| e-texts navigator |
| Wylie |
285a1 ཤིན་ཏུ་གསལ་ཞིང་བརྟན་པར་བསམ། །དེ་ནས་ས་བོན་ལས་འཕྲོས་ཏེ། །རང་བཞིན་གནས་ནས་སྤྱན་དྲངས་ལ། །མཆོད་ཅིང་བསྟོད་དེ་གཉིས་མེད་བསྟིམ། །ཁྱད་པར་གསོལ་བ་གདབ་པར་བྱ། །རྒྱལ་བ་མགོན་པོ་འཁོར་བཅས་པའི། །ཡིད་འོང་ཁང
285a2 ཕོ་བྲང་འདི། །ཡིད་བཞིན་ནོར་བུའི་ཆར་འབེབས་པའི། །རིན་ཆེན་གཏེར་གྱི་དངོས་གྲུབ་གསོལ། ཨོ~ཾ་བཻ་སྭཱ་ཧཱ། ཨོ~ཾ་བཻ་ཤྲ་བ་ཎཱ་ཡ་སྭཱ་ཧཱ། ཨོ~ཾ་ཛམྦྷ་ལཱ་ཡ་སྭཱ་ཧཱ། ཨོ~ཾ་པཱུརྞཎ་བྷ་དྲཱ་ཡ་སྭཱ་ཧཱ། ཨོ~ཾ་མ་ཎི་བྷ་དྲཱ་ཡ་སྭཱ་ཧཱ། ཨོ~ཾ་ཀུ་བེ་རཱ་ཡ་སྭཱ་ཧཱ། ཨོ~ཾ་ས~ཾ་པྲ་ཛ་ནཱ་ཡ་སྭཱ་ཧཱ། ཨོ~ཾ་གུ་ཧྱ་སྠ་ནཱ་ཡ་སྭཱ་ཧཱ།
285a3 ཨོ~ཾ་པཱཉྩི་ཀཱ་ཡ་སྭཱ་ཧཱ། ཨོ~ཾ་པི་ཙི་ཀུཎྜ་ལཱ་ཡ་སྭཱ་ཧཱ། དང་པོ་ལྕགས་ཀྱུའི་ཕྱག་རྒྱ་སྟེ། །གཉིས་པ་རིན་ཆེན་འབར་བ་ཉིད། །གསུམ་པ་ཀུན་ནས་བསྟོད་པར་བྱ། །དེ་ནས་གཏོར་མ་དབུལ་བར་བྱ། །གསོལ་བ་བཏབ་ནས་ཕྲིན་ལས་བཅོལ། །དེ་ནས་ཡེ་ཤེས་གཤེགས་སུ་གསོལ། །
285a4 དེར་གནས་པ་ནི་བཞུགས་པར་བྱ། །ཕྱི་རྟེན་ནང་རྟེན་ཁྱད་པར་བ། །རིམ་པ་འཁོར་ལོ་སྔགས་དང་བཅས། །མིས་མི་མཐོང་བར་སྦས་ཏེ་བཅང་། །ཁྱད་པར་རྟགས་ནི་གསལ་བར་འབྱུང་། །ཉེ་བའི་མཚན་མ་ངེས་མཐོང་ནས། །དངོས་གྲུབ་བླང་ཞིང་གཏོར་མ་དབུལ། །སྦྱིན་སྲེག
285a5 ལས་ཀྱིས་མྱུར་དུ་འགྲུབ། །གསང་སྔགས་འབུམ་ཕྲག་བཅུ་ཡིས་ནི། །འབྲས་བུ་ཡིད་ལ་འདོད་ཀུན་འགྲུབ། །ཁ་སྐོང་མེ་ཡི་མཆོད་པ་བྱ། །གཏོར་མ་ཆེན་པོ་དང་བཅས་པ། །ལན་བདུན་ཉེ་བར་བསྙེན་པས་འགྲུབ། །འདི་ནི་ལྷ་རྣམས་ཀུན་གྱི་གཏེར། །སྒྲུབ་པ་པོ་ལ་སྩོལ་བར
285a6 མཛད། །དཔལ་མགོན་པོ་ཆེན་པོ་དངོས་གྲུབ་འབྱུང་བའི་རྒྱུད་ལས་ཁྱད་པར་དུ་འཕགས་པ་རྣམ་ཐོས་སྲས་གནོད་སྦྱིན་ཆེན་པོ་བརྒྱད་དང་བཅས་པ་བསྒྲུབ་པའི་ལེའུ་སྟེ་བཅུ་དགུ་པའོ།། །།དེ་ནས་གཞན་ཡང་བཤད་བྱ་བ། །འཕགས་པ་ཆེན་པོ་དེ་ཉིད་ལ། །ཀླུ
285a7 ཆེན་བརྒྱད་ཀྱིས་ཡོངས་བསྐོར་བ། །རིམ་པ་འདི་ནི་བསྟན་པར་བྱ། །ཁྱད་པར་ས་བཅུའི་དབང་ཕྱུག་ཆེ། །དཔལ་ལྡན་ཐུགས་རྗེའི་བདག་པོ་ཉིད། །ཞལ་གཅིག་ཕྱག་ནི་གཉིས་པ་ཉིད། །སྤྱན་གསུམ་ཅུང་ཟད་ཁྲོ་བའི་ཚུལ། །སྐུ་མདོག་དམར་དང་ལྗང་ཁུའི་མདོག་།རིན་ཆེན
iiif viewer powered by OpenSeadragon
