| e-texts navigator |
| Wylie |
287b1 མགོན་པོ་ཡིས། །སྙིང་གི་དཀར་ནག་མཚམས་སུ་ཡང་། །བྱ་རོག་མཆུ་ནི་བཙུགས་ནས་ཀྱང་། །སྲོག་རྩ་མྱུར་དུ་གཅོད་པར་བྱེད། །ཕོ་ཉ་ཤ་ཟའི་གདོང་ཅན་གྱིས། །སྤྱི་གཙུག་ནས་ནི་རྩ་ལ་འཇིབ། །ལས་བྱེད་མ་མོ་ཙཎྜི་ཀས། །གསང་བའི་མདོམས་སོར་དངས་མ་རྔུབ། །རྩ
287b2 འཇིབ་མ་དང་ཁྲག་འཐུང་མ། །སྲོག་འཕྲོག་མས་ནི་ལས་ལ་སྦྱོར། །ཉིན་མཚན་དུས་ལས་འདའ་མི་བྱེད། །འདི་དག་གསང་སྔགས་མ་ཡེངས་བཟླས། །དུས་གསུམ་དག་ཏུ་ཏིང་འཛིན་འབད། །རྩ་བའི་སྔགས་ནི་སྲོག་ཡིན་ཏེ། །གསུང་གི་དངོས་གྲུབ་སྙིང་པོ་ཡིན། །ཉེ་བའི་སྙིང
287b3 པོས་ཐུགས་བསྐུལ་བའོ། །ཡེ་ཤེས་ས་བོན་མི་ཤིགས་པ། །དངས་མའི་གནས་པར་དེ་བཤད་དོ། །སྐུ་གསུང་ཐུགས་དང་ཡོན་ཏན་ལས། །རིམ་པར་བཟླས་པས་བསམ་གཏན་འགྲུབ། །རྟགས་རྣམས་ཉེ་བར་མ་བྱུང་ན། །འབད་པས་བསྟེན་ཅིང་མཆོད་པར་བྱ། །གཞན་དུ
287b4 འགྲུབ་པར་མི་འགྱུར་རོ། །ོ~ཾ་མ་ཧཱ་ཀཱ་ལ་གུ་ན་ཧྲྀ་ད་ཧཱུ~ཾ་ཕཊ། ཨོཾ་མ་ཧཱ་ཀཱ་ལ་ཏྲ་ག་ཤད་ཛཿ་མ་ཧཱ་ཀཱ་ལ་སི་ཏི་ཡ་མ་དུ་ཛཿ་ཨཱ་ལི་ཀཱ་ལི་མཉམ་ལྡན་པའི། །རྩ་བརྒྱད་ཕྲེང་བ་རབ་ཏུ་བསྒྲགས། །རིམ་པར་བྱིན་བརླབས་ལྡན་བྱའི་ཕྱིར། །བཟླས་པ་བརྒྱ་རྩ་བརྒྱད་དུ་བྱ། །བགྲང་ཕྲེང
287b5 ནུས་པར་ལྡན་པ་ཡིས། །ལས་ནི་མྱུར་བར་ཤིས་པ་ཡིན། །ཤེལ་གྱིས་ཞི་བ་ཆེན་པོ་འགྲུབ། །མུ་ཏིག་གིས་ནི་རྒྱས་པ་ལ། །དྲེད་པོའི་སོ་ཡིས་གསད་པ་འགྲུབ། །དེ་གཉིས་འགྱུར་བ་བོང་བུའི་སོ། །སྡང་དང་སྐྲད་པ་རྔ་མོའི་སོ། །ཀ་སོགས་རྣམ་དག་ཡུམ་བཅུ་དྲུག་།
287b6 བྱིས་པ་འཚོ་བྱེད་དབང་སོགས་ལ། །དབྱངས་དང་གསལ་བྱེད་རྣམས་བསྲེས་པས། །བཞི་ཡིས་ལྷག་པའི་པད་འབྲས་ཤིང་། །ལུང་ཏང་དམར་པོ་བདུན་གཅིག་དྲུག་།ཡང་ན་ཙན་དན་འབྲུ་དགུ་འམ། །རྒྱུ་སྐར་ཕྱེད་པོས་གྲངས་མཉམ་པས། །ལུང་ཏང་ནག་པོས་རྨོངས་བྱེད་ནུས། །
287b7 དབྱངས་དང་གསལ་བྱེད་ཕྱེད་སྦྱངས་པས། །རུ་དྲཱཀྵ་ནི་མངོན་སྤྱོད་ལ། །དེ་ལྟའི་ཆོ་ག་ཤེས་པ་ཡིས། །ཚར་གཅད་ཕན་གདགས་ལས་རྣམས་སྤྱད། །གསང་སྔགས་ཡི་གེའི་འཁོར་ལོ་ནི། །མགལ་མེ་བཞིན་དུ་བསྐོར་བར་བྱ། །དེ་ལྟར་དུས་བཞིར་བསྒྲུབ་པར་བྱ། །དེས་ནི་ཉེ
iiif viewer powered by OpenSeadragon
