| e-texts navigator |
| Wylie |
288a1 བར་འགྲུབ་པར་འགྱུར། །དེས་ཀྱང་གྲུབ་པར་མ་གྱུར་ན། །རང་ཉིད་ཡེ་ཤེས་ནག་པོ་ཡི། །གདུག་པ་འདུལ་བར་བསམས་ནས་ནི། །ལས་བྱེད་མགོན་པོའི་སྲོག་རྩ་འཕྲོག་།དེ་ལྟར་བསྐུལ་བས་ལས་ལ་སྦྱོར། །གཟས་པ་པོ་དེ་སྒྲོལ་བར་བྱེད། །གལ་ཏེ་ལས
288a2 ལ་འགྱངས་པ་ན། །སྲོག་གི་ཐིགས་པ་བླང་བ་དང་། །གསང་སྔགས་སྙིང་པོ་གོ་བཟློག་ཅིང་། །ལྟེ་བ་དཀྲུགས་པའི་ལས་བྱས་ན། །ཤི་ས་བསྟན་པར་འགྱུར་བ་སྟེ། །སྲོག་ནི་དམར་ལེན་བྱེད་པར་འགྱུར། །མ་རུངས་འདུལ་བའི་ལས་འདི་དག་།སངས་རྒྱས་བསྟན་པ་བསྲུང
288a3 བ་ལས། །གཞན་དུ་བྱས་ན་ཉེས་པར་འགྱུར། །སྦྱིན་སྲེག་དང་ནི་མནན་པ་དང་། །དེ་བཞིན་ཟོར་དགྱེ་ལས་བྱ་བ། །གསད་པ་རང་གཤེད་གནད་ལ་དབབ། །དེ་ལས་མྱུར་བར་རྟགས་བྱུང་ཚེ། །ཐུགས་དམ་བསྐང་ཞིང་གཏོར་མ་འབུལ། །ཚོགས་ཀྱི་འཁོར་ལོའི་མཆོད་པ
288a4 དང་། །དེ་དག་ནར་མར་འགྲུབ་པར་འགྱུར། །དཔལ་མགོན་པོ་ཆེན་པོ་དངོས་གྲུབ་འབྱུང་བའི་རྒྱུད་ལས་ལས་ཉེ་བར་བསྒྲུབ་པར་བསྟན་པའི་ལེའུ་སྟེ་ཉི་ཤུ་གཉིས་པའོ།། །།དེ་ནས་གཞན་ཡང་བཤད་པར་བྱ། །དཔལ་ལྡན་ལྷ་མོ་འཁོར་དང་བཅས། །ནག་མོ
288a5 མངོན་པར་འབྱུང་བ་ཡི། །ལས་ཀྱི་དངོས་གྲུབ་ཆོ་ག་བཤད། །དམ་ཚིག་གསང་བའི་སྔགས་པ་ཡིས། །བྲག་ནག་རྩེ་མོ་རྣོ་བ་ཡི། །ཁ་ལྷོར་བལྟས་པའི་བྲག་ཕུག་གམ། །གཞན་ཡང་རི་བོའི་ཟོམ་མམ་རྩེ། །ཤིང་གཅིག་དུར་ཁྲོད་མ་མོའི་གནས། །རབ་ཏུ་འཇིགས་པའི་གནས
288a6 མཆོག་ཏུ། །མཎྜལ་དང་ནི་མཆོད་པ་དང་། །གཏོར་མ་ལེགས་པར་བཤམས་ནས་ནི། །ཤ་ཆེན་བསྲེགས་སྤོས་ཕུལ་ནས་ཀྱང་། །བར་ཆད་བགེགས་རྣམས་བསྐྲད་པར་བྱ། །གྲུ་གསུམ་ཁྲག་དང་དུག་གིས་བྱུག་།དུག་ཤིང་ཚེར་མ་ཅན་གྱིས་བརྩིག་།གཞན་ཡང་ལིངྒ་བྱས
288a7 པ་ལ། །མི་བསད་ལྕགས་ཀྱུ་ཏྲི་ཤཱུ་ལ། །དེ་ཡི་ལུས་ལ་གདབ་པར་བྱ། །ཚིལ་ཆེན་མར་མེ་ཟུར་གསུམ་པ། །བཏང་ནས་བདག་ཉིད་ལྷར་བསྐྱེད་ལ། །དཀྱིལ་འཁོར་གྲུབ་གསུམ་ལེགས་གནས་པ། །མ་ཧཱ་ཀཱ་ལ་ཕྱག་བཞི་པ། །མདོག་ནག་ཁྲག་འཛག་མེ་དཔུང་དབུས། །
iiif viewer powered by OpenSeadragon
