| e-texts navigator |
| Wylie |
282a1 ཨོ~ཾ་ཤྲཱི་དེ་ཝི་ཙ་མུཎྜ་རཀྟ་ཙ་མུཎྜི། སེཾ་ག་མོར། དྷ་ཀེ་སང་ཧ་སི་ཏ། མུ་ཁི་ཀ་ར་ཧ་ར། ཀཱི་ལ་ཀཱི་ལ། ཕྲེ་ཀྵ་ཏི་ཏ་ས་ན་ས་ཏ་བྲཱུ~ཾ་བྲཱུ~ཾ་ལ་ལ་ཏ་ཡ། ཀ་པཱ་ལ་མ་ལཱ་དྷ་ར་ནི་ཧཱུ~ཾ་ཧཱུ~ཾ་ཕཊ་ཕཊ་སྭཱ་ཧཱ། ཐོད་པའི་ནང་དུ་འཁོར་བར་བྲི། །ཕྱི་ཡི་རྟེན་དུ་བཤད་པ་ཡིན། །བོང་བུ་ནག་མོའི་ཐོད་པ
282a2 ལ། །རྟེན་པ་ལྷ་མོའི་སྐུ་བྲིས་པ། །ནང་གི་རྟེན་དུ་བཤད་པ་ཡིན། །ནལ་གྲིའི་སྙིང་ནི་མཉམས་པ། །མཚོན་གྱི་རྩེ་ལ་བཀོན་ལ་གཞག་།གསང་བའི་རྟེན་དུ་གཟུགས་པར་བྱ། །བུ་མོའི་ཐོད་པ་ཇ་རིལ་དང་། །གྲི་གུག་དར་གྱིས་གཏུམས་པ་དང་། །དྲི་བཟང་མཚོན་གྱིས་བདུག་པར
282a3 བྱ། །དེ་ཁོ་ན་ཉིད་རྟེན་དུ་བཤད། །དེ་ནས་ནུབ་ཕྱོགས་དག་ནས་ནི། །གསུམ་གྱིས་ཁུར་ནས་འོངས་པའི་རྡོ། །མི་ནག་གསུམ་གྱིས་འདི་སྐད་བརྗོད། །སྐུ་གསུང་ཐུགས་ཀྱི་བདག་ཉིད་ཅན། །རྡོ་རྗེ་མགོན་པོ་འཁོར་བཅས་པ། །རང་བཞིན་གནས་ནས་སྐུ་བཞེངས་ལ། །འདིར་ནི
282a4 བསྟན་སྲུང་བཞུགས་སུ་གསོལ། །ལན་གསུམ་བརྗོད་ནས་གཞུག་པར་བྱ། །རོལ་མོའི་སྒྲ་དང་སྤོས་དུད་དང་། །སྣ་ཚོགས་རོལ་མོས་བསུ་ནས་ཀྱང་། །ཕྲིན་ལས་གང་འགྲུབ་རིམ་ཤེས་བྱ། །འདི་ནི་རང་བཞིན་རྟེན་ཡིན་ནོ། །དཔལ་མགོན་པོ་ཆེན་པོ་དངོས་གྲུབ་འབྱུང་བའི་རྒྱུད
282a5 ལས་ཕྱི་ནང་གསང་བ་དང་སྐུ་གསུང་ཐུགས་ཀྱི་རྟེན་གཟུགས་པའི་ལེའུ་སྟེ་ལྔ་པའོ། ། །།དེ་ནས་གཞན་ཡང་བཤད་པར་བྱ། །དཔལ་ལྡན་ནག་པོ་ཆེན་པོ་ཡི། །བཀའ་ཡི་ཚོགས་ཀྱིས་འཁོར་གྱུར་པ། །འདི་ནི་ཀུན་དུ་ཤེས་པར་བྱ། །ལས་ཀྱི་མགོན་པོ་རྣམས་དང་ནི། །ལྷ
282a6 མོ་ཆེན་མོ་འཁོར་དང་བཅས། །ལྷ་སྲིན་སྡེ་བརྒྱད་མ་ལུས་པ། །ཕོ་ཉ་མངག་གཞུག་ལས་བྱེད་པའོ། །གཞན་ཡང་ཕྱོགས་སྐྱོང་བཅུ་དང་ནི། །ཀླུ་ཆེན་བརྒྱད་དང་ལྷ་ཆེན་བརྒྱད། །གཟའ་ཆེན་བརྒྱད་དང་རྒྱལ་ཆེན་བཞི། །རྒྱུ་སྐར་ཉི་ཤུ་རྩ་བརྒྱད་དེ། །གནོད་སྦྱིན་བརྒྱད་དང་འཕྲོག་མའི
282a7 བུ། །ཤ་ཟ་དང་ནི་མ་མོ་དང་། །འཇིག་རྟེན་པ་དང་དམ་ཚིག་གནས། །ཞིང་སྐྱོང་མ་ལུས་འཁོར་དང་བཅས། །འདི་དག་ལས་ཀུན་བྱེད་པ་ཡི། །འཇིག་རྟེན་སྐྱོང་བ་བཞི་བཅས་པས། །གྲུབ་པ་རབ་ཏུ་སྩོལ་མཛད་པ། །ལྷ་དང་ལྷ་མིན་མིའམ་ཅི། །ལྟོ་འཕྱེ་གྲུལ་བུམ་སྲུལ་པོ་དང་། །
iiif viewer powered by OpenSeadragon
