| e-texts navigator |
| Wylie |
284a1 དཀྱིལ་འཁོར་ཆེན་པོའི་ནང་དུ་ནི། །ཞེ་སྡང་དག་པས་དབང་བསྐུར་རོ། །མཉམ་ཉིད་སོ་སོར་རྟོག་པ་དང་། །བྱ་བ་ནན་ཏན་ཆོས་ཀྱི་དབྱིངས། །ཡེ་ཤེས་ལྔ་ཡི་རིགས་ཀྱི་གཙང་། །ངེས་པར་དབང་བསྐུར་བསྟན་པར་བྱ། །ཕྲིན་ལས་བཞི་ཡི་དབང་ཡང
284a2 བསྐུར། །ལྷ་མོ་བརྒྱད་ཀྱིས་ལས་རྣམས་འགྲུབ། །བུམ་པ་སྤྱི་བོར་བྱིན་པ་དང་། །ཐོད་པའི་བདུད་རྩི་བླུགས་པ་ཡིས། །གསང་བ་བདེ་ཆེན་ཡེ་ཤེས་ཉིད། །རང་བྱུང་དྲི་མེད་དབང་བསྐུར་བའོ། །དེ་རྗེས་བྷ་ལི~ཾ་གཏད་པ་ཡིས། །ནུས་པ་ཐོགས་མེད་སྦྱིན་བྱེད་ཡིན། །སྐུ་གསུང
284a3 ཐུགས་ཀྱི་གསང་བ་མཆོག་། ལྷ་དང་སྔགས་ཀྱི་ཟབ་པའི་ཆོས། །ཏིང་འཛིན་ཆེན་པོའི་ཕྱག་རྒྱ་ཆེ། །འདི་ཉིད་དངོས་གྲུབ་ཀུན་གྱི་གཏེར། །ཟབ་ཅིང་རྒྱ་ཆེའི་དོན་སྒྲུབ་པ། །སྐལ་བ་ཅན་ལ་སྦྱིན་པར་འོས། །ཧེ་རུ་ཀ་དང་ནག་པོ་ཆེ། །བླ་མ་ཐ་དད་མེད་པ་ལ། །ཚོགས་ཀྱི་འཁོར
284a4 ལོས་ལེགས་མཆོད་ཅིང་། །ཞབས་ལ་གཏུགས་ལ་སྨོན་ལམ་གདབ། །འདི་ནི་ཐོབ་པར་ཐེ་ཚོམ་མེད། །ཕྲིན་ལས་ཀུན་དུ་གྲུབ་སྟེར་བྱེད། །དཔལ་མགོན་པོ་ཆེན་པོ་དངོས་གྲུབ་འབྱུང་བའི་རྒྱུད་ལས་དབང་བསྐུར་ཞིང་བྱིན་གྱིས་བརླབས་པའི་ལེའུ་སྟེ་བརྒྱད་པའོ།། །།
284a5 དེ་ནས་གཞན་ཡང་བཤད་བྱ་བ། །དཔལ་ལྡན་མགོན་པོ་དེ་ཉིད་ཀྱི། །ཕྱོགས་བཞི་ཡོངས་སུ་སྐྱོང་བ་ཡི། །རྒྱལ་པོ་ཆེན་པོ་རྣམ་པ་བཞི། །ཤར་ཕྱོགས་ནས་ནི་ཡུལ་འཁོར་སྲུང་། །ལྷོ་ཕྱོགས་ནས་ནི་འཕགས་སྐྱེས་པོ། །ནུབ་ཕྱོགས་ནས་ནི་སྤྱན་མི་བཟང་། །བྱང་ཕྱོགས་ནས་ནི
284a6 རྣམ་ཐོས་སྲས། །སངས་རྒྱས་བསྟན་པ་སྲུང་བྱེད་པ། །འདི་ཉིད་གྲུབ་པ་སྟེར་བྱེད་པའོ། །རབ་ཏུ་དབེན་ཞིང་གཙང་བ་དང་། །བཀྲ་ཤིས་ཉམས་དགའི་ས་ཕྱོགས་སུ། །རྣམ་ཐོས་སྲས་ནི་བསྒྲུབ་པར་བྱ། །ས་གཞི་བ་ཡི་ལྕི་བས་བྱུག་།དྲི་ཙན་དན་དཀར་དམར་དང་། ། ག་རུ
284a7 དང་དུ་རུ་ཀ། །ཁ་ཆེ་གི་ཧང་སྣ་ཚོགས་སྨན། །བསྲེག་ཅིང་ཚོགས་པའི་སྨན་དུ་བྱ། །མཎྜལ་གྲུ་བཞི་མདའ་གང་བ། །དཀྱིལ་འཁོར་སྒོ་བཞི་རྟ་བབས་དང་། །རིན་ཆེན་ཁང་པ་ཡིད་འོང་བ། །ཕོ་བྲང་རིན་ཆེན་ལས་གྲུབ་པ། །སྣ་ཚོགས་པདྨ་རིན་ཆེན་གླིང་། །གཏེར་དང་དཔག
iiif viewer powered by OpenSeadragon
