྱས་ནས་དུས་མ་ཡིན་པའི་རླུང་ལ་ཕྱར་ན་ཡུལ་གཞན་དུ་གཤིས་ངན་དུ་འཆི་བར་བྱེད་དོ། །མཚོ་ནང་གི་ཉ་སེ་བ་བཟུང་སྟེ་གྲོ་ག་ལ་ལིངྒ་བྲིས་པ་དེ་བག་ཟན་གྱི་གཟུགས་དང་བཅས་པ་ལ་རབ་ཏུ
289b4 བསྔགས་ཏེ་སླར་བཏང་ན་ཆུ་གྲིར་མྱུར་དུ་འཆི་བར་བྱེད་དོ། །བསེ་ཤིང་ལ་ལིངྒ་བསྲེགས་ཏེ་སྒོ་ཁང་དུ་སྦས་ན་སྐྲངས་པ་ཆེན་པོས་བཏབ་པར་འགྱུར་རོ། །གལ་ཏེ་གྲོག་མཁར་གྱི་ས་ལ་གཟུགས་བྱས་ཏེ་མཆོད་རྟེན་རྙིང་པའི་འོག་ཏུ་འབྱུང་པོའི་ཉི་མ་ལམ་ནན་ནས་རོ་གཡམ་གྱིས་ཁ་བཅད་ན་ནི་འཁོར་དང་བཅས་པ་ནུས
289b5 པ་མེད་ཅིང་རབ་ཏུ་གནོན་པར་འགྱུར་རོ། །དེ་ཉིད་ཀྱི་ཟག་པ་གང་ཡིན་པ་དང་ཕུང་ཤུལ་ནས་ས་བླངས་ཏེ་གཟུགས་བརྙན་བྱས་ལ་གནས་ཀྱི་སར་རུས་པའི་ཕུར་བུས་བཏབ་ན་ནི་འོན་པ་དང་ལོང་བ་དང་ཡན་ལག་ཉམས་པ་དང་ལྐུགས་པར་འགྱུར་ཏེ། ཀླུ་གནས་པའི་སར་སྦས་ན་དབང་པོ་ཉམས་པ་ཉིད་བྱེད་དོ། །
289b6 གལ་ཏེ་ས་ཕྱོགས་དེར་ཆར་མི་འབབ་པར་གྱུར་ན་ཀ་ར་བཱི་རའི་ཤིང་བཙུགས་ལ་བ་དམར་སེར་གྱི་འོ་མ་གཏོར་བར་བྱས་པས་ཀླུ་གནས་པའི་སར་སོང་ནས་རང་ཏིང་ངེ་འཛིན་དུ་གནས་པས་བཀའ་བསྒོ་ན་ཆར་ཆེན་པོ་འབབ་པར་བྱེད་དོ། །བལ་པོ་སེའུའི་ཤིང་དང་འབྲུག་ཤིང་དུ་བཅས་པ་གཡབ་ཅིང་ཀླུ་གཟིར
289b7 ན་ཆར་འབབ་ཅིང་སྤྲིན་སད་པར་བྱེད་དོ། །གལ་ཏེ་སྤྲིན་བྲལ་བར་འདོད་ན་རླུང་ལྷའི་གཏོར་མ་བྱས་ལ་རླུང་གི་བ་དན་གཡབ་པར་བྱའོ། །ཁྲག་སྣ་ཚོགས་པ་ཡུངས་ཀར་ཡུངས་ནག་ཏུ་སྦྱར་ཏེ་ཀླུ་གནས་པའི་སར་སྦྱིན་སྲེག་ཏུ་བྱས་ནས་བཟླས་པའི་ཐུན་བར་དུ་གཏོར་ན་སེར་བ་མོད་ལ་འབབ་པར་འགྱུར་རོ། །ཡུངས
iiif viewer powered by OpenSeadragon
