| e-texts navigator |
| Wylie |
281b1 དངོས་གྲུབ་འབྱུང་བའི་རྒྱུད་ལས་དཀྱིལ་འཁོར་བའི་མགོན་པོ་དང་ཡུམ་དང་བཅས་པའི་གསང་སྔགས་དང་ཕྲིན་ལས་ཀྱི་ལེའུ་སྟེ་བཅུ་བཞི་པའོ། ། །།དེ་ནས་བདེན་པ་ཙམ་གྱིས་ནི། །གྲུབ་པ་སྩོལ་བར་མཛད་པ་པོ། །དངོས་གྲུབ་འབྱུང་གནས་རིམ་པ་ནི། །ཡང་དག་ཉིད་དུ
281b2 བཤད་པར་བྱ། །བྱ་རོག་གཡང་གཞིས་བརྒྱན་པ་ཡི། །ནག་པོ་ཕྱག་བཞི་པ་ཡི་སྐུ། །གསང་ཞིང་དམ་ཚིག་ལྡན་པས་བྲི། །དེ་ནི་སྐུ་ཡི་རྟེན་དུ་བཤད། །གསེར་དངུལ་ལ་སོགས་ཀྱིས་བྲིས་པའི། །ནག་པོ་ཆེན་པོའི་སྙིང་པོ་དང་། །ཉེ་བའི་སྙིང་པོ་བྲིས་པ་རྣམས། །གསུང་གི་རྟེན་དུ་འདོད
281b3 པའོ། །བྱ་རོག་སོགས་དང་རྟ་ནག་སྙིང་། །ཁྱི་ཡི་སྙིང་དང་མི་ཡི་སྙིང་། །རིན་ཆེན་ལྔ་དང་བཅས་པ་རྣམས། །ཐུགས་ཀྱི་རྟེན་དུ་གཟུང་བར་བྱ། །སྙིང་གི་རྣམ་པ་ཐམས་ཅད་དང་། །ཉ་ཤ་ལ་སོགས་འབྲུ་ཡི་ཆན། །སྨན་གྱི་རྣམ་པ་ཐམས་ཅད་དང་། །བསྙེན་པའི་གཏོར་མ་བྱ་བ་ཡིན། །
281b4 རྫས་དང་གཏའ་གཏོར་སྟེང་དང་འོག་།སྟེང་ནས་དར་ནག་གུར་གྱིས་དབུབ། །ཤ་ལྔ་སྨན་ལྔ་མྱོས་བྱེད་བཅས། །རྒྱུན་དུ་ཐུགས་དམ་བསྐུལ་ཕྱིར་མཆོད། །རྟ་ནག་ལུག་ནག་གཡག་རོག་ལ། །མགུལ་དུ་སྙིང་པོ་བྲིས་ལ་གདགས། །དེ་ཡི་ངོ་བོ་ལེགས་ཕུལ་ལ། །ཕྱི་ཡི་རྟེན་དུ་བྱ་བར
281b5 བཤད། །ནག་པོ་རས་སམ་དར་ལ་ཡང་། །རིན་ཆེན་ལྔ་དང་བཅས་པ་ཡིས། །ནག་པོ་ཞལ་གཅིག་ཕྱག་བཞི་པ། །བྲིས་པ་ཉིན་གཅིག་གིས་རྫོགས་ནས། །བར་ཆད་མེད་པར་རབ་གནས་བྱ། །གསང་རྟེན་ལུས་ལ་བཅང་བའོ། །སྣ་ཚོགས་འབྲུ་ནག་དཔལ་བྱས་པའི། །གཏོར
281b6 མ་མི་ཤས་བརྒྱན་པ་དག་། ཕོ་བྲང་རྟེན་དང་བརྟེན་པར་བཅས། །ནང་གི་རྟེན་དུ་སློབ་པའོ། །སྐྱེས་པ་གྲིར་ཤིའི་ཐོད་ཕྲེང་ནི། །ཡོན་ཏན་ལྡན་ཕྱིར་རྟག་ཏུ་སྦ། །མི་གསོད་མཚོན་ལས་བྱས་པ་ཡིས། །རྡོ་རྗེ་གྲི་གུག་ཧཱུ~ཾ་བྲིས་པ། །ཕྲིན་ལས་བྱེད་པའི་ཁྱད་པར་རོ། །དམ་ཚིག་གནས
281b7 པའི་རྣལ་འབྱོར་པས། །ཉམས་དགའ་དབེན་པའི་གནས་ཉིད་དུ། །ལྷ་མོའི་རྟེན་ཡང་འདི་ལྟར་རོ། །རིགས་མེད་ཀྱི་ནི་ཐོད་པ་ལ། །གསང་སྔགས་ཡི་གེ་འདི་དག་ནི། །བྲིས་པ་ཙམ་གྱིས་ལས་འགྲུབ་བྱེད། །བསྒྲུབ་པ་མི་དགོས་ནུས་པ་འབྱུང་། །དུར་ཁྲོད་སོལ་བས་སྔགས་འདི་བྲི། །
iiif viewer powered by OpenSeadragon
